رێكێن چاره‌سه‌ركرنا خه‌له‌تییا (10) ودوماهیكێ

ڕێكا ده‌هێ ودوماهیكێ: پسیارێ ژێ بكه‌

هه‌ر وه‌خته‌كێ خه‌له‌تى گه‌هشته‌ ته ژ ئێكى ب ڕێكا كه‌سه‌كێ دڤێت دوو تشت ل ده‌ف ته‌ هه‌بن:

ئێك : دڤێت ته‌ئكید بكه‌ى كا ڕاسته‌ یان نه‌ به‌رى تو تشته‌كى دده‌رحه‌قێ وى دا بێژى ..‌ڕێكا ده‌هێ ودوماهیكێ پسیارێ ژێ بكه‌

دوو : ئه‌گه‌ر وسا بت دڤێت پسیارا ئه‌وى كه‌سى بكه‌ى ئه‌وێ خه‌له‌تى كرى كا ته‌ ژبه‌ر چ كر ..

وئه‌گه‌ر ته‌ بخۆ ئه‌و دیت كو خه‌له‌تى كر هینگێ تشتێ دووێ دڤێت ل ده‌ف ته‌ هه‌بت ..

وبه‌رى ئه‌ڤان هه‌ردوو پێنگاڤا دڤێت هزرا باش ژى ژێ بكه‌ى نه‌یا خراب حه‌تا بۆ ته‌ دیار دبت كا كریه‌ یان نه‌ وئه‌گه‌ر كربت كا ژبه‌ر چ كریه‌ ..

وب ئه‌ڤێ چه‌ندێ تو یێ وى پێ دحه‌سینى كو تو یێ قه‌در وقیمه‌ت وئیحترامێ دده‌یێ ، وهه‌ر وسا دێ بته‌ جهێ هندێ ئه‌وژى شه‌رمێ ژ خۆ بكه‌ت و بزانت كو یا لائێق نه‌بوو ئه‌وى ئه‌و خه‌له‌تى كرى ..

متابعة قراءة “رێكێن چاره‌سه‌ركرنا خه‌له‌تییا (10) ودوماهیكێ”

رێكێن چاره‌سه‌ركرنا خه‌له‌تییا (9)

ڕێكا نه‌هێ: باشیێـن وى ژبیر نه‌كه‌

گه‌له‌ك كه‌سێن هه‌ین گه‌له‌ك باشیێن هه‌ى به‌لێ ته هند دیت كه‌ته‌ د خه‌له‌تیه‌كێ دا یان د هنده‌ك خه‌له‌تییا دا ، وه‌ختێ ته‌ بڤێت نه‌صیحه‌ت بكه‌ى ئه‌وان باشییا ژبیر نه‌كه‌ به‌لێ بینه‌ بیرا وى ودانه‌ پێش چاڤێت وى ، وئه‌ڤه‌ دێ پتر بته‌ جهێ هندێ كو ئه‌و نه‌صیحه‌تا ته‌ وه‌رگرت وقه‌بویل بكه‌ت ..رێكێن چاره‌سه‌ركرنا خه‌له‌تییا (9)

به‌لێ ئه‌گه‌ر ته‌ ئه‌و باشى هه‌مى ژبیر كرن وته‌ گل وگازنده‌ وڕه‌خنه‌ ل وى گرت سه‌را ئه‌وێ خه‌له‌تیێ یان ئه‌وان خه‌له‌تییا بتنێ هینگێ نه‌دویره‌ ددلێ خۆدا هزره‌كا خراب ژ ته‌ بكه‌ت وبێژت : ئه‌ف كه‌سه‌ به‌س یێ ل خه‌له‌تیێت من دگه‌ریێت !!

ڤێجا یا باش ئه‌وه‌ كو باراپتر ونه‌خاسمه‌ لگه‌ل ئه‌وان كه‌سێن باش وخه‌له‌تیه‌ك یان گوننه‌هه‌ك كر مرۆڤ ئه‌ڤێ چه‌ندێ لگه‌ل كار بینت دا ببته‌ ئه‌گه‌رێ زڤڕینا وى ..

