خوبه‌يب كورێ عه‌ديێ ئه‌نصارى
خوبه‌يب كورێ عه‌ديێ ئه‌نصارى
ژيانا وى:
خوبه‌يب كورێ عه‌ديێ ئه‌نصارى – خودێ ژێ رازى بيت – ئه‌و كه‌سه بو يێ روحا خو فيدايێ ئيسلامێ و بو پێغه‌مبه‌رى ﷺ كرى ، به‌شدارى دشه‌رێ به‌درێدا كريه و لسه‌رده‌مێ پێغه‌مبه‌رى ﷺ شه‌هيدبويه بسه‌ربلندى و چاڤه‌كێ بێ ترس و بێ خو شكاندن.
شه‌هيدبونا وى :
پێغه‌مبه‌رى ﷺ سه‌رييه فرێدكرنه ده‌وربه‌رێت مه‌دينى داكو ئاگه‌دارى ده‌وروبه‌رێت خو بن ئه‌گه‌ر هه‌ر تشته‌ك رويبده‌ت. خوبه‌يب دگه‌ل نه‌هـ كه‌سان لسه‌ريه‌كێ بون ، سه‌د موشركا ژ بنه‌مالا له‌حيانى سه‌روادا گرت ، گوتنه وانا مه به‌ختێ خو دا هه‌وه وه‌رن ئه‌م وه ناكوژن ، ئه‌سحابه‌يا باوه‌ر ژوان نه‌كر چونكى دزانين موشرك دبێ به‌ختن ، حه‌فت ئه‌سحابى شه‌هيدكرن ، خوبه‌يب دگه‌ل دووێن دى به‌ختێ خو دا وانا ، به‌لێ وانا بێ به‌ختى كر و ئه‌و ئێخسيركرن و برنه مه‌كه‌هێ، لورێ ئه‌و خوبه‌يب فروت دانه ده‌ستێ بنه‌مالا حارثى ، بنه‌مالا حارثى خوبه‌يب كربو خويندارێ خو چونكى حارثێ موشرك دشه‌رێ به‌درێ دا هاتبو كوشتن.
ده‌مه‌كى ما ئێخسير لمالا وان هه‌تا كو كومبوين لسه‌ر كوشتنا وى، ئه‌و ژ حه‌ره‌مى ده‌رێخستن و برن ، گوته وان : بهێلين ئه‌ز دوو ركعه‌تا سونه‌ته‌كێ بكه‌م. ئه‌و سونه‌ته ئێكه‌م سونه‌ت بو د ئيسلامێ دا كه‌سێ شه‌هيد به‌رى كوشتنا خو بكه‌ت.
و گوته وانا : من دڤيا نڤێژا خو درێژكه‌م ، به‌س هين دا هزركه‌ن ژترسێت مرنێ من درێژكريه.
عوقبه‌يێ كورێ حارثى ئه‌و لخاچێدا ( ئانكو ئه‌و هه‌لاويست بگاريته‌كيڤه ) ، پارچه پارچه گوشت ژله‌شێ وى ڤه‌دكرن ، گوتنێ : تو حه‌زدكه‌ى موحه‌مه‌د لجهێ ته‌با ، گوت: نه بخودێ ئه‌ز حه‌زناكه‌م لجهێ من پێل ستريه‌كێ ژى كربا. وانا ژ دل ره‌قيا خو پێكرنه كه‌نى و ده‌ست بشه‌هيدكران وى كرن ، عوقبه نه گه‌له‌كێ مه‌زن بو موشركه‌كى رم دا ده‌ستێ وى ولته‌نشتا خوبه‌يبى دا خوبه‌يب شه‌هيد بو .
ژ سه‌رهاتيێن وى:
ژ دلوڤانى و دلپاقژيا خوبه‌يبى ، ده‌مێ ئێخسير دمالا واندا و داكو نه ره‌ڤت هه‌رده‌م چاڤێ وان لێبو ، خوبه‌يبى گوته ژنكا عوقبه‌ى موسه‌يه‌كێ بو من بينه داكو خو پاقژ بكه‌م به‌رى بئێمه كوشتن – موسه ئاميره‌كێ تيژه بو تراشينێ بكاردئينن- ، ژنكێ بچيكه‌ك فرێكر موسێ بو ببه‌ت، ره‌حما خوبه‌يبى چو ڤى بچيكى موسه ژێ وه‌رگرت و ئينا ده‌ف خو ، ژنكا عوقبه‌ى ترسيا هزرا خو كر گوت من بچيك فرێكر ئه‌و دێ بچيكى كوژت! بله‌ز چو مال ده‌مێ بژور كه‌فتى ديت موسه يا لده‌ف و بچيك يێ دانايه سه‌رپێخو ، خوبه‌يبێ گوتێ: ئه‌رێ تو دترسى ئه‌ز وى بكوژم؟ نه‌ترسه إن شاء الله ئه‌ز چجا وه‌ناكه‌م .
و بسوحبه‌تڤه دگوتێ: نوكه ئه‌ز دشێمه وه . گوت: ئه‌ز ڤێ هزرێ ژته ناكه‌م. خوبه‌يبى موسه دانا و گوتێ: من سوحبه‌ت دكرن.
له‌وا وێ ژنێ هه‌رده‌م دگوت: چ ئێخسير من وه‌كى خوبه‌يبى باش نه‌ديتبون، من ديت ترى دده‌ڤيدا بو دخار و لمه‌كه‌هێ چ ره‌زێن ترى نه‌ى ! و ئه‌و يێ گرێداى بئاسنه‌كيڤه، رزقه‌ك بو خودێ بو وى فرێكرى.
ژ گوتنێت وى :
ئه‌ز موسلمانم ، بو من نه‌خه‌مه لسه‌ر كيژ ته‌نشتێ من لرێيا خودێ بكوژن.
فلست أبالي حين أقتل مسلما ... على أي جنب كان في الله مصرعي
دوعايا وى لوان موشركێت زالم : يا خودێ تو به‌ركه‌تێ ژناف وان راكه‌ى و وانا بكوژى و كتێ ژوان نه‌هێلى.
" اللهم أحصهم عددا، واقتلهم بددا، ولا تبق منهم أحدا "
ژێده‌ر:
الاستيعاب في معرفة الاصحاب – أبو عمر القرطبي
سير السلف الصالحين – إسماعيل الاصبهاني
معجم الصحابة – أبو القاسم البغوي
البداية والنهاية – ابن كثير
—---------- نڤيسين: —---------
📝 علي عبدالله هسنياني (#به‌تار)
:::: 14 رمضان 1439 كوچى ::::
عربة الشراء