گێڕانا ئاهەنگێن مەولوودا پێغەمبەری ﷺ
وئەو چاڤلێكرنا فەلانە د وی كاری دا یێ دبێژنێ: ئاهەنگا بوونا مەسیحی، ڤێجا نەزانێن موسلمانان، یان زانایێن خەلكی د سەردا دبەن ل مەها (ربیع الأول) ێ یان ل دەمەكێ دی ژ سالێ ئاهەنگێ ب هلكەفتنا بوونا موحەممەد پێغەمبەری -سلاڤ لێ بن- دگێڕن. وهندەك ژ وان ڤێ ئاهەنگێ ل مزگەفتێ دگێڕن، وهندەك ل مالان، یان ل هندەك جهێن بۆ وێ چەندێ هاتینە ئامادەكرن، وكۆمێن مەزن ژ عامییێن مرۆڤان لێ دجەمیێن، وچاڤلێكرن بۆ فەلان وێ چەندێ دكەن، دەمێ ئەو ئاهەنگێ ب هلكەفتنا بوونا مەسیحی -سلاڤ لێ بن- دگێڕن، وئەڤ ئاهەنگە د سەر هندێ ڕا كو بیدعەنە وچاڤلێكرنە بۆ فەلان، ئەو ژ كارێن كرێتی وشركێ دڤالا نینن ژی، وەكی گۆتنا وان سرۆدێن (غلو) د دەر حەقا پێغەمبەری دا -سلاڤ لێ بن- تێدا هەی حەتا دەرەجەیەكێ كو دوعا وداخوازا هەوارێ ژێ دئێنەكرن، وپێغەمبەری -سلاڤ لێ بن- ئەم ژ هندێ پاشڤەلێداینە كو د مەدحكرنا وی دا ژ توخویبان دەركەڤین .
بەلگە لسەر نەدروست بونا مەولیدێ👇
(لا تطروني كما أطرت النصارى ابن مريم، إنما أنا عبد فقولوا عبد الله ورسوله)
ئانکو: هوین من وەسا مەزن نەكەن وەكی فەلان كوڕێ مەریەمێ مەزن كری، هندی ئەزم ئەز عەبدەكم ڤێجا بێژن: عەبدێ خودێ وپێغەمبەرێ وی(بوخاری و موسلم ڤەدگوهێزن)ودبت د ڤان ئاهەنگان دا ژن ومێر تێكەلی ئێك بن، وهندەك خرابی پەیدا ببن.
ومە گۆت: ئەو بیدعەیە، چونكی چو بناخە د كیتابێ وسوننەتێ وكارێ پێشییان دا بۆ نینن، بەلكی ئەو ل دویماهییێ پشتی سەد سالا چارێ پەیدا بوویە، فاطمییێن شیعە ئەو دەرێخستبوو، ئیمام (أبو حفص تاج الدین الفاكهانی) - خودێ رەحمێ پێ ببەت - دبێژت: ((پاشی: دوبارە پسیار ژ لایێ هندەك مرۆڤێن پیرۆز هاتەكرن كانێ ئەو كۆمبوونا هندەك مرۆڤ ل مەها (ربیع الأول) ێ دكەن ودبێژنێ: مەولوود چاوایە، وكانێ بناخەیەك د دینی دا بۆ هەیە یان نە، ومەخسەدا وان ئەوە بەرسڤ ل سەر ڤێ چەندێ بێتەدان وئاشكەراكرن، ڤێجا ئەز دبێژم - وهاریكاری ژ خودێیە : ئەز چو بناخەیان بۆ ڤێ مەولوودێ د كیتاب وسوننەتێ دا نزانم، وئەو ژ چو زانایێن ئوممەتێ یێن كو د دینی دا ئەون پێشەوا وپێگیر ب شوینوارێن پێشییان ئەڤ چەندە نەهاتییە ڤەگوهاستن، بەلكی ئەو بیدعەیەكە هندەك بەطالان دەرێخستییە، وشەهوەتەكە خورا خۆ پێ تێر دكەن)) (رسالة المورد في عمل المولد)
شیخ الإسلام ابن تیمیة) دبێژت: هەر وەسا ئەوا هندەك مرۆڤ دكەن، یان چاڤلێكرن بۆ كارێ فەلان د مەولوودا عیسایی دا -سلاڤ لێ بن- یان ژی بۆ ڤیان ومەزنكرنا پێغەمبەری -سلاڤ لێ بن-.. دەمێ مەولوودا پێغەمبەری -سلاڤ لێ بن- دكەنە جەژن، هەر چەندە خیلاف د دەمێ بوونا وی دا د ناڤبەرا مرۆڤان دا هەیە، ئەڤە كەسێ ژ پێشییان نەكرییە هندەک ژ وان دبێژن (٨ رەبیع الاول) یێ بووی.
و هندەک دبێژن ئەو ل (١٠ ربیع الاول) یێ بووی.
وهندەک دبێژنئەو ل (١٢ ربیع الاول)یێ بووی.
وهندەک دبێژن ئەو ل (١٨ ربیع الاول) یێ بووی.
وئەگەر ئەو خێرەكا مەزن با، یان خێرەكا بەرعەقل با، سەلەف - خودێ ژ وان رازی بت - ژ مە هەژیتر بوون وێ چەندێ بكەن، چونكی ڤیانا وان بۆ پێغەمبەری -سلاڤ لێ بن- ومەزنكرنا وان بۆ وی ژ یا مە پتر بوو، وبەرێ وان پتر ل خێرێ بوو، وهەما ڤیان ومەزنكرنا وی د هندێ دایە گوهداری ودویكەفتنا وی بێتەكرن، وفەرمانا وی بێتە ب جهئینان، وسوننەتا وی ئاشكەرا وڤەشارتی بێتە ساخكرن، وئەو بێتە بەلاڤكرن یا ئەو پێ هاتییە هنارتن، و ب دلی ودەستی وئەزمانی جیهاد ل سەر وێ چەندێ بێتەكرن، چونكی هندی ئەڤەیە ئەوە ڕێبازا پێشییێن ئێكێ ژ موهاجر وئەنصارییان وئەوێن ب قەنجی دویكەفتنا وان كری..)) (اقتضاء الصراط المستقيم (2 / 615) بتحقيق الدكتور ناصر العقل)
ژێدەر : ژپەرتوکا ماموستا تحسین دوسکی ئەوا بناڤێ باوەریا تە وحیدێ دەرگەهێ بیدعێ
عربة الشراء