چارەسەرییا ڕویمەتییێ (ریـــائێ)

_ئەوێ د دل دا ب رویمەتییێ ب حەسیێت دڤێت یەقین بو چێبیت ڪو دەما ل روژا قیامەتێ خودێ حسێبێ د گەل دڪەت، ل دویڤ نیەتا دلی دێ حسێبێ د گەل ڪەت، نە ڪو ل دویڤ وان گوتنێن خەلڪ د دەرحەقا وی دا دبێژن.

_هەتا رویمەتی جهؽ خو د دلێ وی دا نەڪەت دڤێت ئەو ب مەدح وقاپێن خەلڪی د سەردا نەچیت وراستییا خو ژبیر نەڪەت، چونڪی ئەگەر خەلڪ لایێ وی یێ ئاشڪەرا ب تنێ ب بینن ئەو لایێ خو یێ ڤەشارتی دبینیت.

_دڤێت ئەو بزانیت ڪو مەدحێن خەلڪی چو مفای ناگەهیننە وی دەمێ ئەو ب تنێ ل بەرانبەر خودێ د راوەستیت، ئەگەر هات وئەو ب دروستی یێ وەسا نەبیت وەڪی خەلڪ ژێ دبێژیت.

_دڤێت ئەو چو بهای نەدەتە گوتنێن وی خەلڪی یێن مەدحێن وی دڪەن یان د هاڤێنێ ئەگەر ئەو ل نڪ خو یێ پشت راست بیت ڪو ئەو یێ ل سەر حەقییێ، و بلا ب گەلەڪییا هەڤال وپشتەڤان وڪەس وڪاران نەهێتە خاپاندن چونڪی ئەو هەمی چو مفای لێ ناڪەن.

_هندی بشێت بلا ڪارێ خو یێ باش وەڪی صەدەقە وخێران ب رەنگەڪێ ڤەشارتی بڪەت، وبلا ژ وان ڪەسان نەبیت یێن مەدحا ب باشیێن خو دڪەن وخرابیێن خو ژبیر دڪەن.

ئەو رێڪێن شەیتان پێ دچیتە د دلێ مروڤی دا/م. تحسین دوسڪی.