Get Adobe Flash player
Untitled Document

كەناڵێ قورئانا پیروز

سەرەدانێت ماڵپەری

ته‌فسیرا سورەتا (البقرة) ئایەت (158-176)

خواندنا قورئانێ (علي عبدالرحمن الحذيفي) – راڤەكرن (تحسين إبراهيم دوسكي) _ داونلوود

إِنَّ الصَّفَا وَالْمَرْوَةَ مِن شَعَائِرِ اللَّهِ ۖ فَمَنْ حَجَّ الْبَيْتَ أَوِ اعْتَمَرَ فَلَا جُنَاحَ عَلَيْهِ أَن يَطَّوَّفَ بِهِمَا ۚ وَمَن تَطَوَّعَ خَيْرًا فَإِنَّ اللَّهَ شَاكِرٌ عَلِيمٌسورة البقرة - عدد الآيات 286 - الآية 158

(158) هندى صه‌فا ومه‌روه‌نه‌ -وئه‌و دو گرێن بچويكن ل نێزيكى كه‌عبێ ل لايێ ڕۆژهه‌لاتێ- ژ ڕێنيشانێن ئاشكه‌رانه‌ يێن دينێ خودێ‌, يێن كو عه‌بدينییا خودێ ب هاتن وچوونا د ناڤبه‌رێ دا دئێته‌كرن. ڤێجا هه‌چییێ بۆ حه‌جێ يان عومرێ قه‌ستا كه‌عبێ بكه‌ت، چو گونه‌هـ وته‌نگاڤى ل سه‌ر وى نينه‌ ئه‌گه‌ر ئه‌و د ناڤبه‌رێ دا بێت وبچت, به‌لكى ئه‌و چه‌نده‌ ل سه‌ر وى يا فه‌ره‌, وهه‌چییێ ژ دل خێران بكه‌ت هندى خودێیه‌‌ سوپاسدارێ وییه‌، سه‌را كێمێ ئه‌و گه‌له‌كێ دده‌ت, يێ پرزانايه‌ ب كريارێن به‌نییێن خۆ، نه‌ خێرا وان به‌رزه‌ دكه‌ت، نه‌ ژى كێم دكه‌ت.

إِنَّ الَّذِينَ يَكْتُمُونَ مَا أَنزَلْنَا مِنَ الْبَيِّنَاتِ وَالْهُدَىٰ مِن بَعْدِ مَا بَيَّنَّاهُ لِلنَّاسِ فِي الْكِتَابِ ۙ أُولَٰئِكَ يَلْعَنُهُمُ اللَّهُ وَيَلْعَنُهُمُ اللَّاعِنُونَسورة البقرة - عدد الآيات 286 - الآية 159

(159) هندى ئه‌ون يێن وان ئايه‌تێن ئاشكه‌را ل سه‌ر پێغه‌مبه‌رينییا موحه‌ممه‌دى سلاڤ لێ بن يێن مه‌ ئيناينه‌ خوارێ، وئه‌و تشتێ ئه‌و پێ هاتى ڤه‌دشێرن، وئه‌و زانايێن جوهى وفه‌لانه‌ وهه‌ر ئێكێ وى تشتێ خودێ د ته‌وراتێ وئنجيلێ دا ئينايه‌ خوارێ ڤه‌شێرت, پشتى كو وى ئه‌و بۆ مرۆڤان ئاشكه‌را كرى، ئــه‌و ئــه‌ون يێن خودێ ئه‌و ژ ڕه‌حما خۆ بێ باركرين, وهه‌مى ئافراندى ب له‌عنه‌ت ڤه‌ نفرينێ ل وان دكه‌ن.

