ئەم ب ڤی سالوخەتی ببونە باشترین ئوممەت

ئێڪ ژ نیشانێن ڤێ ئوممەتێ ئەوە (فەرمانێ ب باشییێ دڪەن و پاشڤە لێدانا ژ خرابییێ) و ب ڤێ نیشانێ ببونە (چێرتن ئوممەت) چونڪی دبنە ئەگەرێ مفایی بو دونیا و ئاخرەتا خەلڪی...

ڤێجا وەختا ئێڪ تە ئاگەهدار دڪەت ل سەر باشییەڪێ یان تە پاشڤە لێددەت ژ خرابییەڪێ، وەڪی وان منافقێن خودێ د قورئانێ دا بەحس ڪری:
(وَإِذَا قِیلَ لَهُ ٱتَّقِ ٱللَّهَ أَخَذَتۡهُ ٱلۡعِزَّةُ بِٱلۡإِثۡمِۚ) البقرة: ٢٠٦
ئانڪو: (وئه‌گه‌ر ئه‌و دوڕوو‌یێ خرابكار هاته‌ شيره‌تكرن، وبۆ وى هاته‌ گۆتن: ته‌قوا خودێ بكه‌ و ژ جزادانا وى بترسه‌، وبه‌س خرابییێ د عه‌ردى دا بكه‌، ئه‌و شيره‌تێ قه‌بويل ناكه‌ت، به‌لكى خۆمه‌زنكرن وسه‌رگه‌رمییا بێ فامییێ به‌رێ وى دده‌ته‌ كرنا پتر گونه‌هان)
ڤێجا توژی وەڪی وان  نەبە و نەبێژە (تە شولە ژ من نینه)

بەلێ... دڤێت ڤێ ئوممەتێ هەمییێ ل شەرق و غەربا ئاگەهــ ژ ئێڪ هەبیت.

ئەم ئەو ئوممەتین یا خودێ د دەرهەق دا گوتی: (أشداء علی الڪفار رحماء بینهم)
و ئەم ئەو ئوممەتین یا ڪو پێغەمبەری سلاڤ لێ بن گوتی: (مەسەلا خودان باوەری وەڪی مەسەلا ئێڪ لەشە..)