بوچى مروڤێن كێم ئه‌ندام هه‌نه‌ ماده‌م خودێ گوتيه‌ (لقد خلقنا الإنسان في أحسن تقويم ) ؟
.
به‌رسڤ: 
ئه‌ڤێ ئايه‌تا پيروز لده‌ف ئه‌هلێ ته‌فسيرێ سێ رامان هه‌نه‌ و هه‌رسێ رامان ژى دراست و دروستن وچ ئاريشه‌ تێدا نينن بتايبه‌تى رامانا ئێكێ ژ هه‌ميان بهێتزتره‌ :
1- ئه‌گه‌ر ئه‌م ڤێ ئايه‌تێ بئايه‌تێن پشتى وێ ڤه‌ گرێبده‌ين مه‌به‌ست بـ(احسن تقويم) ئه‌وه‌ كو مروڤ يێ لسه‌ر فطره‌تێ ژدايك بوى به‌لێ پشتى كو دچيته‌ ددنياێ دا ژ رێيا ڕاست ديردكه‌ڤن و خو ژ هه‌ژى جه‌هنه‌مێ دكن (ثم رددناه أسفل سافلين ) بتنێ ئه‌و نه‌بن يێن كو ددنيايێ دا باوه‌ريێ دئينن و كارێن چاك دكه‌ن (إلا الذين آمنوا وعملوا الصالحات فلهم أجر غير ممنون).
گه‌له‌ك به‌لگه‌ لسه‌ر ڤێ ڕامانێ هه‌نه‌ : خودێ تعالا دبێژيت : (فطرة الله التي فطر الناس عليها) هه‌روسا پێغه‌مبه‌ر صلى الله عليه وسلم : " كل مولود يولد على الفطرة فأبواه يهودانه أو ينصرانه أو يمجسانه"
2- (احسن تقويم) مه‌به‌ست پێ ئه‌وه‌ مروڤ وه‌كو جور نه‌وه‌ك تاك بجوانترين شێوه‌ يێ هاتيه‌ چيكرن ئانكو جورێ وى ( مروڤ ) ژ هه‌مى مه‌خلوقاتێنت دى گونجايتره‌ بو ڤى ئه‌ردى كو دشێت خو پێش بئێخت و عه‌ردى ئاڤا بكت و زال ببت لسه‌ر هه‌ر مه‌خلوقه‌كێ ديتر به‌لێ پشتى ڤێ هێزێ دێ لدوماهيێ هه‌ر چيته‌ جه‌هنه‌مێ ئه‌گه‌ر باوه‌ريێ نه‌ئينت (ثم رددناه أسفل سافلين إلا الذين آمنوا وعملوا الصالحات فلهم أجر غير ممنون). به‌لگه‌ لسه‌ر ڤێ چه‌ندێ ئه‌ڤ ئايه‌ته‌ يه‌ : (وصوركم فأحسن صوركم ) 
لسه‌ر ڤێ ڕامانێ گه‌له‌ك ژ دوژمنێن ئيسلامێ ره‌خنێ دگرن دبێژن ماده‌م ب ئه‌حسه‌ن شێوه‌ يه‌ بوچى كه‌سێن په‌ككه‌فتى و مه‌نغولى چێدبن ! 
به‌رسڤ ژى ئه‌وه‌ كو :
ئێك : به‌حسا جورێ مروڤى يه‌ بگشتى نه‌كو تاك تاكێن ڤى مروڤى له‌ورا ده‌مێ تاكه‌كى كێماسى هه‌بن هه‌ر د ئه‌سل دا جنسێ مروڤى ژ گيانه‌وه‌رێن ديتر چێتره‌.
دوو : هه‌بونا كه‌سێن په‌ككه‌فتى ژ ئه‌گه‌رێ وێ ژينگه‌هێ يه‌ ئه‌وا كو مروڤ تێدا دژيت هه‌روسا ئه‌گه‌ر ئه‌و ده‌يك و بابه‌نه‌ ئه‌گه‌ر ساخله‌ميا خو نه‌پارێزن ، ئانكو دئه‌سل دا ئه‌و كه‌سه‌ بخو ژى يێ درسته‌ ئه‌گه‌ر دوێ ژينگه‌هێ دا نه‌با.
سێ : لديڤ ڤێ ئايه‌تێ (وصوركم فأحسن صوركم ) مه‌به‌ست پێ چيكرنا ئاده‌م عليه السلام يه‌ كو ئێكه‌م مروڤه‌ و ئه‌ڤ مروڤه‌ نيشانا مروڤێ كامله‌ كو خودێ بده‌ستێن خو ئه‌و چێكريه‌ ب باشترين شێوه‌.
.
3- (احسن تقويم) مه‌به‌ست پێ سونه‌تا ژيانا مروڤى يه‌ كو لده‌سپێكێ جحه‌لكێ بهێزه‌ و پشتى هينگێ پير و بێ چاره‌ دبيت (ثم رددناه أسفل سافلين ).
والله ولي التوفيق