متابعة قراءة “رێكێن چاره‌سه‌ركرنا خه‌له‌تییا (9)”

رێكێن چاره‌سه‌ركرنا خه‌له‌تییا (8)

ڕێكا هه‌شتێ : یێ نه‌رم وحه‌لیم وڕحه‌ت به‌

باشترین ڕێك بۆ وه‌رگرتنا نه‌سیحه‌تێ ئه‌وه‌ ئه‌وێ نه‌سیحه‌تێ دكه‌ت یێ نه‌رم وحه‌لیم وڕحه‌ت بت د نه‌سیحه‌تكرنێ دا ..

وكه‌سه‌ك نینه‌ ژ ئاخفتنا نه‌رم وخۆش وڕحه‌ت ب ڕه‌ڤت ژبلى ئه‌وى ئه‌وێ حه‌قیى نه‌ڤێت وحه‌ژێ نه‌كه‌ت ..ڕێكا هه‌شتێ یێ نه‌رم وحه‌لیم وڕحه‌ت به‌

وپێغه‌مبه‌رێ خودێ صلى الله علیه وسلم ئه‌مرێ مه‌یێ كرى ب ئه‌ڤێ چه‌ندێ وكار ژى یا پێ كرى گه‌له‌ك جارا ..

بۆ نمونه‌ :

1- ده‌یكا مه‌ عائیشا خودێ ته‌عالا ژێ ڕازى بت دبێژت : هنده‌ك جوهى هاتنه‌ ده‌ف پێغه‌مبه‌رێ خودێ صلى الله علیه وسلم ئه‌وانه‌ سلاڤ كره‌ پێغه‌مبه‌رێ خودێ صلى الله علیه وسلم وگوتن: (السَّامُ عَلَيْكَ) ئانكو مرن بۆ ته‌بت ئه‌ى محمد ، به‌لێ پێغه‌مبه‌رێ خودێ صلى الله علیه وسلم چ گوتن نه‌ گوتنه‌ وان ژبلى (وَعَلَيْكُمْ) ئانكو : بۆ هه‌وه‌ژى ، لگه‌ل هندێ پێغه‌مبه‌رێ خودێ صلى الله علیه وسلم دزانى كا ئه‌و چ دبێژن ژى ..

متابعة قراءة “رێكێن چاره‌سه‌ركرنا خه‌له‌تییا (8)”

رێكێن چاره‌سه‌ركرنا خه‌له‌تییا (7)

ڕێكا حه‌فتێ: خۆ دانه‌ جهێ وى

گه‌لى هه‌ڤالێن هێژا .. ئه‌گه‌ر ته‌ كه‌سه‌كێ گوننه‌هكار یان خه‌له‌ت دیت به‌رى هه‌مى تشتا خۆ دانه‌ جهێ وى وپاشى ل چاره‌كێ ب گه‌ڕیه‌ بۆ نه‌هێلانا ئه‌وێ خه‌له‌تیێ یان گوننه‌هێ ..ڕێكا حه‌فتێ خۆ دانه‌ جهێ وى

ڤێجا ل دویف به‌رێخودانا ته‌ ئه‌گه‌ر تو ئه‌و كه‌س باى دا كیشك ڕێكێ هه‌لبژێرى ودا كیشك گوتنێ وه‌رگرى ئه‌گه‌ر ئێكى تو شیره‌ت كرباێ ؟ ..

هینگێ وه‌ختێ ته‌ ڕێكه‌ك دیت یا ژ هه‌مییا باشتر كو ئه‌گه‌ر ئێكى به‌رێ ته‌ دابایێ یان گوتنه‌ك یا ژ هه‌مییا جوانتر وب موفاتر ئه‌وا ته دڤییا‌ گولێ ببى كا كیشكه‌ ئه‌وێ بكار بینه‌ لگه‌ل ئه‌وى مرۆڤێ كه‌تیه‌ د خه‌له‌تیێ دا یان دگوننه‌هێ دا ..

