الحمدلله رب العالمین، والصلاة والسلام علی نبينا محمد وعلی آله وصحبه اجمعین ، وبعد...

ڕەوشا ژنا د بەحەشتێ دا
* ژ مافێ هەر ژنەکا مۆسلمانە کۆ پرسیارا هندێ بکەت کا دێ پاداشتێ وێ چبیت ل بەحەشتێ، وخۆشیا بەحشتێ هەکە ما ل سەر ڕێکا ڕاست ودروست وجێبەجێڪار بو فەرمانێت خودایێ خۆ.
* و ژمافێ ژنا مۆسلمانە کۆ خەریب ببت و بەختەوەر ببت دەمێ بەحسێ بەحەشتێ دهێتە کرن وەکی زەلامی، وخەریب ببت بۆ وێ یا کۆ خودایێ بلند بۆ بەندەیێن خو یێن چاک ئامادەکری د بەحشتێ دا.

وئەڤە گەلەک باشە ب مەرجەکێ هەکە ئەڤ خەریبیا هەنێ نە بتنێ هندەک هیڤی و خوزی بن بێ کار و کریارێن چاک و بیروباوەرێن پاقژ و ب سلامەت ژ شرکێ، یا باش نینە بو ژنێ ئەو گەلەک هزرا خۆ مژیل بکەت ب گەلەک پرسیارانڤە کا دێ چاوا چیتە بەحەشتێ،  گۆتنا خودایێ مەزن تێرا وێ هەیە : ( وَمَن يَعۡمَلۡ مِنَ ٱلصَّلِحَٰتِ مِن ذَكَرٍ أَوۡ أُنثَىٰ وَهُوَ مُؤۡمِنٞ فَأُوْلَٰئِكَ يَدۡخُلُونَ ٱلۡجَنَّةَ وَلَا يُظۡلَمُونَ نَقِيرٗا ﴿١٢٤﴾ النساء.
ئانکۆ:  وهه‌چییێ تشته‌كى ژ كارێن چاك بكه‌ت، نێر بت يان مێ بت، وئه‌و ب خودێ و ب وێ حه‌قییا وى ئينايه‌ خوارێ يێ خودان باوه‌ر بت ، ئه‌و ئه‌ون يێن خودێ وان دكه‌ته‌ د به‌حه‌شتێ دا جهێ خۆشییا به‌رده‌وام، وتشته‌ك ژ خێرا كريارێن وان ژ وان نائێته‌ كێمكرن، ئه‌گه‌ر خۆ هندى وێ كونكێ بت ئه‌وا د به‌ركێ خورمێ دا ).

وهەروەسا گۆتنا خودایێ مەزن تێرا وێ هەیە : ( .. وَفِيهَا مَا تَشۡتَهِيهِ ٱلۡأَنفُسُ وَتَلَذُّ ٱلۡأَعۡيُنُۖ وَأَنتُمۡ فِيهَا خَٰلِدُونَ ﴿٧١﴾ الزخرف.
ئانکۆ:  وهه‌ر تشته‌كێ دل وچاڤێن وان دچتێ بۆ وان ل وێرێ هه‌يه‌، وئه‌و هه‌ر وهه‌ر دێ ل وێرێ مينن.  

وئەو پرسیارا هندێ نەکەت کۆ خودایێ مەزن بوچی دلێ زەلاما برییە هندێ و ئەو ژ بەحەشتێ خەریب کرینە ب بەحس کرنا وان تشتێن تێدا ژ پەریێن چاڤ گر وژنکێن جوان و بەرکەفتی، هندەک ژ ژنا پرسیارا ڤێ چەندێ دکەن کا ئەگەر چنە؟ ئەم دبێژینە وان: کۆ خودایێ مەزن پرسیار ژێ ناهێنە کرن: ( لَا يُسۡئَلُ عَمَّا يَفۡعَلُ وَهُمۡ يُسۡئَلُونَ ﴿٢٣﴾ الانبياء.
ئانکۆ: ژ نيشانێن هندێ دگه‌هينن كو ئه‌و ب تنێ خودانێ ئافراندن وپه‌رستنێيه‌: ئه‌وه‌ يێ پسيارا وى تشتى ژ وى نائێته‌كرن يێ ئه‌و د ناڤ به‌نییێن خۆ دا دكه‌ت، وهه‌مى چێكرییێن وى پسيار ژێ دئێته‌كرن. 

