ئه‌گه‌ر ئه‌مرێ خودێ كن فيكون ـه .. بوچى مه‌لائيكه‌ت چێكرينه؟
ئه‌گه‌ر ئه‌مرێ خودێ كن فيكون ـه .. بوچى مه‌لائيكه‌ت چێكرينه؟
.
كه‌سه‌كى ئه‌ڤ ڕه‌خنه گرتبو و دگوت ئه‌گه‌ر خودێ ( كن فيكون )ـه چ پێتڤى ب مه‌لائيكه‌تا هه‌يه و بوچى چێكرينه؟
به‌رسڤ :
مه‌به‌ستا ڤى كه‌سى ئه‌وه ماده‌م خودێ دشێت گه‌له‌ك كارا بكه‌ت بوچى ب مه‌لائيكه‌تا دده‌ته كرن ... ئه‌ڤ كه‌سێ هه‌نێ دڤيا ڤێ چه‌ندێ بزانيت كو گومان دوێ چه‌ندێ دا نينه كو ئه‌مرێ خودێ ( كن فيكون )ـه ئانكو دبێژيته هه‌ر تشته‌كى ببه دبيت و هه‌روسا پێتڤى ب چ مه‌خلوقا نينه ( مه‌لائكه‌ت و جن و مروڤ و گيانه‌وه‌ر .. الخ ) ، ئه‌و مه‌خلوقه پێتڤى بخودێنه ، هه‌ورسا خودێ ئه‌ڤ جيهانه يا چێكرى بره‌نگه‌كى كو هه‌ر تشته‌كى ئه‌گه‌رێن خو ( سه‌به‌بێن خو ) هه‌بن و ئه‌رك و كارێن خو هه‌بن و چ تشت ببێ ئه‌گه‌ر چێنه‌بن و هه‌ر مه‌خلوق تێدا پێتڤى بئێكودوبيت و ئه‌و هه‌مى پێتڤى بخودێ بن له‌ورا خودێ مه‌لائيكه‌ت يێن چێكرين داكو به‌شه‌ك بن ژ سيسته‌مێ ڤێ جيهانێ و بو جيهانێ چێكرينه نه‌كو بوخو چێكرينه داكو هاريكاريا خودێ بكه‌ن!
هه‌روسا خودێ دوو ئه‌مرا دكه‌ت ( قه‌ده‌رى و شه‌رعى ) په‌يڤا (كن) ئه‌مره‌كێ قه‌ده‌رى يه و ئه‌گه‌ر بو هه‌ر تشته‌كى خودێ به‌س ئه‌ڤ ئه‌مره كربا هنگى دا مه‌خلوقێن جيهانێ هه‌مى دبێ ده‌سهه‌لات بن ئانكو دا دمه‌جبور بن هه‌مى كارا بكه‌ن و ئازاد نه دبون د كريارێن خودا و دونيا نه دبو جهێ تاقيكرنێ .. له‌ورا لده‌مێ تاقيكرن هه‌بيت خو دێ ئه‌مره‌كێ ( شه‌رعى ) لوان كه‌ت كو دوو شيان هه‌بن شيانا كرنا وى كارى و نه‌كرنا وى و هنگى ده‌مێ ئه‌و وى كارى بكه‌ن يێ خودێ ئه‌مر پێ وه‌رگرن دێ جزايێ خو وه‌رگن و ئه‌گه‌ر نه‌كه‌ن دێ سزاى وه‌رگرن.. مه‌لائيكه‌ت ژى وه‌كى هه‌ر مه‌خلوقه‌كێ دى ئه‌مرێ خودێ جێبه‌جێ دكن چونكى نێزيكن ژ خودێ له‌ورا وانا باوه‌ريه‌كا ته‌مام بخودێ هه‌يه و كارێن تايبه‌ت بخو هه‌نه ئه‌مرێ خودێ جێبه‌جێ دكه‌ن (لا يعصون الله ما أمرهم ويفعلون ما يؤمرون) .
.
