Get Adobe Flash player
Untitled Document

كوشتن و خۆ كوژی بویە دیاردەكا سروشتی

جهێ‌ داخێ یە ل ڤی سەردەمێ‌ نوكە دیاردەكا ترسناك وزۆر پەیدا بویە كو مەزن وبچویك ژ ژن وزەلامان بوینە قوربان ژبەر تشتەكێ‌ بێ‌ مفا و چوننە، دینێ‌ ئیسلامێ‌ كوشتنا بێ حەق وبێ غالی غەرەز ب هەمی رەنگان ڤە قەدەغە وحەرام كریە وئەو كەسێ‌ خۆ بكوژیت یان كەسەكێ‌ بێ‌ گونەهـ بكوژیت هینگێ وی خو توشی سزایەكێ دژوار كر وئەڤ كارێ وی گونەهەكا گەلەك گەلەكا مەزنە ل نك خودێ‌ تەعالا ، وەكی هاتی دقورئانا پیروزدا : (وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا) [النسا‌ء/93] وهەچیێ‌ تەعداییێ‌ ل خودان باوەرەكی بكەت و ژ قەستا وبێ‌ حەق وی بكوژت جزایێ‌ وی جەهنەمە، هەروهەر دێ‌ تێدا بت د گەل غەزەبا خودێ‌ ودەركەفتنا ژ ڕەحـمـا وی، وخودێ‌ دژوارتـرین عەزاب بـۆ وی ئامادەكرییە ژ بەر ڤێ‌ تاوانا مەزن یا وی كری .

ئەو كەسێ‌ خو بكوژیت ب چەكەكی (سلاح)ەكی چ دەمانجە یان كێرەك یان ب ژەهرەكێ‌ یان خو ب سوژیت ب ئاگری یان خو دچیایەكی دا بفرینیت یان ب تورمبلێ خو بدەعمینت یان خو ب خەندقینیت, ئەڤ مروڤە دێ‌ هەر وهەر خۆ ب وی تشتی كوژیت یێ وى ل دونیایێ خو پێ كوژتی، پاشی دێ ساخ بیت پاشی دێ خو كوژیت، خو كوژی دێ بیتە كارێ وی حەتا روژا قیامەتێ دهێت وخودێ حیسابێ دەسپێدكەت .

دفەرمودەكێ‌ دا هاتیە كو پێغەمبەرێ خودێ (سلاڤێن خودێ‌ ل سەربن) دبێژیت : ((مَن تَرَدَّى مِنْ جَبَل فقتلَ نَفسَه، فهو في نار جهنم يتردَّى فيها، خالدا مُخَلَّدا فيها أبدا، وَمَنْ تَحَسَّى سُمَّا فقتلَ نفسَهُ ، فَسُمُّهُ في يده يتحَسَّاه في نار جهنم ، خالدا مخلَّدا فيها أبدا، ومَنْ قَتل نفسَهُ بحديدَة ، فحديدتُهُ في يده ، يَتَوَجَّأُ بها في بطنه في نار جهنم خالدا مُخَلَّدا فيها أبدا)) أخرجه البخاري و مسلم . (هەچیێ خو ژ چیایەكی پاڤێژیت وخو بكوژیت، ڤێجا ئەو دێ دجەهنەمێداخو هاڤێژیت وهەر وهەر دێ مینتە دجەهنەمێدا، هەچیێ ژهرەكێ بخوت وخو بكوژیت ب وێ ژەهرێ، ژەهرا وی یا ددەستێ ویدا ویێ دخوت وخو پێ دكوژیت دجەهنەمێدا، وهەروهەر دێ مینتە دئاگرێ جەهنەمێدا، هەچیێ خو بكوژیت ب سیلەحەكی(چەقوكەكێ ….)، ئەو دێ وی سیلەحی دانتیە زكێ خو وخو پێ كوژیت وهەروهەر دێ مینتە دجەهنەمێدا) .

