د سورەتا الفرقان دا، خودایێ مەزن سالوخەتێن بەنیێن خو یێن چاڪ (عِبَادُ ٱلرَّحمَـٰنِ)بو مە داینە دیارە ڪرن
د سورەتا الفرقان دا، خودایێ مەزن سالوخەتێن بەنیێن خو یێن چاڪ (عِبَادُ ٱلرَّحۡمَـٰنِ)بو مە داینە دیارە ڪرن
١_ قال الله تعالی: (وَعِبَادُ ٱلرَّحۡمَـٰنِ ٱلَّذِینَ یَمۡشُونَ عَلَى ٱلۡأَرۡضِ هَوۡنࣰا وَإِذَا خَاطَبَهُمُ ٱلۡجَـٰهِلُونَ قَالُوا۟ سَلَـٰمࣰا) {الفرقان: ٦٣}
ئانڪو: (وبه‌نییێن خودێ يێن چاك ڕحه‌ت ل سه‌ر عه‌ردى ب ڕێڤه دچن وخۆ مه‌زن ناكه‌ن، وئه‌گه‌ر نه‌زان وبێ عه‌قل خه‌له‌ت د گه‌ل وان ئاخفتـن ئه‌و ب گۆتنه‌كا جوان به‌رسڤا وان دده‌ن، ووه‌سا د گه‌ل وان دئاخڤن كو پێ ژ گونه‌هێ ب سلامه‌ت بن)
٢_(وَٱلَّذِینَ یَبِیتُونَ لِرَبِّهِمۡ سُجَّدࣰا وَقِیَـٰمࣰا) {الفرقان: ٦٤}
ئانڪو: (وئه‌ون يێن ب شه‌ڤێ گه‌له‌ك نڤێژان دكه‌ن و ژ دل دوعايان ژ خودايێ خۆ دكه‌ن، ب خۆشكاندن ڤه ڕادبن وبۆ وى دچنه سوجدێ)
٣_(وَٱلَّذِینَ یَقُولُونَ رَبَّنَا ٱصۡرِفۡ عَنَّا عَذَابَ جَهَنَّمَۖ إِنَّ عَذَابَهَا كَانَ غَرَامًا * إِنَّهَا سَاۤءَتۡ مُسۡتَقَرࣰّا وَمُقَامࣰا) {الفرقان: ٦٥-٦٦}
ئانڪو: (وئه‌ون يێن د گه‌ل ڤێ خۆ وه‌ستاندنا ب عيباده‌تى ڤه ژ خودێ دترسن ودوعايان ژ وى دكه‌ن كو ئه‌و وان ژ عه‌زابا جه‌هنه‌مێ ڕزگار بكه‌ت، هندى عه‌زابا وێ يه ب خودانى ڤه دنويسيێت ووى به‌رناده‌ت * هندى جه‌هنه‌مه پيسه جهێ لێ ئاكنجيبوون وڤه‌مانییه)
٤_(وَٱلَّذِینَ إِذَاۤ أَنفَقُوا۟ لَمۡ یُسۡرِفُوا۟ وَلَمۡ یَقۡتُرُوا۟ وَكَانَ بَیۡنَ ذَ ٰلِكَ قَوَامࣰا) {الفرقان: ٦٧}
ئانڪو: (وئه‌ون يێن ئه‌گه‌ر تشته‌ك ژ مالێ خۆ خه‌رج كر ده‌ست به‌رداى نابن، وخۆ ده‌ست گرتى ژى لێ ناكه‌ن، وخه‌رجكرنا وان يا ناڤنجییه د ناڤبه‌را ده‌ست به‌ردان وده‌ست گرتنێ دا)
٥_(وَٱلَّذِینَ لَا یَدۡعُونَ مَعَ ٱللَّهِ إِلَـٰهًا ءَاخَرَ وَلَا یَقۡتُلُونَ ٱلنَّفۡسَ ٱلَّتِی حَرَّمَ ٱللَّهُ إِلَّا بِٱلۡحَقِّ وَلَا یَزۡنُونَۚ وَمَن یَفۡعَلۡ ذَ ٰلِكَ یَلۡقَ أَثَامࣰا) {الفرقان: ٦٨}
ئانڪو: (وئه‌ون يێن ته‌وحيدا خودێ دكه‌ن، وژبلی وى دوعايان ژ كه‌سێ دى ناكه‌ن وپه‌رستنا كه‌سێ ژى ناكه‌ن، ووێ نه‌فسێ ناكوژن يا خودێ كوشتنا وێ حه‌رامكرى وه‌سا تێ نه‌بت ئه‌و وى تشتى بكه‌ت كو خۆ پێ هێژاى كوشتنێ بكه‌ت وه‌كى: كافرییا پشتى باوه‌رى ئينانێ، يان زناكرنا پشتى ژن ئينانێ، يان كوشتنا نه‌فسه‌كا بێ گونه‌هـ، وئه‌و زنايێ ناكه‌ن، به‌لكى نامويسا خۆ دپارێزن، وه‌سا نه بت د گه‌ل حه‌لالێن خۆ ژ ژن وجارییان، وهه‌چییێ تشته‌كى ژ ڤان گونه‌هێن مه‌زن بكه‌ت ل ئاخره‌تێ دێ گه‌هته جزايێ خۆ)