له‌ورا كارێن مه‌لائيكه‌تا ئه‌ڤ چه‌نده‌نه :
1- ددونيايێ دا پاراستنا مروڤان ژ جن و شه‌يتانان ، ئانكو دا ته‌وازنه‌ك بكه‌ڤيته دناڤبه‌را ڤان هه‌ردوو جيهانان دا و جن و شه‌يتان نه‌شێن لسه‌ر مروڤا زال ببن (وإن عليكم لحافظين)
2- شاهدن لسه‌ر كارێن مروڤا (ما يلفظ من قول إلا لديه رقيب عتيد (
3- برێڤه‌برنا هنده‌ك كاروبارێن كه‌ونى ( كێشانا رحێ ، نيڤيسنا قه‌ده‌رێ ب ئه‌مرێ خودێ .... )
4- وه‌كو رامان ژى بو په‌يڤا مه‌لائيكه‌ت كو ( قاصد)ن دناڤبه‌را ئه‌ردى و ئه‌سمانى ، و په‌ياما خودێ دگه‌هيننه مروڤان چونكى ئێك ژ جورێن تاقيكرنێ هنارتنا قاصدا يه ، به‌لێ بو زانين هنده‌ك جارا وه‌حى بره‌نگه‌كێ راسته‌راست دگه‌هيته پێغه‌مبه‌ران (وناديناه من جانب الطور الايمن )
5- عيباده‌تكرنا خودێ بره‌نگه‌كى كو چ مروڤان شيانێن ڤێ چه‌ندێ نه‌بن داكو مروڤ بزانن خودێ چ پێتڤى ب عيباده‌تێ مروڤان نينه و ئه‌گه‌ر ئه‌و چه‌ند عيباده‌تى ژى بكه‌ن هنده‌ك مه‌خلوقێن ديتر ژى هه‌نه ژوان زێده‌تر عيباده‌تى دكن .
6- هنده‌ك مه‌لائيكه‌ت هه‌بونا وانا هێمانه لسه‌ر مه‌زناهيا خودێ وه‌كى وان ئه‌وێن كو عه‌رشى هلدگرن و ئه‌وێن لبه‌ر جه‌هنه‌مێ ..الخ
بكورتى ئه‌ڤه چه‌ند ئه‌گه‌ره‌ك بن و گه‌له‌ك ئه‌گه‌رێن ديتر ژى هه‌بنه به‌لێ بكورتى بومه دياردبيت كو هه‌بونا وانا رامانا وێ چه‌ندێ ناده‌ت كو خودێ پێتڤى بوانا هه‌يه.
هه‌روسا خودێ ( كن فيكون) بو وان تشتا بكاردئينت ئه‌وێن جێواز ژ سيسته‌مێ دونيايێ و مروڤى شيانێن ته‌فسيركرنا وێ نه‌ى:
1- چێكرنا كه‌ونى ژ نه‌بونێ ئێكه ژوان تشتا يێن بك ( كن فيكون) چێبوين (بديع السماوات والأرض وإذا قضى أمرا فإنما يقول له كن فيكون) ، هه‌تا نوكه ژى زانستى نه شيايه ته‌فسيره‌كا دروست بو ببينت و حه‌قيقه‌تا وێ بزانت و ڤێ چه‌ندێ بێدين ژى بده‌نگ كرينه.
2- خه‌لقكرنا ئاده‌م و عيساى عليه السلام بێ باب و بتنێ ژ ده‌يكێ (إن مثل عيسى عند الله كمثل آدم خلقه من تراب ثم قال له كن فيكون ) ، تێبينى : لده‌سپێكێ ئاده‌مى سه‌به‌ب هه‌بو ئانكو ژ ئاخێ چێبو و عيسا ژ نه‌فخێ ، به‌لێ ئه‌وا بێ سه‌به‌ب ئه‌وه چه‌وا رح هاتيه له‌شێ وان كو ديسان زانستى نه‌شيايه ته‌فسير بكه‌ت چه‌وا ماده زيندى بويه!
3- قه‌ده‌ركرنا ده‌مێ مرن و زينديبونێ (هو الذي يحيي ويميت فإذا قضى أمرا فإنما يقول له كن فيكون ) ، تێبينى: ئه‌گه‌ر كه‌سه‌ك كه‌سكى بكوژت ژى ئه‌و ده‌مه قه‌ده‌ركريه.
نه بتنێ خودێ پێتڤى ب مه‌لائيكه‌تا نينه خودێ پێتڤى ب چ خودايێن ديتر ژى نينه هه‌بن له‌ورا ده‌مێ فه‌لا گوتى خودێ كور يێ هه‌ى خودێ گوت ( ما كان لله أن يتخذ من ولد سبحانه إذا قضى أمرا فإنما يقول له كن فيكون ).
والله ولي التوفيق
عربة الشراء