گرنگیا ژیاننامەیا پێغەمبەر(صلی اللە علیە وسلم ) و جهێ وی د ژیانا مروڤێ مسلمان دا. 

- ژیاننامەیا پێغەمبەری( صلی اللە علیە وسلم) تەرازییە ڪارێن مە و ژیانا مە  پێ دهێنە تەرازیڪرن، تەرازییەڪە تو دشی ئەخلاڤی خو پێ تەرازی بڪەی دگەل هەمی ڪەسان ڪا تو مروڤەڪی صالحی یان نە .

- وێنەیەڪێ ژ پێشەوایەڪێ بێ ڪیماسی  دڪەتە دناڤ دەستێ مروڤی دا، ڪو باشترینێ مروڤان د باشترین وێنە دا بۆ مە دیاردڪەت ژبەرهندی خودێ تعالی فەرمان ل مە ڪریە ڪو ئەم بخو بڪەنە قدوە . 
قال تعالی: (لَّقَدْ كَانَ لَكُمْ فِى رَسُولِ ٱللَّهِ أُسْوَةٌ حَسَنَةٌ لِّمَن كَانَ يَرْجُواْ ٱللَّهَ وَٱلْيَوْمَ ٱلْءَاخِرَ وَذَكَرَ ٱللَّهَ كَثِيرًا) الاحزاب ٢١

- خاندنا ژیاننامەیا پیغەمبەری (صلی اللە علیە وسلم ) هاریڪارە لسەر تێگەهشتنا قورئانا پیروز چونڪی (صلی اللە علیە وسلم ) ئەخلاقی وی قورئان بو ،و ژیانا وی (صلی اللە علیە وسلم) هەمی تەتبیقڪرن و ڪار پێڪرنا قورئانێ بوو .

- ب خاندنا ژیاننامەیا پێغەمبەری (صلی اللە علیە وسلم) حەژیڪرنا وی لدەڤ مروڤی زێدە دڪەت ئەو ژی ب زانینا جەوانبێن مەزن ژ ژیانا وی(صلی اللە علیە وسلم). 
خوشتفی خودێ (صلی اللە علیە وسلم) دبیژیت : لا یٶمن ٲحدڪم حتی ٲڪون ٲحب ٳلیە من والدە و ولدە و الناس ٲجمعین) .

- زانینا ئەخلاقێ وی (صلی اللە علیە وسلم ) ڪو ژیاننامەیا وی باشترین مەنهەجە بو مروڤێ موسلمان، ئەوێ خیر و برڪەت و ژیانەڪا خوش و ڪەریم بڤێت ل دونیا وئاخرەتێ . 

-  نیاسینا باشترین جیلێ ئومەتێ، ڪو جیلی سحابیانە( رضي اللە عنهم ) و هەلویستێ وان دگەل پێغەمبەری (صلی اللە علیە وسلم) و خو گوریڪرنا وان بۆ پێغەمبەری ب نەفسا خو و زاروڪین و مالێ خو، و حرسا وان  ب دوویڪەفتنا  پێغەمبەری (صلی اللە علیە وسلم)  ژ ئەوامر و نەهێێ، دا ببنە جهێ جاڤلێڪرنێ بۆ جیلێن پشتی خو . 

- خاندن و زانینا ژیاننامەیا پێغەمبەری( صلی اللە علیە وسلم) هاریڪارە بو تێگەهشتنا دینی هەمێێ بێ ڪێماسی .

شیخ سالم الطويل حفظه اللە تعالى دبیژیت :
مەزنترین شەر موسلمان دگەل دوژمنێ  ئیسلامێ بڪەت ئەوە ل خو زڤرین و دیفچونا قورئانێ و سونەتا پێخەمبەری یە (صلی اللە علیە وسلم )بێ ڪیمڪرن یان زێدەڪرن . 

فوائد اڪاديمية زاد.