٦_(وَٱلَّذِینَ لَا یَشۡهَدُونَ ٱلزُّورَ وَإِذَا مَرُّوا۟ بِٱللَّغۡوِ مَرُّوا۟ كِرَامࣰا) {الفرقان: ٧٢}
ئانڪو: (وئه‌ون يێن شاهده‌يیێ ب دره‌و ناده‌ن و ل وى جهى ژى ئاماده نابن يێ شاهده زۆرى لێ دئێته دان، وئه‌گه‌ر بێ ده‌ستى د به‌ر هنده‌ك له‌غوه‌چییان ڕا بۆرين پشتا خۆ دده‌نه وان وخۆ ژ گۆتنێن وان دپارێزن، وپێ ڕازى نابن)
٧_(وَٱلَّذِینَ إِذَا ذُكِّرُوا۟ بِـَٔایَـٰتِ رَبِّهِمۡ لَمۡ یَخِرُّوا۟ عَلَیۡهَا صُمࣰّا وَعُمۡیَانࣰا) {الفرقان: ٧٣}
ئانڪو: (وئه‌ون يێن ئه‌گه‌ر ب ئايه‌تێن قورئانێ وده‌ليلێن ته‌وحيدا خودێ شيره‌ت ل وان بێته كرن ئه‌و خۆ ژێ بێ ئاگه‌هـ ناكه‌ن، وه‌كى كه‌ڕان يێن گوهـ لێ نه‌بن، وكۆران يێن نه‌بينن، به‌لكى ئه‌و ب دلێن خۆ تێ دگه‌هن، وچاڤێن خۆ لێ ڤه‌دكه‌ن، وبۆ خودێ دچنه سوجدێ)
٨_(وَٱلَّذِینَ یَقُولُونَ رَبَّنَا هَبۡ لَنَا مِنۡ أَزۡوَ ٰجِنَا وَذُرِّیَّـٰتِنَا قُرَّةَ أَعۡیُنࣲ وَٱجۡعَلۡنَا لِلۡمُتَّقِینَ إِمَامًا) {الفرقان: ٧٤}
ئانڪو: (وئه‌ون يێن دوعايان ژ خودێ دكه‌ن ودبێژن: خودايێ مه تو ژ ژن ودوونده‌هێن مه وێ بده مه يا چاڤێن مه پێ روهن ببن، وهه‌دارا مه پێ بێت ودلێ مه پێ خۆش ببت، و د كرنا خێرێ دا تو مه بكه جهێ چاڤلێكرن)
(أُو۟لَـٰۤىِٕكَ یُجۡزَوۡنَ ٱلۡغُرۡفَةَ بِمَا صَبَرُوا۟ وَیُلَقَّوۡنَ فِیهَا تَحِیَّةࣰ وَسَلَـٰمًا * خَـٰلِدِینَ فِیهَاۚ حَسُنَتۡ مُسۡتَقَرࣰّا وَمُقَامࣰا * قُلۡ مَا یَعۡبَؤُا۟ بِكُمۡ رَبِّی لَوۡلَا دُعَاۤؤُكُمۡۖ فَقَدۡ كَذَّبۡتُمۡ فَسَوۡفَ یَكُونُ لِزَامَۢا) {الفرقان: ٧٥-٧٦}
ئانڪو: (ئه‌وێن هه يێن ئه‌ڤ سالۆخه‌ته ل نك هه‌ين ژ به‌نییێن خودايێ ره‌حمان، خێرا وان دێ بلندترين جهـ بت ل به‌حه‌شتێ؛ ژ دلۆڤانییا خودێ و ژ به‌ر صه‌بركێشانا وان ل سه‌ر عيباده‌تان، و د به‌حه‌شتێ دا ملياكه‌ت دێ سلاڤى وان كه‌ن، وژينه‌كا خۆش و ب سلامه‌تى بۆ وان دێ ئێته دان * هه‌ر وهه‌ر ئه‌و دێ تێدا مينن ونامرن، خۆش جهه ئه‌و دێ لێ ئاكنجى بن ولێ مينن، ووان نه‌ڤێت ژێ بێنه ڤه‌گوهاستـن)
عربة الشراء