متابعة قراءة “رێكێن چاره‌سه‌ركرنا خه‌له‌تییا (7)”

رێكێن چاره‌سه‌ركرنا خه‌له‌تییا (6)

ڕێكا شه‌شێ : نه‌كرنا جڕه‌ بڕێ (جیدالێ)

هندى ژ مرۆڤى بهێت بلا مرۆڤ خۆ ژ جڕه‌ بڕێ دویر بێخت‌ وپێلت لگه‌ل ئه‌وى مرۆڤێ دكفته‌ د خه‌له‌تیێ دا یان د گوننه‌هێ دا ، چونكو دێ بته‌ ئه‌گه‌رێ پتر ڕازى بوون وقه‌ناعه‌تا وى ..ڕێكا شه‌شێ نه‌كرنا جڕه‌ بڕێ (جیدالێ)

وهندى جڕه‌ بڕه‌ گه‌له‌ك جارا ئه‌وى كه‌سێ خه‌له‌تیێ وگوننه‌هێ دكه‌ت پتر ڕكۆ دكه‌ت لسه‌ر ئه‌وێ خه‌له‌تیێ یان ئه‌وێ گوننه‌هێ .. نه‌خاسمه‌ ئه‌گه‌ر ئاخفتنێن هشك وڕه‌ق و نه‌ جوان بێنه‌ گوتن ، وباراپتر د جڕه‌ بڕێ دا تێنه‌ گوتن ..

ودڤێت ل بیرا مرۆڤى بت كو مه‌خسه‌دا مرۆڤى ئه‌وه‌ ئه‌وى مرۆڤێ خه‌له‌ت یان یێ گوننه‌هكار ب ده‌ست خۆڤه‌ بینت نه‌كو ژ ده‌ست بده‌ت ، وچێت بت ب ڕێكا جڕه‌ بڕێ مرۆڤ ئه‌وى ژ ده‌ست بده‌ت ..

وهه‌ر وسا دڤێت بزانین كو چێتبت ئه‌و مرۆڤ ئه‌وێ خه‌له‌تیێ ب كه‌رامه‌تا خۆڤه‌ كرێده‌ت ، و وسا هزربكه‌ت ئه‌گه‌ر ل خۆ زڤرى ئه‌ڤه‌ ئه‌وى كه‌رامه‌تا خۆ ژ ده‌ست دا ، ڤێجا هینگێ ژبه‌ر كه‌رامه‌تا خۆ هندى ژێ بێت دێ به‌ڕه‌ڤانیێ كه‌ت ، نه‌ ژبه‌ر خه‌له‌تییا خۆ به‌لێ ژبه‌ر كه‌رامه‌تا خۆ .. وهینگێ دێ گه‌له‌كا ب زه‌حمه‌ت بت كو ئه‌و گوهێ خۆ بده‌ته‌ مرۆڤى و ژ خه‌له‌تییا خۆ ب زڤڕت ..

متابعة قراءة “رێكێن چاره‌سه‌ركرنا خه‌له‌تییا (6)”

رێكێن چاره‌سه‌ركرنا خه‌له‌تییا (5)

ڕێكا پێنجێ : ب كارئینانا ئاخفتنێن جوان

نه‌یا به‌رزه‌یه‌ ل ده‌ف كه‌سه‌كێ ژ مه‌ كو ئاخفتنێن جوان وشرین هه‌مى خه‌لك حه‌ژێ دكه‌ن .. ویا ژ ئه‌ڤێ مه‌زنتر گوتنا ئاخفتنێن جوان وشرین عیباده‌ته‌ وه‌كى پێغه‌مبه‌رێ خودێ صلى الله علیه وسلم گوتى ..ڕێكا پێنجێ ب كارئینانا ئاخفتنێن جوان

