چەوانیا سەرئێخستنا پێغەمبەری ﷺ
چەوانیا سەرئێخستنا پێغەمبەری (سلاڤ لێ بن) ؟
ئێڪ: حەژێڪرنا وی (سلاڤ لێ بن)
ژ پێتڤیێت حەژێڪرنا پێغەمبەری (سلاڤ لێ بن) ڪو حەژێڪرنا وی زێدەتر بیت ژ حەژێكرنا نەفس و زاروڪ و مال و هەمی تشتێن دونیایێ.
ژ ڪیسیێ ئەنس ابن مالڪ(خودێ ژێ رازی بیت) پێغەمبەری(سلاڤ لێ بن) دبێژیت: لا یٶمن ٲحدڪم حتی ٲڪون ٲحب ٳلیە من والدە وولدە والناس ٲجمعین). رواە البخاري.
ئانڪو: ڪەس ژ هەوە باوەریێ نائینیت هەتا ئەز بۆ وی خوشتڤیتربم ژ باب و ڪور و خەلڪی هەمیێ.
دوو: دویڪەفتنا وی، و ڪارڪرن ب سوننەتا وی، و دیفچوونا گوتن و ڪریارێت وی، و بجهئینانا فەرمانێت وی و دویرڪفتن ژ نەواهیێت وی، و خو تورەڪرن ب ئادابێت وی دبەرتەنگی و بەرفرەهیێ و خوشی و نەخوشیێ دا.
خودایێ مەزن دبێژیت: (قُلۡ إِن كُنتُمۡ تُحِبُّونَ ٱللَّهَ فَٱتَّبِعُونِی یُحۡبِبۡكُمُ ٱللَّهُ وَیَغۡفِرۡ لَكُمۡ ذُنُوبَكُمۡۚ وَٱللَّهُ غَفُورࣱ رَّحِیمࣱ). آل عمران: ٣١
تفسیر: تو بێژه: ئه‌گه‌ر ڕاسته هه‌وه خودێ دڤێت هوين دويڪه‌فتنا من بڪه‌ن، خودێ ژى دێ هوين ڤێن، وگونه‌هێن هه‌وه دێ ژێ به‌ت، چونڪى خودێ گونه‌هـ ژێبرێ گونه‌هێن به‌نییێن خۆيه، ب وان يێ دلۆڤانڪاره. وئه‌ڤ ئايه‌ته حوڪمى ب هندێ دڪه‌ت ڪو هه‌ر ڪه‌سێ بێژت: من خودێ دڤێت و دويڪه‌فتنا پێغه‌مبه‌رێ وى ب دورستى نه‌ڪه‌ت، ئه‌و دڤێ گۆتنا خۆ دا يێ دره‌وينه، وئه‌و ڕاست نابێژت حه‌تا ب دورستى دويڪه‌فتنا پێغه‌مبه‌رى نه‌ڪه‌ت.
سێ: گوهداریڪرنا وی (سلاڤ لێ بن).
چونڪی خودایێ مەزن گوهدارییا پێغەمبەری(سلاڤ لێ بن) ڪرییە ژ گوهدارییا خو-جل وعلاە-، و سوز ب ئەجر و ثەوابێ داییە وی یێ گوهدارییا پێغەمبەری بڪەت.
خودایێ مەزن دبێژیت:(مَّن یُطِعِ ٱلرَّسُولَ فَقَدۡ أَطَاعَ ٱللَّهَۖ وَمَن تَوَلَّىٰ فَمَاۤ أَرۡسَلۡنَـٰكَ عَلَیۡهِمۡ حفيظا). النساء : ٨٠
تفسیر: هه‌چییێ گوهدارییا پێغه‌مبه‌رى(سلاڤ لێ بن) بكڪه‌ت، و ڪارى ب دينێ وى بڪه‌ت، ئه‌و وى گوهدارییا خودێ ڪر و ڪار ب فه‌رمانا وى ڪر، و هه‌چییێ پشت بده‌ته گوهدارییا خودێ وپێغه‌مبه‌رێ وى مـه تو ئه‌ى موحه‌ممه‌د نه‌هنارتى دا ل سه‌ر وان يێن پشت دده‌ن ببییه زێره‌ڤان، ڪارێن وان بهژمێرى وحسێبا وان سه‌را بڪه‌ى، حسێبا وان ل سه‌ر مه‌يه.
چار: هێلانا سەرپێچیا فەرمانا وی و گوهورینا سوننەتا وی(سلاڤ لێ بن).
ڤیجا لدیڤ سوننەتا وی بچیت ب چاڤلێڪرنا ژیاننامەیا وی و دویڪەفتنا وی.
خودایێ مەزن دبێژیت:( فَلۡیَحۡذَرِ ٱلَّذِینَ یُخَالِفُونَ عَنۡ أَمۡرِهِۦۤ أَن تُصِیبَهُمۡ فِتۡنَةٌ أَوۡ یُصِیبَهُمۡ عَذَابٌ أَلِیمٌ).النور:٦٣
ئانڪو: ڤێجا ئه‌وێن بێ ئه‌مرییا پێغه‌مبه‌رێ خودێ دڪه‌ن بلا ژ هندێ بترسن ڪو فتنه‌ڪ و نه‌خۆشى ب سه‌ر وان دا بێت، يان عه‌زابه‌ڪا ب ئێش و نه‌خۆش ل ئاخره‌تێ بگه‌هته وان.
پێنج: مەزنڪرن و قەدرگرتنا وی، و دیارڪرنا خوشڪاندنێ دەمێ بیرئینانا وی .
صحابیت پێغەمبەری (سلاڤ لێ بن) و ێن پشتی وان دەمێ بەحسی دڪرن ب خشوع و گریی بەحسێ دڪرن.
هەروەڪی دەمی بلال(خودێ ژی رازی بیت) پشتی مرنا پێغەمبەری(سلاڤ لێ بن) بانگ دایی نەشیای ژ گریێ ژ ٲشهد ٲن محمد رسول اللَّە بوریت.
و دەمێ ئەنس ابن مالڪ گوتی: دەمێ پێغەمبەر(سلاڤ لێ بن) هاتی مەدینێ باژێر هەمی روون بوو، و ڕۆژا وەغەر ڪریی باژێر هەمی تاریی بوو.
و سعید بن جبیر دبێژیت ابن عباس گوت: ڕۆژا پێنج شەمبێ و ڪرە گریی هەتا ئەرد بەرەهویرڪ ، من گوتێ ئەی ڪورێ عەباسێ ڕۆژا پێنج شەمبێ چیە؟، گوتی نەساخیا پێغەمبەری لێ دژواربوو ل وێ ڕۆژێ، بەری مرنا وی ب چار ڕۆژان .
هاتیە وەرگێران ژ پەیجەڪێ عربی دگەل زێدەڪرنێ.
عربة الشراء