إِلَّا الَّذِينَ تَابُوا وَأَصْلَحُوا وَبَيَّنُوا فَأُولَٰئِكَ أَتُوبُ عَلَيْهِمْ ۚ وَأَنَا التَّوَّابُ الرَّحِيمُسورة البقرة - عدد الآيات 286 - الآية 160

(160) ئه‌و تێ نه‌بن يێن ل خۆ زڤڕين وداخوازا لێبۆرينا گونه‌هان ژ خودێ كرى, وتشتێ وان خرابكرى چێ بكه‌نه‌ڤه‌, ويێ ڤه‌شارتى ئاشكه‌را بكه‌ن، ئه‌وان ئه‌ز دێ ل وان بۆرم, وئه‌زم تۆبا به‌نییێن خۆ وه‌ردگرم، ودلۆڤانییێ پێ دبه‌م.

إِنَّ الَّذِينَ كَفَرُوا وَمَاتُوا وَهُمْ كُفَّارٌ أُولَٰئِكَ عَلَيْهِمْ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَسورة البقرة - عدد الآيات 286 - الآية 161

(161) هندى ئه‌ون يێن باوه‌رى نه‌ئيناى وحه‌قى ڤه‌شارتى, وحه‌تا ئه‌و مرين ئه‌و ل سه‌ر ڤێ چه‌ندێ ماين, ئه‌وان له‌عنه‌تا خودێ ویا ملیاكه‌تان وهه‌مى مرۆڤان ل سه‌ره‌.

خَالِدِينَ فِيهَا ۖ لَا يُخَفَّفُ عَنْهُمُ الْعَذَابُ وَلَا هُمْ يُنظَرُونَسورة البقرة - عدد الآيات 286 - الآية 162

(162) ئه‌و هه‌ر وهه‌ر د له‌عنه‌تێ وئاگرى دا دێ مينن، نه‌ عه‌زاب ل سه‌ر وان سڤك دبت ونه‌ ده‌ليڤه‌ بۆ وان دئێته‌ دان كو ئه‌و داخوازا لێبۆرينێ بكه‌ن.

وَإِلَٰهُكُمْ إِلَٰهٌ وَاحِدٌ ۖ لَّا إِلَٰهَ إِلَّا هُوَ الرَّحْمَٰنُ الرَّحِيمُسورة البقرة - عدد الآيات 286 - الآية 163

(163) وخودايێ هه‌وه‌ -گه‌لى مرۆڤان- خودايه‌كێ ب تنێیه‌، د ناڤ وسالۆخه‌ت وكريارێن خۆ دا يێ بێ هه‌ڤاله‌، ژ وى پێڤه‌تر عه‌بدينى ب دورستى بۆ كه‌سێ نائێته‌كرن، بۆ هه‌مى چێكرییان يێ پڕدلۆڤانه‌، و ب خودان باوه‌ران يێ دلۆڤانكاره‌.

إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنفَعُ النَّاسَ وَمَا أَنزَلَ اللَّهُ مِنَ السَّمَاءِ مِن مَّاءٍ فَأَحْيَا بِهِ الْأَرْضَ بَعْدَ مَوْتِهَا وَبَثَّ فِيهَا مِن كُلِّ دَابَّةٍ وَتَصْرِيفِ الرِّيَاحِ وَالسَّحَابِ الْمُسَخَّرِ بَيْنَ السَّمَاءِ وَالْأَرْضِ لَآيَاتٍ لِّقَوْمٍ يَعْقِلُونَسورة البقرة - عدد الآيات 286 - الآية 164

