پەیامەک بوان کەسێن ژیێ وان گەهشتیە شێست سالیێ ژ ئافرەت و زەلامان
ئەی موسلمان توبزانە ئەڤ شێست سالی یا تە بری پەیامەکە ژدەف خودێ بوتە کو ئەجەل و مرنا تە یا نێزیک بوی چونکی ئەڤ تەمەنێ تە بوراندی گەلەکە ئەرێ مادەم نەهات تو هزرا خو بکەی؟ کوتو بزانی پشتی ڤی تەمەنی چ تەمەنێن دی نینن بتنێ مرنە
پێغەمبەر سلاڤێن خودێ لێ بیت دبێژیت:
" أَعْذَرَ اللَّهُ إلى امْرِئٍ أخَّرَ أجَلَهُ، حتَّى بَلَّغَهُ سِتِّينَ سَنَةً " رواه البخاري
ئانکو: رب العالمینی هێجەت بو وی کەسی نەهێلانە ئەوێ ئەجەلا وی گیرو کربیت هەتا ژیێ وی گەهاندبیت شێست سالیێ چونکی ئەگەر دڤان شێست سالان دا کێماسی کربیت و هێشتا یێ بەردەوام بیت رامانا وێ ئەو مروڤەکێ پیسە ئەگەر شێست سالان خەلەتی کربیت و لسەر حەرامیێ و گونەهێ بیت هەتا ژیێ وی دبیتە شێست سال و تەوبە نەکربیت کەس ڤی پاقژ ناکەت ئیلا مرن تێ نەبیت
ئانکو ئەگەر شێست سالا تێرا هندێ نەکربیت ئەڤە خو پاقژ بکەت و تە و بە بکەت و بزڤریت ڤە پا ئەڤە دێ کەنگی ل خو زڤڕیت و تەوبەکەت ؟
پێغەمبەر سلاڤێن خودێ لێ بن دگوت خودێ شێست سالێن تەمەنی دانێ ل وی دەمی چ هێجەت لدەف خودێ نەمان هەر چەندە ئەگەر تەمەنێ وی کێم ژی بیت هێجەت لدەف خودێ نینە چونکی ئەو کەس نزانیت دێ کەنگی مریت بەلێ ئەوێ گەنج بیت هیڤیا هندێ یا هەی تەمەنەک هەبیت و عەمەلەک دگەل وی تەمەنی هەبیت بەلێ ئەوکەسێ شێست سال ژ تەمەنی برین یان پتر ئەگەر هەتا نوکە تە تەوبە نەکربیت باشە پادێ کەنگی تەوبە کەی؟
مانە ئەڤە نیعمەتە کە خودێ دگەلتە کری هندە تە مەن دای تە و هێشتا تویێ ساخ ئەرێ ماتو هزرا خوو ناکەی چەند ل بەری تە مرینە؟ ئەرێ تە پشتی ڤی تەمەنی هیڤیا چ هەیە؟
حسن بصری خودێ ژێ رازی بیت کەسەک دیت یێ خەمسار بوو پرسیار ژێ کر و گوتێ ئەرێ ژیێ تە چەندە؟ وی کەسی بەرسڤ دا و گوت ژیێ من شێست سالە ئینا گوتێ ئەی فلان کەس تویێ لسەر رێکەکێ دچی و ئەها وەختە دێ گەهی ئانکو تویێ بەرف مرنا خوڤە دچی و چنەمایە تودێ گەهی ئەرێ تە چ عەمەل بو خوکریە؟ ئانکو شێست سالان مروف تەمەنی ببەت و بچیتە دەف خودێ یێ مفلس بیت؟
خودێ دبێژیت: ﴿ أَوَلَمۡ نُعَمِّرۡكُم مَّا يَتَذَكَّرُ فِيهِ مَن تَذَكَّرَ وَجَآءَكُمُ ٱلنَّذِيرُۖ ﴾
ئانکو: ئه‌رێ ما د دنيايێ دا ژییه‌كێ تێرا هه‌وه بكه‌ت مه نه‌دابوو هه‌وه، ئه‌و تێدا شيره‌ته‌كى بۆ خۆ دگرت يێ بگرت، وپێغه‌مبه‌ر سلاڤ لێ بن بۆ هه‌وه هاتبوو، و د گه‌ل هندێ ژى هه‌وه شيره‌ته‌ك بۆ خۆ ژێ وه‌رنه‌گرت؟
ژبەرهندێ ئەگەر مروڤی ئەف تەمەنە هەمی بر و هێشتا مفلس چوو دەف خودێ و هێشتا تەوبە نە کربیت ئەرێ پا تە چ دکر دونیایێ دا و هندە تەمەن تەبری وهێشتا تێرا تە نەکربیت و تە تەوبە نە کر بیت
ئەرێ چەند تەمەنێ دی تە دڤێت هەتا تێرا تە بکەت و تەوبە بکەی؟ راماناوێ تو بزانە ئەی موسلمان ئەڤ شێست سالێن هە ب گوتنا پێغەمبەری سلاڤێن خودێ لێ بن تە چ هێجەت لدەف خودێ نەمان
ئەگەر کەسەک جحێل بیت و بێژیت من تەمەن هەبیت دا ئەس تەوبە بکەم و فلان کاری بکەم و فلان کاری ، بەلێ پا ئەوێ تە شێست سال و حەفتێ سال برین و هێشتا تە تەوبە نەکربیت و هێشتا تو ل دویف گونەها ڤەی و هێشتا تە رێکا مزگەفتێ نەگرت بیت و چ نەمایە دێ گەهیە خودێ ئەرێ دێ چەوا بەرسڤا خودێ دەی؟
ئەرێ ما روژەک و دوونە ئەرێ ما خولەکەك و دوونە، شێست سالن شێست سال!! تەمە نە کە ژبەرهندێ شەریعەتی یادانای چەندێ مەزن بیت و ناڤ سال چوی بیت و هێشتا خەلەتیا بکەت سزایێ وی دژوار ترە
پێغەمبەر سلاڤێن خودێ لێ بن دبێژیت: ئەوێ مەزن بیت و دانعەمر بیت و هێشتا فاحیشێ بکەت، روژا قیامەتێ خودێ تعالی لگەل نائاخڤیت و پاقژ ناکەت و بەرێ خو نادەتێ و سزایەکێ دژوار یێ بو هەی. [رواه البخاری]
بوچی؟ چونکی یێ مەزن بوی و چەند تەمەنێ بری و هێشتا یێ گونەهان دکەت رامانا وێ ئەوێ هوسا چ تشت دێ وی پاقژ کەت ئەگەر نە مرن بیت ؟!
ئەڤجا تەوبە بکە و ل خو بزڤرە ئەڤ ژیێ تە بری هەمی گەلەک بوو و تە تێدا چ هێجەت نەبن کو دەمێ تو دچیە بەرەف خودایێ خوڤە و تویێ پاقژ بی.
عربة الشراء