دبێژن محمدى ﷺ بيكا خو ماركريه؟
دبێژن محمدى ﷺ بيكا خو ماركريه؟
.
ئێك ژوان شوبهێن كو هه‌رده‌م لسه‌ر ده‌ڤێ دوژمنێت ئيسلامێ يه بتايبه‌تى مولحدا ، دبێژن موحه‌مه‌دى ﷺ بيكا خو ماركريه!! هه‌كه تو بێژيه ڤا كه‌سا ژنكا كيژ كورێ خو ئينايه ؟ دێ بێده‌نگ بيت و بابه‌تى گهورت!
چونكى براستى ژى موحه‌مه‌دى ﷺ چ بويك نه‌بون و چ كورێن مه‌زن ژى نه‌بون بتنێ قاسم و عبدالله و ابراهيم بون ئه‌وژى ببچيكاتى مرن.
له‌وا خودێ دبێژيت : مَا كَانَ مُحَمَّدٌ أَبَا أَحَدٍ مِنْ رِجَالِكُمْ (الأحزاب :٤٠)
ئه‌وێ ئه‌و دبێژن كورێ موحه‌مه‌دى يه ( زه‌يدێ كورێ حارثى ) يه !
ئه‌ڤ كه‌سه عه‌بد بو پێغه‌مبه‌رى ﷺ ئه‌و ئازادكر و دناڤ مالا خودا خودانكر و ده‌مێ بنه‌مالا وى ژى هاتين وى بزڤرينن ئه‌و رازى نه‌بو و ڤيا بمينيته لده‌ف پێغه‌مبه‌رى ﷺ.
له‌وا ژبه‌ر ڤێ چه‌ندێ خه‌لكى دگوتێ زه‌يدێ كورێ موحه‌مه‌دى!
به‌لێ پشتى ئيسلام هاتى ، د ئيسلامه‌تيێ دا دروست نينه كه‌سه‌كى بكه‌نه كورێ كه‌سه‌كێ دى! چونكى گه‌له‌ك زيانێن خو هه‌نه ئێك ژوانا تێكچونا نه‌سه‌بى يه.
د قورئانا پيروز دا هاتيه: ادْعُوهُمْ لِآبَائِهِمْ هُوَ أَقْسَطُ عِنْدَ اللَّهِ ۚ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ (الأحزاب :٥)
ئانكو: ناڤێ بابێ وانا بئينن باشتره لده‌ف خودێ، ئه‌گه‌ر وه نه‌زانى بابێ وان كيه برايێن وه‌نه ددينى دا و دوستێن وه‌نه.
له‌وا خه‌لكى ئێدى ناڤێ بابێ زه‌يدێ يێ بدروستى ئينا كو زه‌يدێ كورێ حارثه‌ى يه و خو ئه‌گه‌ر نه‌زانيبا ژى كيه چێنه‌دبو گوتبانێ كورێ موحه‌مه‌دى و له‌وما دگوتنێ خوشتڤيێ موحه‌مه‌دى .
پشتى ڤێ چه‌ندێ پشتى كو زه‌يدێ زه‌ينه‌ب بوخو ئيناى و پێك نه‌كرين و پاشى به‌رداى ، پێغه‌مبه‌رى ﷺ زه‌ينه‌ب بوخو ئينا !
له‌وا ئه‌و خه‌لكێ كو لديڤ كه‌لتورێ جاهلى دچون گوتن موحه‌مه‌دى بويكا خو ماركر ! و يا دياره كو مولحد و ديڤه‌لانكێن وانا ژى كه‌سێن جاهلن و لديڤ كه‌لتورێ جاهلى و عه‌قليه‌تا وانا دچن له‌وا ڤان شوبهێت لاواز دئينن هه‌روسا چونكى وانا ئه‌ڤ چه‌نده بكێم ئاقليا خو ژ سايتێن فه‌له و مولحدێن عه‌ره‌با وه‌رگرتيه كرينه كوردى و ئه‌و بخو ژى نزانن كا ئه‌ڤ چه‌نده راسته يان نه ، له‌ورا ئه‌ڤ گومانێن هوسا نيشانا ئيفلاس و جاهليا وانا يه.
و وه‌كى هه‌رجار دبێژم ئه‌گه‌ر هه‌ركه‌سه‌كى بجاهليا خو ره‌خنه لڤى بابه‌تى گرتبا دروست بو به‌لێ مولحدى ئه‌و مافه نينه چونكى د ئيلحادێ دا تشته‌ك نينه بناڤێ مه‌حره‌م و حه‌راميا بويكێ لسه‌ر خه‌زيرى! و كه‌سێن مولحد تشتێن خرابتر دكه‌ن و د ئيلحادێ دا زه‌واجا خه‌زيرى دگه‌ل بويكێ ئازاديه و كاره‌كێ دروسته و ئه‌ڤ كاره بتنێ لده‌ف مولحدێت كورد و عه‌ره‌ب نه‌يێ دروسته چونكى وانا هێشتا ئيسلامه‌تى دروستى نه هێلايه و ئه‌گه‌ر ئه‌و ڤى تشتى لده‌ف مولحده‌كێ غه‌ربى به‌حس بكه‌ن دێ ياريێ خو بعه‌قلێ وانا كه‌ت چونكى لده‌ف مولحدێ غه‌ربى ئه‌ڤ كاره يێ دروسته چونكه ئه‌و بديتنه‌كا مادى و ئيلحادى به‌رێخو دده‌ته ڤى بابه‌تى نه‌وه‌ك مولحدێ كورد و عه‌ره‌ب ب ديتنه‌كا ئاينى! بو زانين: لوه‌لاتێن عه‌لمانى ياساييه ئه‌گه‌ر خه‌زيره‌ك بويكا خو ماربكه‌ت پشتى كو دئێته به‌ردان .
------------ نڤيسين: -----------
📝 علي عبدالله هسنياني (#به‌تار)
:::: 3 شوال 1439 كوچى ::::
عربة الشراء