ئێڪ ژ طەبیعەتێ ڪچێ ئەوە حەزژ خوجوان ڪرنێ و خو لێڪدانێ دڪەت،
و ئەڤە ئەو طەبیعەتێ وێیە یا ڪو ل سەر هاتییە خولقیەت ڪرن.

لەوا هەر ڪچەڪا هەبیت حەزا هندێ یا ل دەف هەی خو جان و تازە بڪەت، ڤێجا چ ئەڤ ڪچە یا دیندار بیت یان یا دیری دینی بیت، هەردووڪا ئێڪ حەز یا هەی

بەلێ بوچ گەلەڪ جار دهێتە هزر ڪرن ئەوا دیندار چ ژ ڪەشخێ و جانییێ نزانیت، یان دهێتە هزرڪرن یا بێ زەوقە؟!
ئەرێ راستە ئەو ڪچا خو ب دینیڤە گرێدای دڤێت دەستا ژ خو بەردەت؟
یان بس یا مژیلی عیبادەتییە و پاقژی و لێڪدانا خو ژبیر دڪەت و حەقێ نەفسا خو یان زەلامێ خو نادەتێ؟

اڪید نە، و بلعڪس... ئەوا ب درستی ب حەقێ خودێ رابیت، ئوتوماتیڪ دێ حەقێ نەفسا خو و حەقێ غەیری خوژی دەتێ.
بس هەر تشتەڪی وەختێ خو و حدودێن خو یێن هەین، و هەر جهەڪی ژی سەروبەرەڪ بو دڤێت...

ڤێجا ئەڤا دیندار ژی وەختا تو ب سەرڤە ل جهەڪی دبینی دەرسووڪەك یا ل بەر و بێ مڪیاج و جلڪەڪێ درێژ و فرەهــ ، ئەڤە هندێ ناگەهینیت ڪو یا ژ زەوقی شیشتییە، بلعڪس ئەڤە ئەوە یا دزانیت ڪەنگی و بو ڪێ دێ خو لێڪدەت و جان ڪەت!

و یا دووێ: ما ڪی ژ عائیشایێ _خودێ ژێ رازی بیت_ ب تەقواتر هەیە، بەلێ د گەل هندێ یا ل بەر سەروبەرێ خو راوەستیای بوو، و بێهنێن خوش ل خو دڪرن و سەرێ خو شە دڪر (طبعا بو ماڵ نە دەرڤەی ماڵ).

بس هەڪە معادلە ڤاژی بوو، مفهوم ژی دێ ڤاژی بیت!