بلا كورێ ته ژى وه‌كى وان بیت (ژێگرتنا چاڤلێکەرەک باش بو زاروکێن تە)
بلا كورێ ته ژى وه‌كى وان بیت..
د باره‌دوخه‌كێ هوسا ئالوزدا وتژى ئاريشه وگهورين وبه‌لا ونه‌خوشى دا , گه‌له‌ك پێدڤى يه كو ده‌يك وباب هه‌ولبده‌ن چاڤلێكه‌ره‌كێ باش وصالح بو زاروكێت خو ده‌‌ست نيشان بكه‌ن , بو هندێ كو بو وان روناهى بيت ول سه‌ر بچن ومه‌ره‌م وهيڤى وئارمانجێت وان ل ده‌ڤ وان جوان بكه‌ن , وهه‌روه‌سا نمونه‌كا به‌رده‌ست وكردارى پێشكێش بكه‌ن .
وباشترين چاڤلێكه‌ر ژى بو وان , پێك هاتى يه ژ هه‌ڤالێن پێغه‌مبه‌رێ خودێ – صلى الله عليه وسلم – وئه‌و هوسانن وه‌ك (ابن مسعود- خودێ ژێ رازى بيت )ده‌رباره‌ى وان دا دبێژيت : (ئه‌و باشترينێ ڤێ ئومه‌تێ نه , خودانێت باشترين وچێترين دلن , وپترترين ومفاترين زانين و زانيارينه , وكێمترين خاست وداخازى ژى هه‌بوون , ئه‌و هنده‌ك كه‌س بوون , خودايێ مه‌زن هه‌لبژارتبون بو هه‌ڤالينيا پێغه‌مبه‌رێ خو – صلى الله عليه وسلم – وگه‌هاندنا دينێ وى , ڤێجا هوين خو ب ره‌وشت وئادابێن وان جوان بكه‌ن ول سه‌ر رێك ورێباز وديڤچونا وان هه‌رن , چونكى ب راستى ئه‌و ل سه‌ر رێك و هيدايه‌ته‌كا راست بون).
ڤێجا كا چاوا ڤيان وحه‌ژێكرنا وان ژ دينى وباوه‌ريێ يه , ها هوسا چاڤلێكرنا وان ژى سوننه‌ته , ڤێجا ژبه‌ر هندێ په‌روه‌رده‌كرنا زاروكا ل سه‌ر حه‌ژێكرن و رێزگرتنا وان و ديڤچونا وان رێبازه‌كا ئيسلامى يه , نه‌ڤى پشتى نه‌ڤى يێ ب ڤى شێوه‌ى هاتى .
مالكێ كورێ ئه‌نه‌سى – خودێ ژێ رازى بت – دبێژيت : (سه‌له‌فێن صالح زاروكێن خو فێرى حه‌ژێكرنا ئه‌بوبه‌كرى وعومه‌رى – خودێ ژوان رازى – دكرن , كا چاوا فێرى سوره‌ته‌كا قورئانێ دكرن).
وپه‌روه‌رده‌كرنا زاروكا ل سه‌ر ڤێ ڤيان وحه‌ژێكرنێ دێ ره‌نگڤه‌دان هه‌بت دڤان رووياندا : -
1. ناڤ كرنا ناڤێت وان وهاندانا وان بو ژبه‌ركرنا ناڤ وناسناڤێت وان .
2. دده‌مێ ناڤ ئينانا وان دا ده‌يك وباب هوسا دياركه‌ن كو ئه‌و ب مه‌زن ته‌ماشه دكه‌ن ورازيبينا خودێ بو وان بهنێرن , خودێ بو وان بهنێرن , ئانكو بێژن : خودێ ژوان رازى بيت .
3. دوباره‌كرنا وان حه‌ديسێن كو به‌حسێ رێزو قه‌درو پله وپێگه‌هێ وان دكه‌ت , وه‌ك خه‌ليفێت راشدين , وهه‌ر ده‌هـ كه‌سێن مزگينيا به‌حه‌شتێ بو هاتى ويێت به‌شدارى كرين دشه‌رێ به‌درێ دا.
4. گێرانا سه‌رهاتيێن وان ب شێوه‌كێ ساناهى وسه‌رنج راكێش وراوه‌ستان ل شيره‌ت وپه‌ندو ئاموژگارييا وئه‌و مفايێن ژ ڤان سه‌رهاتيا دهێنه وه‌رگرتن .
5. ئه‌نجامدان وڤه‌كرنا پێشبركێيا ده‌رباره‌ى ناڤێن وان وفه‌زل ومه‌زنى يا وان , وبه‌شداريا وان دفتوحاتا دا , وئه‌و تشتێ ل سه‌ر مه واجب به‌رامبه‌رى وان , ودان وته‌رخان كرنا دياريا بو وان كه‌سێن سه‌كه‌فتى دبن دپێشبركێ يێ دا .
6. شه‌رمزاركرن وره‌دكرنا وان كه‌سێن گوتنێت كرێت دبێژنه وان و ژ رێزو قه‌درێ وان كێم دكه‌ن .
خودايێ مه‌زن دبێژيت : ( وَٱلسَّبِقُونَ ٱلۡأَوَّلُونَ مِنَ ٱلۡمُهَٰجِرِينَ وَٱلۡأَنصَارِ وَٱلَّذِينَ ٱتَّبَعُوهُم بِإِحۡسَٰنٖ رَّضِيَ ٱللَّهُ عَنۡهُمۡ وَرَضُواْ عَنۡهُ وَأَعَدَّ لَهُمۡ جَنَّتٖ تَجۡرِي تَحۡتَهَا ٱلۡأَنۡهَٰرُ خَٰلِدِينَ فِيهَآ أَبَدٗاۚ ذَٰلِكَ ٱلۡفَوۡزُ ٱلۡعَظِيمُ ) ﴿١٠٠﴾
وئه‌وێن بۆ باوه‌رى ئينانێ به‌رى مرۆڤان ڕاكرين، ژ وان مشه‌ختان يێن ملله‌ت وئويجاخێن خۆ هێلاين وقه‌ستا وارێ ئيسلامێ كرى، ووان پشته‌ڤانێن پشته‌ڤانییا پێغه‌مبه‌رى سلاڤ لێ بن دژى كافران كرى، وئه‌وێن ب قه‌نجى دويكه‌فتنا وان كرى، ئه‌و ئه‌ون يێن خودێ ژێ ڕازى بووى ژ به‌ر گوهدارییا وان بۆ خودێ وپێغه‌مبه‌رێ وى، وئه‌و ژ وى ڕازى بوون ژ به‌ر خێرا مه‌زن يا وى دايه وان، ووى به‌حه‌شتێن ڕويبار د بن دا دچن بۆ وان ئاماده كرينه هه‌ر وهه‌ر ئه‌و دێ تێدا بن، وئه‌ڤه‌يه سه‌ركه‌فتنا مه‌زن. و د ڤێ ئايه‌تێ دا مه‌دح بۆ صه‌حابییان -خودێ ژێ رازى بت- هه‌يه، وئه‌و ده‌ليله كو ئه‌و يێن باوه‌رێنه؛ له‌و قه‌درگرتنا وان ئێك ژ بناخه‌يێن باوه‌ریێیه.
عربة الشراء