موسلمانی چ ژدەست دا دەمێ نڤێژا سپێدێ هێلای؟

① باوەرناما بەریئبوونێ ژ دوو ڕۆیاتیێ ژ دەستدا.
پێغەمبەر ﷺ دبێژت: گرانترین نڤێژ لسەر منافقا نڤێژا عەیشا و نڤێژا سپێدێ یە.

 ② مەزنترین ئەگەرێ چوونا بەحەشتێ ژ دەستدا .
پێغەمبەر ﷺ دبێژت: یێ هەردوو نڤێژێن "البردین" بکەت دێ چیتە بەحەشتێ . البردین: نڤێژا سپێدێ و ئێڤاری.
 
③ خوسارەتیا رزگاربوونێ ژ ئاگری.

پێغەمبەر ﷺ دبێژت: ئەو ناچیتە د ئاگریدا یێ ژبەری روژهەلاتنێ و روژئاڤابونێ نڤێژێ بکەت.

④ چاڤدێری و پاراستنا خودێ ژ دەستدا .
پێغەمبەر ﷺ دبێژت: یێ نڤێژا سپێدێ بکەت ئەو یێ د بن چاڤدێری وپاراستنا خودێدا.

⑤ پاداشتێ رابوونا بشەڤ هەمیێ بو شەڤ نڤێژیێ ژدەستدا.
پێغەمبەر ﷺ دبێژت: هەر کەسێ نڤێژا عەیشا ب جماعەت بکەت، دێ خێرا نیڤ شەڤێ گەهیتێ، وهەر کەسێ نڤێژا عەیشا و سپێدێ ب جماعەت بکەت دێ خێرا شەڤەکا تمام گەهیتێ.

⑥ چاڤپێکەفتنا مەلائیکەتا ژدەستدا و ناڤێ وی د سجلا وان ناهێتە نڤێسین.
 پێغەمبەر ﷺ دبێژت: مەلائیکەت ب دویڤ ئێکدا دهێن ب شەڤ و رۆژ و لنڤێژێن سپێدێ و ئێڤاری دگەهنە ئێک، پاشی ئەوێن بشەڤ ماین لنک وە بلند دبن، دێ خودێ پرسیارێ ژوان کەت وئەو چێتر دزانیت، وە عەبدێت من چاوا دیتن،دێ بێژن: مە ئەو هێلان وئەوان نڤێژدکرن ، ودەمێ ئەم چوین ژی وان نڤێژ دکر. 

⑦ دێ روناهی و گەشاتیێ ژدەستدەت ل روژا قیامەتێ.
پێغەمبەر ﷺ دبێژت: مزگینیێ بدەنە وان یێن ل تاریاتیێ دچنە مزگەفتا ب روناهیەکا تمام ل روژا قیامەتێ.

⑧ ژ دەستدانا ئەجرو پاداشتێ هندی دنیایێ و ئەو تشتێ تێدا ژگەنجینە و مالێ دنیایێ.
پێغەمبەر ﷺ دبێژت: هەر دوو رکاعەتێن سپێدێ ب خێرترن ژ دونیایێ وهەر تشتەکێ تێدا.
ئانکۆ سونەتا سپێدێ ئەوا ژبەری نڤێژێ دهێتە؟کرن، ڤێجا ئەڤە پاداشتێ سوننەتێ یە ، پا دێ پاداشتێ نڤێژێ بخۆ چەند بیت؟

⑨ ژ دەستدانا خێرێ وبەڕەکەتێ ، پاداشتی و چاکیا.
پێغەمبەر ﷺ دبێژت: هەکە خەلکی زانیبا کا چەند خێر د نڤێژا عەیشا و نڤێژا سپێدێ دایە دا هێنە وان نڤێژا خۆ هەکە لسەر زکی هاتبان