پاقژیا مالێ‌ و خوارنێ‌

بوچی پاقژیا مالێ‌ و خوارنێ‌ یا گرنگە؟

– ئەو خانیێ‌ چاڤێ‌ روژێ‌ نەگەهیتێ‌ و هەروەسا با بدروستی دناڤ مالێ‌ دا كارنەكەت، ئانكو دەرگەهـ و پەنجەر ب بەردەوامی دگرتی بن ئەڤ جورە خانیە نە د تەندروستی نە بو ژیانێ‌.

– ئەو دیكێلا كومبوی دناڤ مالا دا ب ئەگەرێ‌ بكارئینانا سوپا دبیتە ئەگەرێ‌ ئێشانا چاڤا و پەیدابوونا نەساخیێن بهێن هەلكێشانێ‌.

– زادێ‌ پیس دبیتە ئەگەرێ‌ ژمارەكا زور ژ نەساخیا وەك زك چوونێ‌.

چەوا زاد پیس دبیت ؟ متابعة قراءة “پاقژیا مالێ‌ و خوارنێ‌”

پاقژیا كەسی

هندیكە خێزانا ساخلەمە یا راوەستیایە لسەر زەلام و ژنێ‌، ولسەر زەلامی یە چاڤدانا ساخلەمی یا گشتی بكەت برێكا تێبینی كرنا رێكێن ساخلەم ژ پاقژیێ‌ و ژێگرتنا خوارن و ڤەخوارنان وچاڤدانا ساخلەمی یا ژنێ‌ وزاروكان، وچاڤدانا ژنێ‌ لدەمێ‌ دووگیانیێ‌ و زاروك بونێ‌، وتێبینی كرنا نیشانێن نەخوشیان لدەڤ زاروكان، وپەیداكرنا رێكێن ساخلەم بو پاقژیا كەسایەتی برێكا:

1- شوویشتن و پاقژیا لەشی ب كێمی جارەكێ‌ تا دوو جارا د حەفتیێ‌ دا.

2- پاقژكرنا هەردوو دەستان و دەڤ و دفن و سەرو چاڤ و هەردوو گوهان و پرچێ‌ روژانە.

3- شوویشتنا هەردوو دەستان بەری خوارنێ‌ و پشتی چوونا هەردوو دەست ئاڤان و پشتی دەستكرنا نەخوشان.

4- پاقژكرنا هەردوو رێكان (ریكێن زراڤ و یا ستویر) ب ئاڤێ‌ پشتی دەست ئاڤا زراڤ و یا ستویر.

متابعة قراءة “پاقژیا كەسی”

زيانێت ڤەخارنێت وزەى

زيانێت ڤەخارنێت وزەى (مشروبات الطاقة) وەكى تايكەر و رێدبول و لكلك وپاوەر هورس و و و…..:-

1- زێدە فەخارنا وانا مروڤي توشى (ادمان)ێ دكەت.

2- دبنە ئەگەرێ ئێشا سستيا هەستيكا.

3- زيانێت مەزن دگەهيننە مێلاكا رەش.

4- هشك كرنا لەشێ مروڤي ژ ئاڤێ.

5- بلند كرنا فشارا خوينێ.

6- بلند كرنا شەكرا خوينێ.

متابعة قراءة “زيانێت ڤەخارنێت وزەى”

سیسته‌مێ‌ 122 چیه‌؟

وه‌زاره‌تا ساخله‌میێ‌ ل هه‌رێما كوردستانێ‌/ رێڤه‌به‌ریا گشتی یا ساخله‌میێ‌ ل پارێزگه‌ها دهوكێ‌ بریاردا سیسته‌مه‌كێ‌ ژماره‌یی یێ‌ سڤك بۆ په‌یوه‌ندی پێكرنێ‌ ب شێوه‌یه‌كێ‌ بله‌ز ل ده‌مێ‌ حاله‌تێن ته‌نگاڤیان یێن بمه‌ترسی بكاربینیت. 

سیسته‌مێ‌ 122 سیسته‌مه‌كێ‌ ب هه‌روه‌یه‌ بو ڤان كومپانیان:

– كوره‌ك تیلیكوم

– نۆوروز تیلیكوم (نورمال, رێبه‌ر, وایرلیس)

– ئاسیا تیلیكوم

كه‌نگی دشیان دایه‌ سیسته‌مێ‌ 122 بهێته‌ بكار ئینان؟

تو دشێی سیسته‌مێ‌ 122 ل وان حاله‌تان بكاربینی ده‌مێ‌ تو دزانی كو دمه‌ترسیێ‌ دانه‌, دهێته‌ پێناسه‌كرن كو ئه‌و حاله‌تێن ته‌نگاڤیانه‌ بو كه‌سه‌كی یان كومه‌كا مروڤان.