ئەف هەمی گەف وسزایێن دژوار وهێشتا زێدەتر بو ڤان توخمە مروڤان هەنە لێ مروڤ باش هزرا خو ناكەت وسەح ناكەتە پاشە روژا خو یا رەش وكرێت وری رەشی و شەرمزاریا بنەمال وئەهلێ خو، وبێبەختی ولومێت خەلكی دپشت ویرا، گەلەك جارا مروڤەك دێ ئێتە كوژتنێ ب ئەگەرێ كارەب گرتنێ یان سوتنێ وبێ دەستی ڤێجا ئەف مروڤە دێ بیتە بەنشتێ دەڤێ خەلكی و چەند رەنگێت درەوێ وبێ بەختیێ پێڤەنن وئەو بخو ژ ڤان توهما یێ دویرە بەلێ هەر ژ دەڤێ خەلكی رزگار نابیت، بلێ ئەرێ تو چ دبێژی بو مروڤەكی ئەوی بخو وب دەستێ خو خو كوژت بیت ئەرێ دێ چەند لەعنەت وگازندە بو وی وبنەمالا وی هەبن ژ لایێ خەلكی ڤە؟ یا خودێ تو مە ژ كوشتنێ ب پارێزی، دیاردەكا كرێت و ترسناك پەیدابویە ل سەر جادێت مە یێن دهوكێ‌ وب تایبەتی ل سەر جادا kro) + زركا) بزانینا من پێنج مروڤ بوینە قوربانی ل سەر ڤێ‌ جادێ‌ ب ئەگەرێ‌ ب لەز هاژوتنا ترومبێلێ‌ كو ئەف كەسە دبنە قوربان، تشتێ‌ نەخوش ئەوە دەمێ‌ شوفێرەك ب ترومبێلا خو كەسەكی د دەعمینیت و دكوژیت خۆ ل وی نەكەتە خودان بەلكو دێ هێلیت حەتا دبیتە قوربان وخودێ تشتەكی بەرزەناكەت چ ل دونیایێ یان ل روژا قیامەتێ بەرامبەر چێكریا هەمیان، ئەڤ مروڤە دێ ڕوی رەش وشەرمزار وریسوا بیت ل دونیایێ وقیامەتێ وباش هزرا خو بكە وخو بدانە دجهێ وی كەسیدا ئەوێ تە كوژتی، ئەوێ تە مالا وی لێ رەش وتاری كری، ئەوێ تە جەگەرا وی لێ سوتی، ئەوێ تەچاڤێن وی ب روندكا كورەكرین …….. ئانكو كوژتن نە تشتەكێ خوش وبسانەهیە ، لەوما شیرەتا مە ل خویشك ودەیكێن مە ل كچ وكورێن مە ل باب وبرایێن مە كو دەستێن خو ب خوینا كەسەكێ پیس نەكەن و نەبنە كوژەكێن(قاتل) خو یان غیری خو ، حەتا خو ژ كوژتنا گیانەوەرێن بێ زەرەر وزیان ژی بپارێزن وبێ گونەهـ بن ل نك خودێ پاك وبلند .

 

شیرەت وئاموژگاریێن مە بو تەف خەلكێ مە :

* ئەف كوشتنا چێدبیت ب قەزاو قەدەرا خودێ‌ یە ئەڤە ژ لایەكی ڤە وژلایەكێ دی ڤە گەلەك جارا ب خەمصاری و سستاهیا مروڤی ب خویە بو نمونە : شوفێر یان یا پیادە ئەگەر خو ژ لەزاتیێ ب پارێزن و ل سەر هزروبیرێت خو بن كەسەك نابیتە قوربانێ ترومبێلێ .

* برایێ شوڤێر : ئەگەر تە كەسەك دەعماند نەهێلە ل وێرێ‌ بەلكی خو لێ بكە خودان وببە نەخوشخانێ وبێژە مروڤێن قوربانی ئەڤە ستویێ من یێ ل بەر كێركا هەوە، هەوە چ ژمن دڤێت ئەز یێ ئامادەمە، وبزانە خودانێن قوربانی ب ئانەهیا خودێ دێ ل تە بورن وتە عەفی كەن وكەیف خوشن ب رەوشتێ تە .

* بزانە هەر نەخوشیەكا نەفسی هەبیت وەكی وەسوەسێ وقلەقێ وكەئابێ و بهن تەنگی وعاجزیێ دەرمان وان : باوەری ئینان و پەرستنا خودایێ تاك وتەنیا یە وخاندنا قورئانێ یە چونكو دل تێنە ئاڤدان وسینگ بێهن فرەهـ دبن ب زكرێ خودێ : (الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ) [28/سورة الرعد].

*ب رزق وقەزا وقەدەرا خودێ یێ رازی بە، ئەگەر تو یێ دەولەمند بی شوكرا خودێ بكە، ئەگەر تو یێ هەژار بی یێ بێهن فرەهـ وصابر بە وبزانە پشتی هەر نەخوشی وتەنگاڤیەكێ خوشی وبەرفرەهیەك دێ هێت وخودێ یێ دگەل مروڤێن بێهن فرەهدا وخودێ بدانا بەلا وموصیبەتان مروڤی دجێربینت كانێ مروڤ دێ خو ل بەر گریت یان نە؟ .

 

نڤێسین : ملا حسین نایف كواشی بابێ یوسفی | 20 شوالا 1432هـ-2011م                

  • Print
  • Twitter
  • Facebook
  • Google Bookmarks
  • email

پسيارا خو يان بووچونا خو فڕێكه‌

ئيمێلێ ته‌ نائێته‌ ئاشكه‌راكرن. پێتڤيه‌ ئه‌وان خانا تو پربكه‌ى ئه‌وێن ئه‌ڤ ستێره‌ لبه‌ر *

*

قورئانا پیروز

ثُمَّ إِنَّ عَلَيْنَا بَيَانَهُ

ئايه‌تا ژماره‌ 19

ژ سوره‌تا القيامة

لاپه‌رێ فێس بوكێ

Untitled Document

سەرەدانێت ماڵپەری