ڤێجا ژبه‌ر هندێ دڤێت وه‌ختێ ئه‌م كه‌سه‌كى ژ گوننه‌هه‌كێ یان خه‌له‌تیه‌كێ بده‌ینه‌ پاش ئه‌م ئاخفتنێن جوان وشرین بكاربینین لگه‌ل وى ..
بۆ نمونه‌ : ئه‌گه‌ر مرۆڤ بێژتێ : (ئه‌گه‌ر ته‌ ئه‌ف تشته‌ نه‌ كربا باشتر بوو) یان (تو چ دبێژى ئه‌گه‌ر تو ئه‌ڤى تشتى نه‌كه‌ى چونكو چ باشى تێدا نینه‌) یان (ب ڕه‌ئییا من ئه‌ڤه‌ كاره‌كێ خرابه‌ وبێ موفایه‌ ئه‌رێ ڕه‌ئییا ته‌ چیه‌ ؟) وهنده‌ك ئاخفتنێن ب ئه‌ڤى ڕه‌نگى یێن جوان وشرین ..

ئه‌رێ ما ئه‌ڤه‌ باشتر نینه‌ ژ هندێ كو مرۆڤ ئاخفتنێن حشك وڕه‌ق وكرێت بێژتێ ؟

بۆ نمونه‌ : مرۆڤ بێژتێ (ما تو جاهێلى ، ما ته‌ عاقل نینه‌ ، ما تویێ دینى ، ئه‌فه‌ من چه‌ند جارا گوته‌ ته‌ ما گوهـ بته‌ڤه‌ نینن ، هه‌ى بێ ئه‌ده‌ب ، هه‌ى بێ ڕه‌وشت ، … هتد ..) ئه‌رێ ئه‌ڤه‌ باشت ریان ئه‌وا دى ؟ .

متابعة قراءة “رێكێن چاره‌سه‌ركرنا خه‌له‌تییا (5)”

رێكێن چاره‌سه‌ركرنا خه‌له‌تییا (4)

ڕێكا چارێ: گه‌له‌ك لومه‌كه‌ر نه‌به‌ لگه‌ل وى‌

مه‌خسه‌د ب لومه‌كرنێ ل ڤێرێ ئه‌ڤه‌یه‌ : تو گه‌له‌ك جارا بێژیێ : ته‌ بوچى ئه‌ف تشته‌ كر ، ما تو نزانى خه‌له‌ته‌ ، یان ته‌بوچى ئه‌ف شوله‌ نه‌كر ، ئه‌فه‌ من چه‌ند جارا گوته‌ ته‌ ما گوهـ بته‌ڤه‌ نینن ، تو بوچى چویه‌ فلان جهى ، تو بوچى نه‌چویه‌ فلان جهى ، و…. هتد ..ڕێكا چارێ گه‌له‌ك لومه‌كه‌ر نه‌به‌ لگه‌ل وى‌

ڤێجا گه‌له‌ك لومه‌كرن باراپتر باشى پێڤه‌ نائێت ، به‌لێ چێتبت ببته‌ ئه‌گه‌رێ (ڕه‌د فعلا) ئه‌وى مرۆڤى وئه‌وێ گوننه‌هێ یان خه‌له‌تیێ نه‌هێلت ..
ژبه‌ر هندێ دڤێت ئه‌ف چه‌نده‌ ل بیرا مه‌بت ، وئه‌م خۆ ژێ بده‌ینه‌ پاش .. چونكو هندى لومه‌ كرنه‌ وه‌كى تیرا تیركوڤانیه‌ یا كوژه‌كه‌ ، هه‌ر وه‌خته‌كێ ژ تیركوڤانێ ده‌ركه‌ت ، نه‌دیره‌ هه‌ر بۆ خودانى بژڤرت وزه‌ره‌كا مه‌زن بگه‌هینتێ ..

وهه‌ر وسا دڤێت بزانین كو لومه‌كرن مه‌زناهییا نه‌فسا خودانێ گوننه‌هێ یان خه‌له‌تیێ دشكێنت ، وتێخته‌ د كاڤلانكێ شه‌رمێ دا ، ونه‌خاسمه‌ ئه‌گه‌ر ل ناف خه‌لكى دا بت ..

وهه‌ر وسا دڤێت بزانین كو كه‌سه‌ك نینه‌ حه‌ش لوما وگل وگازندا بكه‌ت ، وئه‌ڤه‌ بتنێ به‌سى هندێ یه‌ كو ئه‌م بزانیین زه‌ره‌را وخرابییا لومه‌كرنێ كا چه‌ندا مه‌زنه‌ ..

