ئەو چ بەصمەیە (شوین تبلە) یا ڪو فاطیمایا ڪچا پێغەمبەرێ خودێ -سلاڤ لێ بن- ل پشت خو هێلای، خودێ ژێ رازی بیت؟

بەرسڤ: چوننە، وێ چو گوتن د تەفسیرێ دا نەهێلاینە ل پشت خو ڪو ئایەت تەفسیر ڪربن، یان د فقهی دا فەتوا دابن، یان حەدیس ڤەگوهاست بن ، و نە چوویە د ناڤ ڪاروبارێن دەعوێ و ریسالێ دا د گەل بابێ خو -سلاڤ لێ بن- ، و نە چیێ دی ژبلی ڤان.

بەلێ د گەل ڤێ چەندێ ژی، ئەو ژ سەییدا ژنڪێن ئەهلێ بەحەشتێ یە.
تو دشێی بێژی ئەو بەصما مەزن یا وێ د ژیانا خو دا هێلای ئەوە:

_حرصا وێ یا دژوار ل سەر طاعەتێ خودێ تعالی، و عەبدینییا وێ بو خودێ، و خو نیزیڪرنا وێ ژ خودێ ب جورێن عیبادەتا، وەڪی خواندنا قورئانێ، و زڪری، و نڤێژان.

_حرصا وێ یا دژوار ل سەر شەرما وێ و ئنوثەتا وێ و دەهمەن پاقژییا وێ، نە ژ وان بوو یێن گەلەڪ دەردڪەڤن، بەلڪو ئەو ئەوبوو یا گوتی: یا ژ هەمییێ باشتر بو ژنڪێ ئەوە زەلام وێ نەبینن و ئەوژی زەلامان نەبینیت.

_حرصا وێ یا دژوار ل سەر هندێ ڪو بو زەلامێ خو یا باش و قەنج بیت، ژبەر ڪو وێ دزانی باشییا د گەل هەڤژینی و مروڤ گوهدارییا وی بڪەت ژ طاعەتێ خودێ یە، و ڪو ژن یا سوپاسدار نابیت بو خودێ هەتا یا سوپاسدار نەبیت بو زەلامێ خو ب قەنجییا طاعەتی و گوهداریڪرنا وی.

_حرصا وێ یا دژوار ل سەر پەروەردا ڪورێن وێ حەسەن و حوسەینا -خودێ ژ وان رازی بیت- ، بیروباوەرێن دروست ڪرنە د دلێ وان دا، و رەوشتەڪێ باش و جوان، ڤێجا ئەو هەردوو ژ سەییدێن جحێلێن ئەهلێ بەحەشتێ نە.

مەرج نینه تو ببیە ژ ڪەسؽن ب ناڤ و دەنگ و خو بینییە پێش هەتا بەصمەڪا باش ل پشت خو بهێلی،
تێرا مروڤی هەیە مروڤ فاطیمایا ڪچا پێغەمبەری -سلاڤ لێ بن- بڪەتە چاڤلێڪەر بو خو.