سیفەتێ دوپاتڪرنا (چاڤ)ــی بو خودێ د سێ وەجهان دا هاتییە

_ئێڪ: ب جەمعێ (ڪومی)، د گوتنا خودێ دا: (واصبر لحڪم ربڪ فإنڪ بأعیننا)، پەیڤا (أعیننا).

_دوو: ب تاڪی، د گوتنا خودێ دا: (ولتصنع علی عیني)، پەیڤا (عین).

_سێ: دووانڪی (تثنیة)، و ئەڤە ئاشڪەرا د قورئانێ دا نەهاتییە، و د چو سوونەتێن دروست ژی دا نەهاتییە (هەر چەندە اثبات ڪرنا دوو چاڤا بو خودێ ل دەف ئەهلێ سوننەت و جەماعەتێ یا مەعروفە)،
بەلێ د فەرموودەڪا دروست دا یا هاتی دەما پێغەمبەری _سلاڤ لێ بن_ بەحسا دەجالی ڪری گوت: (إنه أعور، و إن ربڪم لیس بأعور)
و پەیڤا (العور) د ڪەلامێ عەرەبی دا سیفەتێ دوو چاڤانە ئێڪ ژ وان یێ ب سلامەتە و ئێڪ یێ ب عەیبە.
ڤێجا مادەم پەیڤا (العور) یەعنی دوو چاڤن ئێکێ ب سلامەت و ئێکێ ب عەیب، ئەڤە هندێ دگەهینیت ڪو (العور) نابیتە سیفەت بو گەلەڪ چاڤان، و نەژی دبیتە سیفەت بو دوو چاڤێن ب سلامەت، و نەژی دوو چاڤێن ب عەیب.

ڤێجا وەختا پێغەمبەری گوتی: (دەجال یێ ئەعوەرە) ئانڪو دەججالی دوو چاڤێن هەین ئێڪ یێ ب سلامەتە و ئێڪ یێ ب عەیبە، و د گوتنا وی دا (إن ربڪم لیس بأعور) هندێ دگەهینیت ڪو هەبوونا دوو چاڤانە بەلێ نە ڪو ئێڪێ ب سلامەتە و ئێڪ یێ ب عەیب، لەوا ئەڤە دبیتە دەلیل بو اثبات ڪرنا دوو چاڤێن ڪامل بو خودێ (ب رەنگەڪێ بابەتێ وی بیت).
.
.
شرح العقیدة الواسطیة/ شیخ صالح العصیمي _حفظه الله_