ئیمامێ ذەهەبی د سیر اعلام النبلاء دا دبێژت:

ئیمام (بقي بن مخلدٍ) ب پێیا ژ ئەندلسێ هاتە بەغدا ، بۆ گەهشتنا ئیمام احمدێ کورێ حەنبەلی رحمە الله وداخازکرنا علمی ل سەردەستێ وی. بقيّ دبێژت:

دەمێ ئەز نێزیکی بەغدا بوویم، دەنگۆباسێ مۆسیبەتا (محنة) ئیمامێ ئەحمەد گەهشتە من، ومن زانی یێ هاتیە قەدەغەکرنێ ژکۆمبوونا دگەل خەلکی ودانا دەرسا!

ئەز گەلەک بڤێ چەندێ خەمگین بوو، دەمێ ئەز گەهشیمە بەغدا، من کەلوپەلێت خۆ دانانە د غورفەکێڤە، پاشی ئەز چووم ل مالا ئەحمەدێ کورێ حەنبەلی گەڕیا،

هندەکا نیشا من دا ، من دەرگەهـ قۆتا، ئیمام ئەحمەدی بخۆ دەرگەهـ لمن ڤەکر، من گوت:

ئەی بابێ عبدالله ! ئەز زەلامەکێ غەریبم ومالا من نە لڤێرێ یە ، وئەز داخازکەرێ حەدیسێ مە ، وسوننەتێ دنڤێسم ، و ئەڤ گەشتا من نەبوویە ژ بوتە پێڤەتر؟

گۆتە من: وەرە ژوور وبلا کەس تە نەبینیت، ڤێجا پرسیارا من کر وگۆت: ئەز یێ د ئیمتیحانێدا (ممتحن) ویێ هاتیمە قەدەغەکرنێ ژ دەرسدان و فێرکرنێ!

من گۆتێ: ئەز زەلامەکێ غەریبم ، هەکە تو دەستیریێ بدەی ئەز دێ هەر روژ ب جلکێن هەژار وخازخازۆکا هێمە نک تە، ودێ لبەر دەرگەهێ مالا تە راوەستیێم ،

ودێ داخازا خێرێ و هاریکاریێ کەم، وتو دەرکەڤە وحەدیسا بو من ڤەگێرە، خۆ هەکە حەدیسەکا بتنێ ژی بیت. (بقي)دبێژت:

ئەز هەر روژ دهاتم، ولبەر دەرگەهێ وی دراوەستیام ومن دگوت:

هاریکاریا من بکەن خودێ دلۆڤانیێ ب وە ببەت، وئەحمەد دەردکەفت ومن کەت د حەوشێدا ودوو سێ حەدیس یان پتر بو من ڤەدگێران،

هەتا من نێزیکی سێ سەد حەدیسا لنک کۆمکرین بڤی رەنگی. ئەڤ سەرهاتیا هەنێ زانایێ مەزن ئیمامێ ذەهەبی د پەرتوکا سیر اعلام النبلاء دا بەحس دکەت، وژوان سالوخەتێن ئیمامێ ذەهەبی بو ڤی ئیمامی گۆتین ،

گوت: ئەو ئیمامەکێ موجتەهد و سالح وخودایی بوو راستگۆ و دڵسۆز بوو ، وزانایەکێ مەزن بوو د علم و عەمەلی دا ، یێت وەک وی نەبوون، کەس وەک وی نەبوو ، فەتوا ب حدیسا ددا وتەقلیدا کەسێ نەدکر. ل سالا 276هـ چۆ بەر دلوڤانیا خودێ.