(164) د ئافراندنا عه‌سمانان دا كو هاتينه‌ بلندكرن وفره‌هكرن، ويا عه‌ردى ب چيا وده‌شت وده‌ريايێن وى ڤه‌، و د ژێكجودابوونا شه‌ڤ وڕۆژان دا ژ لايێ درێژى وكورتییێ، وتارى وڕۆناهییێ ڤه‌، و ل دويڤێك هاتنا وان، و د گه‌مییان دا ئه‌وێن ل ده‌ريايێ دچن، یێن وى تشتێ مفايێ مرۆڤان تێدا هل دگرن، و د ئاڤا بارانێ دا يا خودێ ژ عه‌سمانى باراندى، ڤێجا عه‌رد پشتى هشك وبێ شينكاتى مايى كه‌سك وجوانكرییه ‌ڤه‌، و د وان خودان ڕحان دا يێن خودێ ل سه‌ر عه‌ردى به‌لاڤكرين، و د ئينان وبرنا وى بایى دا يێ وى قه‌نجى پێ ل هه‌وه‌ كرى، ووان عه‌ورێن د ناڤبه‌را عه‌سمانى وعه‌ردى دا هاتينه‌ ب ڕێڤه‌برن، د ڤان هه‌مى نيشانێن بۆرین دا ئايه‌ت ل سه‌ر ئێكينییا خودێ ومه‌زنییا قه‌نجییێن وى بۆ ملله‌تێ تێ بگه‌هت هه‌نه‌.

وَمِنَ النَّاسِ مَن يَتَّخِذُ مِن دُونِ اللَّهِ أَندَادًا يُحِبُّونَهُمْ كَحُبِّ اللَّهِ ۖ وَالَّذِينَ آمَنُوا أَشَدُّ حُبًّا لِّلَّهِ ۗ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعًا وَأَنَّ اللَّهَ شَدِيدُ الْعَذَابِسورة البقرة - عدد الآيات 286 - الآية 165

(165) و د گه‌ل ڤان هێجه‌تێن ئاشكه‌را هنده‌ك مرۆڤ ژ بلى خودێ هه‌نه‌ صه‌نه‌مان بۆ خودێ دكه‌نه‌ هه‌ڤتا، ووێ ڤيان ومه‌زنى وگوهدارییێ يا هێژاى خودێ ب تنێ بت دده‌نه‌ وان. وڤيانا خودان باوه‌ران بۆ خودێ پتره‌ ژ يا ڤان كافران بۆ خوداوه‌ندێن وان؛ چونكى ڤيانا خودان باوه‌ران خوڕى بۆ خودێیه‌‌، به‌لێ كافران هه‌ڤپشكى د ڤيانا خۆ دا كرییه‌. وئه‌وێن ب كرنا شركێ د دنيايێ دا زۆردارى ل خۆ كرى، ده‌مێ عه‌زابا ئاخره‌تێ دبينن ئه‌گه‌ر زانيبا كو هێز هه‌مى يا خودێ ب تنێیه‌ وكو خودێیه‌‌ يێ عه‌زاب دژوار، وان ژبلى خودێ چو خوداوه‌ند بۆ خو نه‌ددانان وپه‌رستن بۆ نه‌دكر، و ب وان خوداوه‌ندان خۆ نێزيكى وى نه‌دكر.

إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُسورة البقرة - عدد الآيات 286 - الآية 166

(166) ده‌مێ ئه‌و عه‌زابا ئاخره‌تێ دبينن ئه‌و سه‌رۆكێن دويكه‌فتنا وان هاتییه‌كرن خــۆ ژ وان بــه‌رى دكه‌ن يێن دويكه‌فتنا وان ل سه‌ر شركێ كرى، وهه‌مى په‌يوه‌ندییێن ئه‌و ل دنيايێ دگه‌هاندنه‌ ئێك وه‌كى: مرۆڤينییێ، ودويچوونێ، ودينى، د ناڤبه‌را وان دا هاتنه‌ بڕين.

وَقَالَ الَّذِينَ اتَّبَعُوا لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّءُوا مِنَّا ۗ كَذَٰلِكَ يُرِيهِمُ اللَّهُ أَعْمَالَهُمْ حَسَرَاتٍ عَلَيْهِمْ ۖ وَمَا هُم بِخَارِجِينَ مِنَ النَّارِسورة البقرة - عدد الآيات 286 - الآية 167

(167) ودويكه‌فتییان گۆت: خوزى ئه‌م زڤڕيباينه‌‌ دنيايێ، دا ئه‌م ژى خـۆ ژ ڤـان سه‌رۆكان به‌رى كه‌ين، وه‌كى كا چاوا وان خۆ ژ مه‌ به‌رى كرى. وكانێ چاوا خودێ عه‌زابا خۆ يا دژوار ل ڕۆژا قيامه‌تێ نيشا وان دا، وه‌سا خودێ كريارێن وان يێن خراب ژى نيشا وان دده‌ت وبۆ وان دكه‌ته‌ كه‌سه‌ر، وئه‌و قه‌ت ژ ئاگرى ده‌رناكه‌ڤن.