متابعة قراءة “رێكێن چاره‌سه‌ركرنا خه‌له‌تییا (4)”

رێكێن چاره‌سه‌ركرنا خه‌له‌تییا (3)

ڕێكا سیێ: ڕاكرنا ئه‌وێ په‌ردا طارى ژبه‌ر چاڤا

ئه‌و مرۆڤێ گوننه‌هێ دكه‌ت یا دكه‌فته‌ د خه‌لتیێ دا یان دل لسه‌ر هه‌بت هنده‌ك جارا ئه‌و بخۆ نا حه‌سیێت كو یێ گوننه‌هكاره‌ یان یێ خه‌له‌ته یان دێ كه‌فته‌ د گوننه‌هێ وخه‌له‌تیێ دا .. ڕێكا سیێ ڕاكرنا ئه‌وێ په‌ردا طارى ژبه‌ر چاڤا

ڤێجا چێنابت ئه‌م گل وگازنا ولوما لێ بكه‌ین ب ڕه‌نگه‌كێ ئێكسه‌ر ، وئه‌و ئه‌وه‌ یێ دبینت كو یێ دروست و چ گوننه‌هـ وخه‌له‌تى نه‌كرینه‌ ..
ژبه‌ر ئه‌ڤێ چه‌ندێ دڤێت ئه‌م به‌رى هه‌مى تشتا ئه‌ڤێ په‌ردا شێلى وطارى ژبه‌ر چاڤێت وى ڕاكه‌ین دا بزانت و بخۆ بحه‌سیێت كو ئه‌و یێ گوننه‌هكاره‌ ویێ خه‌له‌ته‌ ..

وباشترین نمونه‌ لسه‌ر ئه‌ڤێ چه‌ندێ سوحبه‌تا ئه‌وى جحێلى یه ئه‌وێ هاتیه‌ ده‌ف پێغه‌مبه‌رێ خودێ صلى الله علیه وسلم وگوتیێ یا پێغه‌مبه‌رێ خودێ ڕوخسه‌تێ بده‌ من دا ئه‌ز زناێ بكه‌م .. سبحان الله ، زناێ ؟!!

به‌لێ ئه‌ ، گه‌له‌ك مه‌نده‌هوش نه‌بن ئه‌وى دڤییا پێغه‌مبه‌رێ خودێ صلى الله علیه وسلم ڕوخسه‌تێ بده‌تێ دا زناێ بكه‌ت !! ..
به‌لێ پێغه‌مبه‌رێ خودێ صلى الله علیه وسلم لێ حه‌یتاند ؟ نه‌خێر .

متابعة قراءة “رێكێن چاره‌سه‌ركرنا خه‌له‌تییا (3)”

رێكێن چاره‌سه‌ركرنا خه‌له‌تییا (2)

ڕێكا دووێ: چ حوكما نه‌ دانه‌ سه‌ر به‌رى شیره‌تكرنێ

گه‌له‌ك كه‌سێن هه‌ین وه‌ختێ گوننه‌هكاره‌كى ببینت به‌رى ئه‌و وى شیره‌ت بكه‌ت دێ ل نك خۆ و د نه‌فسا خۆ وهزرا خۆ دا حوكمه‌كى دانته‌ سه‌ر وه‌كى : (كافره ، موبته‌دعه‌ ، فاسقه‌ ، موجرمه‌ ، زالمه‌ ، بێ ڕه‌وشته‌ ، حه‌قی نه‌ڤێت وحه‌ژێ ناكه‌ت ، شیره‌تا قه‌بویل ناكه‌ت ، … وهتد) ..ڕێكا دووێ چ حوكما نه‌ دانه‌ سه‌ر به‌رى شیره‌تكرنێ