تو چ پێشبینی دكه‌ی ده‌مێ‌ په‌یوه‌ندیێ‌ ب 122 دكه‌ی؟

متابعة قراءة “سیسته‌مێ‌ 122 چیه‌؟”

نەخوشیا ئەنفلوەنزایێ

وەلاتیێ بەرێز بۆ خۆ پاراستنێ ژ توشبوونێ ب نەخوشیا ئەنفلوەنزایێ پێگیریێ ب ڤان خالان بكە:

1- زوی دەستێن خۆ ب ئاڤ و سابوینێ بشو بشێوەیەكێ باش.

2- ماسكی بكاربینە دەمێ دكوخی و دبێهنژی.

3- دەمێ دكوخی و د بێهنژی دەڤ و دفنا خۆ ب كلینسەكێ بنخێڤە و پاشی بهاڤێژە دناڤ زبلدانكێ دا و پاشی راستەوخو دەستێن خۆ بشو.

4- خۆ دویربێخە ژ كەسێ توشی ڤێ نەخوشیێ بووی (دویری دناڤبەرا هەوەدا ژ مەترەكێ كێمتر نەبیت).

5- د دەمێ دان و ستاندنێ دا, بزاڤێ بكە دویریا دناڤبەرا تە و كەسێ بەرامبەری تە كێمتر نەبیت ژ مەترەكێ.

6- د دەمێ سلاڤ كرنێ دا دویركەڤە ژ سلاڤا دەستی و ماچیكرن و هەمبێزگرتنێ دا.

7- دویركەڤە ژ جهێن قەرەبالخ.

8- ل جهێ كاری زوی دەرگەهـ وپەنجەرا ڤەكە بۆ گهورینا هەوای.

9- دەمێ نیشانێن ئەنفلوەنزایێ ل دەڤ تە پەیدابوون (تا, كوخك, ئێشانا گەریێ) سەرەدانا نێزیكترین بنگەهێ ساخلەمیێ بكە.

متابعة قراءة “نەخوشیا ئەنفلوەنزایێ”

كولێرا

  Cholera

رێكێن خو پاراستنێ‌

وە‌لاتیێ‌ خوشتڤی … بو خو پاراستن ژڤێ‌ نەخوشیا كوژە‌ك پێگریێ بڤان خالان بكە:

• بەری دە‌ست ب خوارنێ‌ بكەی و پشتی ژ خوارنێ‌ بدوویماهی دهێی و دیسان پشتی دە‌ستئاڤێ‌  دەستێت خو باش ب ئاڤێ‌ و سابوونێ‌ بشوو.

• خوارنێ‌ باش بكەلینە‌ و خوارنا هە‌لگرتی گە‌رم بكە بە‌ری جارە‌كا دی بهێتە خارن.

• ئاڤا پاقژ بو ڤەخوارنێ‌ و شووشتنا زە‌رزە‌واتی و فێقی بكاربینە.

• هەكە یێ‌ پشت راست نەبی ژ ئاڤا ڤەخوارنێ‌ بو دەمێ‌ 5 خولەكان بكەلینە یان كلوری بۆ پاقژكرنا وێ‌ بكاربینە.

• فێقی وزەرزەواتی بو دەمێ 10 خولەكان دناڤ ئاڤە خوێ‌ یان تایتێ‌ دا بدانە و پاشی ب ئاڤەكا پاقژ بشوو بەری خوارنا وان.

• ل خوارنگەهان فێقی و زەرزەواتی و زەلاتێ‌ نەخوو ودیسان ئاڤەماستا ب دەست دهێتە چێكرن نەڤەخوو و ئاڤا بوتلان بكاربینە.

• دەمێ‌ تووشی زكچوونەكا دژوار دبی، ب زووترین دەم سەرەدانا نوژداری بكە.

• نەخوشیا كولێرایێ‌ دپتریا جاران دا یاسڤك و ناڤنجی یە و ب وەرگرتنا ژیناڤا (مغذی) ORS دهێتە چارەسەركرن.

• قالبێن بەفرێ‌ بو تەزاندنا ئاڤێ‌ راستەوخو نەكە دناڤ ئاڤێ‌ دا.

متابعة قراءة “كولێرا”