و دەستودارێ ژنێ د دونیایێ دا ژ شەش حالەتان نادەرکەڤیت ، وبۆ هەر حالەتەکێ بەرامبەرێ وێ یێ هەی د بەحەشتێ دا ، وئەو شەش ڕەوشە(حالەتە) ئەڤەنە:-

حالەتێ ئێکێ: یان ئەو دێ مریت ژبەری ئەو شوی بکەت، ئەڤە خودایێ مەزن دێ وێ دەتە شوی ب زەلامەکێ ئەهلێ بەحەشتێ، ژبەر گۆتنا پێغەمبەری سلاڤ لێبن: (وما في الجنة أعزب) رواه مسلم وغیرە.
ئانکۆ: د بەحەشتێ دا زگۆردی نینە.

حالەتێ دووێ: یان ژی دێ مریت پشتی بهێتە بەردان (طەلاقدان) ژبەری شوی ب ئێکێ دی بکەت، نموونا وێ ژی وەکی یا ئێکێ یە دێ خودایێ مەزن وێ دەتە شوی ب زەلامەکێ ئەهلێ بەحەشتێ، ژبەر گۆتنا پێغەمبەری سلاڤ لێبن: (وما في الجنة أعزب) رواه مسلم وغیرە.
ئانکۆ: د بەحەشتێ دا زگۆردی نینە.
وئەڤە گشتی یە بۆ ژن و زەلاما.

حالەتێ سیێ: یان ژی یا شوی کریە بەلێ زەلامێ وێ دگەل وێ ناهێتە بەحەشتێ، ئەڤە ژی دێ خودایێ مەزن وێ دەتە شوی ب زەلامەکێ ئەهلێ بەحەشتێ، ژبەر گۆتنا پێغەمبەری سلاڤ لێبن یا بۆری.

حالەتێ چارێ: یان ژی بمرت پشتی شویکرنێ، ئەو دێ د بەحەشتێ دا بو وی زەلامی بیت یا کۆ ل نک وی مری، ب بەلگەیێ گۆتنا خودایێ مەزن : (  جَنَّتُ عَدۡنٖ يَدۡخُلُونَهَا وَمَن صَلَحَ مِنۡ ءَابَآئِهِمۡ وَأَزۡوَٰجِهِمۡ وَذُرِّيَّتِهِمۡۖ ... ﴿٢٣﴾ الرعد.
ئانکۆ: ئه‌و دويماهییا هه‌ به‌حه‌شتێن عه‌دنێنه‌ ئه‌و هه‌ر دێ لێ مينن وژێ ده‌رناكه‌ڤن، ئه‌و و د گه‌ل وان دا هه‌چییێ چاك ژ باب وژن ودوونده‌هێن وان ژ نێر ومێیان.

حالەتێ پێنجێ: یان ژی زەلامێ وێ بمرت وئەو پشتی وی بمینت بێ ژن هەتا دمرت، ئەو دێ ژنکا وی بت د بەحەشتێ دا، خودایێ مەزن دبێژت: ( ٱدۡخُلُواْ ٱلۡجَنَّةَ أَنتُمۡ وَأَزۡوَٰجُكُمۡ تُحۡبَرُونَ ﴿٧٠﴾ الزخرف.
ئانکۆ : دێ بۆ وان ئێته‌ گۆتن: هوين وئه‌و خودان باوه‌رێن د گه‌ل هه‌وه‌ بووينه‌ هه‌ڤجۆت هه‌ڕنه‌ د به‌حه‌شتێ دا وپێكڤه‌ خۆشییێ ببه‌ن. 

حالەتێ شەشێ: یان ژی زەلامێ وێ بمرت، وئەو پشتی وی شوی ب ئێکێ دی بکەت، ئەو دێ بو دوماهی زەلام بت شوی پێ کری د بەحەشتێ دا،  هەروەکی پێغەمبەری سڵاڤ لێ بن د حەدیسەکا دڕوست دا کەرەم کری : ( المراة لاخر ازواجها) صحیح الجامع الصغیر: 6691.
ئانکۆ: ژن بۆ دوماهی زەلامێ خۆ یە.