ئه‌ز دبێژمه‌ ئه‌ڤان كه‌سا شیره‌تا هه‌وه‌ موفا تێدا نینه‌ ب ئه‌ڤى ڕه‌نگى ، چونكو : ئه‌وێ حوكمه‌كى ژ ڤان ب دانته‌ سه‌ر ئێكى به‌رى شیره‌تكرنێ باراپتر ئه‌وه‌ دێ ب ڕه‌ق وحشكى لگه‌ل ئاخفت ، وعه‌داله‌تێ تێدا ناكه‌ت ، ودێ موحاولێ كه‌ت ئه‌وا د هزرا خۆ دا گوتى ئه‌وێ دیار بكه‌ت لسه‌ر ئه‌ڤى كه‌سى ، وبۆ خه‌لكى دیار بكه‌ت كو وسایه‌ وه‌كى ئه‌ز دبێژم ، وپاشى وه‌ختێ شیره‌تا وى قه‌بویل نه‌كر ، دێ بێژت : ئها ما من نه‌گوته‌ هه‌وه‌ یێ وسایه‌ !!

مه‌عنا هه‌ر وه‌كى ئه‌ف كه‌سێ هه‌ یێ چووى ئه‌وى مرۆڤى شیره‌ت بكه‌ت دا ڕه‌ئییا خۆ بسه‌ر بێخت نه‌كو ئه‌وى ب زڤڕینه‌ سه‌ر ڕێكا دروست !! وئه‌ڤه‌ نه‌ ژ مه‌خسه‌دێت شیره‌تكرنێ یه‌ ..

متابعة قراءة “رێكێن چاره‌سه‌ركرنا خه‌له‌تییا (2)”

رێكێن چاره‌سه‌ركرنا خه‌له‌تییا (1)

ڕێكا ئێكێ: ئیخلاصا د شیره‌تكرنێ دا

به‌رى هه‌ر پێنگاڤه‌كا مرۆڤ پاڤێژت دڤێت ئیخلاصێ ل ده‌ف خۆ په‌یدا بكه‌ت ..

ومه‌خسه‌د ب ئیخلاصێ ئه‌ڤه‌یه‌ : كو مرۆڤ ژ دل ئه‌وى گوننه‌هكارى شیره‌ت بكه‌ت ، وژبه‌ر خودێ ته‌عالا نه‌ ژبه‌ر چ تشتێن دى ، ومه‌خسه‌دا مرۆڤى ب شیره‌تكرنێ زڤڕینا ئه‌وى كه‌سیبت نه‌ شكاندنا وى بت ، و چ جارا نه‌كه‌ته‌ منه‌ت لسه‌ر وى ..ڕێكا ئێكێ ئیخلاصا د شیره‌تكرنێ دا

وئیشاره‌ته‌ك یا ب ئه‌ڤێ چه‌ندێ‌ هاتیه‌ دان د قورئانێ دا وه‌ختێ خودێ ته‌عالا به‌حسێ ئه‌وان ژن ومێرا دكه‌ت ئه‌وێت دناڤبه‌را وان دا نه‌خوشى په‌یدابووى وگه‌هشتیه‌ حه‌ددێ به‌ردانێ ، خودێ ته‌عالا دبێژت : حه‌كه‌مه‌كى – ئانكو: مرۆڤه‌كێ زانا وشاره‌زا ویێ باوه‌رێ – ژ مرۆڤێت ژنكێ وئێك ژ مرۆڤێت زه‌لامى بلا ب پێكئینانا وان ڕاببن وناڤبه‌را وان خۆش بكه‌ن ، ڤێجا خودێ ته‌عالا دبێژت : {إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا} [النساء: 35] ئانكو: ئه‌گه‌ر مه‌خسه‌دا وان وئنیه‌تا وان پێكئینانا وان بت و د ڕاست بن د ئنیه‌تا خودا هینگێ خودێ ته‌عالا ژى دێ هاریكارییا وان كه‌ت ودێ بته‌ جهێ هندێ كو ئه‌و ژن ومێر پێك بێن وناڤبه‌را وان جاره‌كا دى خۆش ببت وبگه‌هنه‌ ئێك ..

متابعة قراءة “رێكێن چاره‌سه‌ركرنا خه‌له‌تییا (1)”