يَا أَيُّهَا النَّاسُ كُلُوا مِمَّا فِي الْأَرْضِ حَلَالًا طَيِّبًا وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُّبِينٌسورة البقرة - عدد الآيات 286 - الآية 168

(168) ئه‌ى گه‌لى مرۆڤان، ژ وى ڕزقێ خودێ یێ ل عه‌ردى، يێ وى بۆ هه‌وه‌ حه‌لالكرى بخۆن، ويێ پاقژ وبژوين ئه‌وه‌، يێ ب مفا وبێ زيانه‌، ودويكه‌فتنا ڕێكێن شه‌يتانى د حه‌لالكرن وحه‌رامكرن وبیدعه‌ وگونه‌هان دا نه‌كه‌ن، هندى ئه‌وه‌ دوژمناتییا وى بۆ هه‌وه‌ يا ئاشكه‌رايه‌.

إِنَّمَا يَأْمُرُكُم بِالسُّوءِ وَالْفَحْشَاءِ وَأَن تَقُولُوا عَلَى اللَّهِ مَا لَا تَعْلَمُونَسورة البقرة - عدد الآيات 286 - الآية 169

(169) هندى شه‌يتانه‌ ب هه‌ر گونه‌هه‌كا كرێت وبۆ هه‌وه‌ خراب، ونه‌گوهدارییه‌كا زێده‌ كرێت فه‌رمانێ ل هه‌وه‌ دكه‌ت ، وكـو هوين دره‌وێ ژ كيسێ خودێ بكه‌ن د حه‌رامكرنا حه‌لالى دا بێ زانين.

وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا أَلْفَيْنَا عَلَيْهِ آبَاءَنَا ۗ أَوَلَوْ كَانَ آبَاؤُهُمْ لَا يَعْقِلُونَ شَيْئًا وَلَا يَهْتَدُونَسورة البقرة - عدد الآيات 286 - الآية 170

(170) وهه‌ر جاره‌كا خودان باوه‌ران ب شيره‌تكارى ڤه‌ گۆته‌ ســه‌رداچــوويــان: دويــچــوونــا وێ بـكــه‌ن يــا خــودێ ئينايه‌ خوارێ ژ قورئانێ وڕێنيشادانێ، ئه‌و دێ ڕژدییێ ل سه‌ر چاڤلێكرنا پێشییێن خۆ يێن بوتپه‌رێس كه‌ن وبێژن: ئه‌م دويكه‌فتنا دينێ هه‌وه‌ ناكه‌ين، به‌لكى ئه‌م دێ دويكه‌فتنا وێ كه‌ين يا مه‌ باب وباپيرێن خۆ ل سه‌ر ديتين. ئه‌رێ ئه‌و دويكه‌فتنا بابێن خۆ دكه‌ن ئه‌گه‌ر خۆ ئه‌و چو ژ خودێ نه‌زانن ژى، و د ڕاستییێ نه‌گه‌هن ژى؟

وَمَثَلُ الَّذِينَ كَفَرُوا كَمَثَلِ الَّذِي يَنْعِقُ بِمَا لَا يَسْمَعُ إِلَّا دُعَاءً وَنِدَاءً ۚ صُمٌّ بُكْمٌ عُمْيٌ فَهُمْ لَا يَعْقِلُونَسورة البقرة - عدد الآيات 286 - الآية 171

