جوهی د بێ ئەدەب بوون دگەل خودێ

جوهی د بێ ئەدەب بوون د راستا خودێ دا دەما وان گوتی: هندی خودێ یە دەستێ وی ژ ڪرنا خێران یێ گرتییە (ئانڪو یێ قەلسە _حاشا لله_).
وەڪی قورئان دبێژیت: (وقالت الیهود ید الله مغلولة)

و دەما گوتین: هندی خودێ یە فەقیرێ بەر دەستێ مەیە وئەم د زەنگینین، قال تعالی: (لقد سمع الله قول الذین قالوا إن الله فقیر ونحن أغنیاء).

و وان ئەدەب د گەل خودێ نەبوو دەما د گوتە موسای _سلاڤ لێ بن_ : (ادع لنا ربڪ) ئانڪو: (تو بو مە ژ خودایێ خو بخازە)
و دلێ وان نە د گرت ئەو بێژن: (ادع لنا ربنا) ئانڪو: (تو بو مە ژ خودایێ مە بخازە)
ژ خو مەزنڪرن وان د گوتە موسای ژ خوداییێ خو بخازە، نە د گوت ژ خوداییێ مە!

وان ئەدەب نەبوو د گەل خودێ، دەما داخاز ژ وان هاتییە ڪرن ڪو ئەو چێلەڪێ سەر ژێ ڪەن، وان مەسەلە گەلەڪ درێژ ڪر و هەڤرڪی دگەل خودێ ڪر، هەتا مەسەلە ل سەر هاتییە شداندن.

و دەما وان گوتییە موسای _سلاڤ لێ بن_ ئەم باوەرییێ نا ئینن هەتا ئەم خودێ ب چاڤ نەبینین، و وان داخاز ژ موسای ڪربوو ڪو ئەو خودێ نیشا وان ب دەت!