بەلێ هەکە چوو د ئاگری دا خۆ مەبپارێزت وئەو ژ ئەهلا ئاگری بت چ تشت ژڤان بۆ وێ نینە، ڤێجا پێدڤییە ل سەر ژنا مۆسلمان ئەو گەلەکا ڕژد بت کۆ نەبیتە ژ ئەهلا ئاگری، ول سەر پێدڤییە ئەو هەمی بزاڤا بکەت کۆ ژ ئەهلا بەحەشتێ بت وپشتی هنگی بلا دوو دل نەبت.
هەکە ژن چوو د بەحەشتێ دا خودایێ مەزن دێ جحێلینی و گەنجاتی و کچینیا وێ بو زڤرینت، ژبەر گۆتنا پێغەمبەری سلاڤ لێ بن: (ان الجنة لا یدخلها عجوز).
ئانکۆ: پیرەژن نا چنە د بەحەشتێ دا . ب واتایا هندێ کۆ دێ جحێل بن و ژ نوی چنە تێدا.
بەلکی حەدیسێن دروست یێت هەین کۆ ژنکێن دونیایێ دبەحەشتێدا جوانترن ژ پەریێن چاڤگر (حور العین) ب گەلەک جاران، هەروەکی د صەحیحا ئیمامێ بوخاریدا هاتی، پێغەمبەر سلاڤ لێ بن دبێژت: ( وَلَوْ أَنَّ امْرَأَةً مِنْ أَهْلِ الْجَنَّةِ اطَّلَعَتْ إِلَى أَهْلِ الْأَرْضِ لَأَضَاءَتْ مَا بَيْنَهُمَا وَلَمَلَأَتْهُ رِيحًا، وَلَنَصِيفُهَا عَلَى رَأْسِهَا خَيْرٌ مِنَ الدُّنْيَا وَمَا فِيهَا ")2796.
ئانکۆ: بتنێ هەکە ژنکەک ژ ئەهلێ بەحەشتێ بەرێخۆ بدەتە ئەهلێ عەردی دێ دناڤبەرا وان دا ڕوهن بت، ودێ پری بێهنا خۆش کەت، و کەفیکا ل سەر سەرێ وێ ب خێرترە ژ دونیایێ وهەر تشتێ تێدا.
وئەڤە هندەکە ژ وێ یا خودێ بۆ ژنێن مۆسلمان بەرهەڤ کری هەکە چوو د بەحەشتێ دا ، (اطَّلَعَتْ إِلَى أَهْلِ الْأَرْضِ لَأَضَاءَتْ مَا بَيْنَهُمَا) دێ دناڤبەرا عەرد و عەسمانا دا ڕوهن کەت ژ ڕوناهیا دێم و ڕویێ وێ و جانی و تازەهییا وێ ، ودێ دناڤبەرا عەرد وعەسمانادا پری بێهنا خۆش کەت، وخودایێ مەزن دبێژت: (  ... وَلَهُمۡ فِيهَآ أَزۡوَٰجٞ مُّطَهَّرَةٞۖ وَهُمۡ فِيهَا خَٰلِدُونَ ﴿٢٥﴾ البقرة.
ئانکۆ: وژنێن پاقژ ژ هه‌مى ڕه‌نگێن پيساتییێن حسسى وه‌كى ده‌سنڤێژێ وحه‌یضێ ومه‌عنه‌وى وه‌كى دروێ وئه‌خلاقێ نه‌خۆش، بۆ وان تێدا هه‌نه‌. وئه‌و د به‌حه‌شتێ دا هه‌ر دێ مينن، نه‌ تێدا دمرن ونه‌ ژێ دئێنه‌ ده‌رێخستن. 
ب واتایا هندێ کۆ پاقژن ژ میزێ و دەست ئاڤێ ، وکلمیش ، وژ غەیری ڤان ژی ژ پیساتیان.

ئەڤ بەحەشتە یا هاتیە خەملاندن بۆ هەوە گەلی ژنا ، هەروەکی بۆ زەلاما هاتیە خەملاندن، ڤێجا چ دەلیڤەیێن ژیێ خو بەرزەنەکەن ب مژویل بوونا ب شەهەوات و دلخازیاڤە، وهوین بزانن کۆ مەهرا بەحەشتێ باوەری و تەوحیدە، وزانینا ب مفایە و کارێ چاکە و مان و جێگیربوونا سەر ڤێ چەندێ یە هەتا مرنێ.
ژخودایێ مەزن دخازم کۆ تەوفیقا هەمی ژنێن موسلمان بدەت کۆ بەحەشتێ بدەستخۆڤە بینن، وژ ئاگری بهێنە ڕزگارکرن.
والحمدلله رب العالمین.

نڤێسین: شێخ ابراهيم بن عبدالله المزروعي
وەرگێڕان: شیڤان شێخەمیری
 

20.9.2022 ز
25.صفر 1444 هـ