(171) وسالۆخه‌تێ وان ئه‌وێن باوه‌رى نه‌ئيناى ووى يێ به‌رێ وان دده‌تـــه‌ ڕێـكــێ وباوه‌رییێ، وه‌كى ســالۆخـــه‌تێ وى شــڤــانییه‌ يێ ب ئاخفتنێ حه‌يوانان پاشــڤــه‌ ببه‌ت، وئــه‌و د وى نه‌گه‌هن، هـه‌مـا ب تنێ گوهـ ل ده‌نگێ وى ببن. ئه‌ڤ كافره‌ دكه‌ڕن وان گــوهێن خــۆ ژ ڕاستییێ گرتينه‌، دلالن ئه‌زمانێن خۆ ژێ دگرن، دكۆره‌نه‌ چاڤێن وان نيشانێن حه‌قییێ يێن ئاشكه‌را نابينن، وئه‌و عه‌قلێ خۆ د وى تشتى دا ناده‌نه‌ كارى يێ مفايێ وان تێدا.

يَا أَيُّهَا الَّذِينَ آمَنُوا كُلُوا مِن طَيِّبَاتِ مَا رَزَقْنَاكُمْ وَاشْكُرُوا لِلَّهِ إِن كُنتُمْ إِيَّاهُ تَعْبُدُونَسورة البقرة - عدد الآيات 286 - الآية 172

(172) گه‌لى خودان باوه‌ران، ژ وان خوارنێن خۆش وحه‌لال يێن مه‌ داينه‌ هه‌وه‌ بخۆن، ووه‌كى وان كافران نه‌بن یێن خوارنێن پاقژ حه‌رام دكه‌ن، ویێن پیس حه‌لال دكه‌ن، وهوین ب دل وئه‌زمان وله‌شى سوپاسییا خودێ بكه‌ن ژ به‌ر قه‌نجییێن وى يێن مه‌زن، ئه‌گه‌ر ڕاسته‌ هوين د فه‌رمانا وى دانه‌، ووى ب تنێ وبێ شریك دپه‌رێسن.

إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنزِيرِ وَمَا أُهِلَّ بِهِ لِغَيْرِ اللَّهِ ۖ فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ ۚ إِنَّ اللَّهَ غَفُورٌ رَّحِيمٌسورة البقرة - عدد الآيات 286 - الآية 173

(173) هه‌ما وى ئه‌و تشت ل سه‌ر هه‌وه‌ يێ حه‌رامكرى يێ زيانا هه‌وه‌ تێدا، وه‌كى مرارێ نه‌ ب ڕێكه‌كا دورست هاتبته‌ ڤه‌كوشتن، وخوينا رۆن، وگۆشتێ به‌رازى، وئه‌و ڤه‌كوشتییێن نه‌ بۆ خودێ دئێنه‌ ڤه‌كوشتن. و ژ قه‌نجییا خودێ ل سه‌ر هه‌وه‌ ‌وى بۆ هه‌وه‌ دورستكرییه‌ كو ل ته‌نگاڤییان هوين ڤان تشتێن حه‌رام بخۆن، ڤێچا هه‌چییێ نه‌چار بوو تشته‌كى ژ وان بخۆت بێى زۆردارییێ د خوارنا وان دا بكه‌ت كو زێده‌ى پێتڤییا خۆ بخۆت، چو گونـه‌هـ ل سه‌ر وى نينه‌. هندى خودێیه‌‌ گونه‌هێ بۆ به‌نییێن خۆ ژێ دبه‌ت، ودلۆڤانییێ پێ دبه‌ت.

