ئەو تشتێن خێرا ڕوژیێ کێم دکن یان ب ئێکجاری خێرێ تێدە ناهێلن

هندەڪ تشت یێن هەین حەرامن ل سەر روژیگری ڪو ژ ئەجرێ روژییا وی ڪێم دڪەت یان هەما هەر ئەجری تێدا ناهێلیت ، بەلێ پا وێ روژییێ قەزا ناڪەت، وەڪی: غەیبەتێ، نەمیمەتێ، خەبەر، درەو، وهەر تشتەڪێ وەسا ژ یێن حەرام.
.
ودیسان بەرێخودانا حەرام، وگوهداریڪرنا حەرام، وەڪی گوهداریڪرنا ستران وموزیڪ، ئەڤە هەمی ڪارتێڪرنێ ل روژییێ دڪەن.
ئانڪو: ئەجرێ روژییێ ڪێم د ڪەن یان هەما بەطال دڪەن (یعنی چ خێر تێدا نامینیت) بەلێ قەزا ناڪەت چونڪی ئەڤ تشتە د (معنوی) نه، نە د (حسی) نه.

مجموع الفتاوی (٤٠٣/٢)/الشیخ صالح الفوزان.

دبیت روژیگر روژییێ ب گریت وبرس وتێهنا وی دژوار ببیت، وگەلەڪ ب وەستییێت، وهیچ ئەجر ل دەڤ خودێ نەبیت، ب ئەگەرێ:
ئەزمانێ وی ڪو ل سەر زال بوو ب ئاخفتن وگوتنێن حەرام.
وچاڤێن وی ب بەرێخودانا حەرام.
وگوهێن وی ب گوهداریڪرنا حەرام.

و د راستی دا ئەڤی روژی نە گرتییە، بەلڪو هەما خارن وڤەخارن یا هێلای، هەما تنێ یا خو وەستاندی بێی مفا.

ڤیجا هندی روژییە ڤان هەمییان ب خوڤه د گریت:
روژییا زڪی، ب روژی بیت ژ خارن وڤەخارن وهەر تشتەڪێ روژی پێ دڪەڤیت.
روژییا گوهی ژ هەمی گوهداریڪرنا حەرام.
روژییا چاڤی ژ هەمی بەرێخودانێن حەرام
روژییا ئەزمانی ژ هەر گوتنەڪا ڪرێت و ب گونەهـ
ڤێجا ب ڤی رەنگی هەمی ئەندام دێ ب روژی بن.

مجالس شهر رمضان المبارڪ ص١٥/الشیخ صالح الفوزان.