دزیڪەرێن هەیڤا رەمەزانێ !! 

هەیڤا رەمەزانێ چەند دزیڪەرەڪ هەنە ژ وان ... 

٭٭ تلەفزون 
ئەو دزیڪەرێ بترس و خراب خێرا ڕۆژیێ ڪێم دڪەت ب وان دراما و برنامێت بێ سەروبەر و خراب، هەتا وی رادەێێ ڪو هندەڪ ڪەس هەنە بۆ خو جەدوەلەڪی بۆ سەحڪرنا وان دراما ددان!!

٭٭ بازار و سیڪ 
ئەو دزیڪەری تایبەت ب هەدرڪرن و زەعیڪرنا پارەیی و دەمەڪێ بێ حسێب، خو دێ بێژی هەیڤا و سیڪ و بارازی و دەرڪەفتنێ یە بۆ ژ دەرڤە!!
مخابنێ هندەڪ ژنڪ دڕۆژێ دا پتر ژ جارەڪێ دچنە سیڪ و بازاری.. 

بەروڤاژی ڤێ چەندێ هزرەڪا جوان هەیە ماموستایەڪێ بۆ مە ددەورەڪێ دا بەحس ڪر  ژن دشێن بڪەن ئەو ژی  بەری رەمەزانێ تشت و ڪەلوپەلێت خو رێڪ ڕێڪوپێڪ بڪەت و بدوماهیڪ بینیت داڪو بشێت رەمەزانێ دا گەلەڪ عیبادەتێ بڪەت و وان ڤە مژیل نەبیت. 

٭٭ هشیاریی "نەنفستن" 
دزیڪەرێ بهاترین وەخت ژ عەبدی د دزیت ژ نڤێژا ل دوماهیڪا سێێ یەڪا شەڤێ و ژ ئیستغفاران و تەوبەڪرنێ.
دێ شەڤێ ڪەنە ڕۆژ و ڕۆژێ ڪەنە شەڤ ئانڪو ڕۆژێ هەمی نفستنە و شەڤێ ژی تنێ دێ ل ڪافی و دەرڪەفتنێ ڤە مژێل بیت، هەتا هندەڪ نڤێژا نیڤرو و نێڤارێ دڪەنە  دگەل ئێڪ ژبەر نەرابوونا د وەختێ وان دا !!

٭٭ مەتبەخ 
ئەو دزیڪەرێ ژن پتریا وەختێ خو ددەتێ بۆ ڪاری تێدا، بۆ چێڪرنا گەلەڪ جورێت خوارنێ و ڤەخوارنا ڪو پتریا وان ناهێنە خوارن  بەلڪو دهێنە ڕێشتن و هاڤێژتن، و یا معلومە  پترییا ڕۆژیگران نەشێن گەلەڪ خوارنێ بخون و ڤەخون دەمێ فتارێ. 

ئەڤە ل رەخەڪێ و ئیسرافا ئەڤرو دبینن ل رەخەڪێ دی، ئەرێ ما هەیڤا خوارن و ڤەخوارنێ یە یان هەیڤا عیبادەتێ و بلندڪرنا اعمالانە؟! 
و ئەڤە رامانا هندێ نادەت ژن مالا خو ئیهمال بڪەت و بێژێت تنێ دێ عیبادەتێ ڪەم .