إِنَّ الَّذِينَ يَكْتُمُونَ مَا أَنزَلَ اللَّهُ مِنَ الْكِتَابِ وَيَشْتَرُونَ بِهِ ثَمَنًا قَلِيلًا ۙ أُولَٰئِكَ مَا يَأْكُلُونَ فِي بُطُونِهِمْ إِلَّا النَّارَ وَلَا يُكَلِّمُهُمُ اللَّهُ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌسورة البقرة - عدد الآيات 286 - الآية 174

(174) هندى ئه‌ون يێن وى تشتێ خودێ د كيتابێن خۆ دا ئينايه‌ خوارێ ژ سالۆخه‌تێن پموحه‌ممه‌دى سلاڤ لێ بن وحه‌قییێ ڤه‌دشێرن، ولێ دگه‌ڕيێن به‌رانبه‌ره‌كێ كێم ژ په‌رتالێ دنيايێ پێش ڤێ ڤه‌شارتنێ ڤه‌ وه‌رگرن، ئه‌وێن هه‌ هه‌ما وى حه‌رامێ به‌رێ وان دده‌ته‌ ئاگرێ جه‌هنه‌مێ د زكێن خۆ دا دخۆن، و ل ڕۆژا قيامه‌تێ خودێ د گه‌ل وان نائاخڤت، ژ به‌ر كو ئه‌و ل وان ب غه‌زه‌ب دئێت، وئه‌و وان ژ قڕێژا گونه‌هـ وكوفرا وان پاقژ ناكه‌ت، وعه‌زابه‌كا ب ئێش بۆ وان هه‌يه‌.

أُولَٰئِكَ الَّذِينَ اشْتَرَوُا الضَّلَالَةَ بِالْهُدَىٰ وَالْعَذَابَ بِالْمَغْفِرَةِ ۚ فَمَا أَصْبَرَهُمْ عَلَى النَّارِسورة البقرة - عدد الآيات 286 - الآية 175

(175) ئه‌وێن هه‌ یێن خودانێن ڤان سالۆخه‌تان، سه‌رداچوون ب هیدایه‌تێ، وعه‌زابا خودێ ب لێبۆرينا وى گوهاڕتییه‌، ڤێجا ئه‌و چه‌ند ل سه‌ر ئاگرى دبسته‌نه ده‌مێ كارێ جه‌هنه‌مییان دكه‌ن‌!! خـــودێ ژ ڤى كارێ وان يـــێ عه‌جێبگرتییه‌، ڤێچا هويـن ژى -گه‌لى مرۆڤان- ژ بسته‌يى وبێهن فره‌هییا وان ل سه‌ر ئاگرى و ژ مانا وان تێدا عه‌جێبگرتى ببن. وئه‌ڤه‌ كێمكرن وسڤككرنه‌ بۆ وان.

ذَٰلِكَ بِأَنَّ اللَّهَ نَزَّلَ الْكِتَابَ بِالْحَقِّ ۗ وَإِنَّ الَّذِينَ اخْتَلَفُوا فِي الْكِتَابِ لَفِي شِقَاقٍ بَعِيدٍسورة البقرة - عدد الآيات 286 - الآية 176

(176) ئه‌و عه‌زابا هه‌، يا وان خۆ هه‌ژيكرى ژ به‌ر هندییه‌ چونكى خودێ كيتابێن خۆ بۆ پێغه‌مبه‌رێن خۆ يێن ئيناينه‌ خوارێ وحه‌قییا ئاشكه‌را تێدا هه‌يه‌، به‌لێ وان كافرى پێ كر. وهندى ئه‌ون يێن د كيتابێ دا ژێكجودا بووين وبـاوه‌رى ب هنده‌كێ ئيناى و ب هنده‌كێ نه‌ئیناى‌، ئه‌و د ژێكڤه‌بوون وژێكجودابوونه‌كا دوير ژ حه‌قییێ دانه‌.

  • Print
  • Twitter
  • Facebook
  • Google Bookmarks
  • email

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قورئانا پیروز

إِنَّ مَعَ الْعُسْرِ يُسْراً

ئايه‌تا ژماره‌ 6

ژ سوره‌تا الشرح

لاپه‌رێ يوتيوبێ

لاپه‌رێ فێسبوكێ

Untitled Document

لاپه‌رێ تويته‌رێ

لاپه‌رێ ئنستگرامێ

images