بوچى ناڤێ وێ د قورئانێ دا نه‌هاتيه ؟ بو نمونه: به‌فر
بوچى ناڤێ وێ د قورئانێ دا نه‌هاتيه ؟ بو نمونه: به‌فر
ئێك ژ گومانێن هه‌ره به‌ربه‌لاڤ يێن مولحدا ئه‌وه دبێژن ناڤێ گيانه‌وه‌ره‌كى يان فێقيه‌كانى يان تشته‌كێ سه‌ير بێژن و دێ بێن بوچى د قورئانێ دا نه‌هاتيه ! ماده‌م نه هاتيه مه‌عنا وێ ئه‌وه موحه‌مه‌دى يا نڤيسى.
.
به‌رسڤ:
كه‌سێ مولحد بكورتى لده‌ف وى خودێ نينه و ماده‌م خودێ نينه هنگى بره‌نگه‌كێ ئوتوماتيكى دڤێت لده‌ف وان موحه‌مه‌دى ﷺ نڤيسيبت ، و هه‌ر كتێبه‌كا ديتر ژى هاتبته نڤيسين هه‌ر مروڤا يا نڤيسى، له‌ورا ئه‌ڤ گومانه دئه‌سل دا يا فه‌لا يه مولحدا بوخو دزيه.
به‌لێ يا ڕاست و ژ ده‌رڤه‌ى خه‌يالێت وان ئه‌وه كو خودێ قورئانا پيروز يا بو مه‌ره‌مه‌كێ هنارتى ئه‌وژى ته‌وحيد و شه‌ريعه‌ته ، لده‌مێ به‌حسا هنده‌ك گيانه‌وه‌ر و فێقى و جهـا هاتبيت كرن بتنێ بو رونكرن و گه‌هاندنا ڤێ په‌يامێ يه نه‌كو هايه ناڤێن تشتا عه‌رز بكه‌ت!
وَمَا أَنْزَلْنَا عَلَيْكَ الْكِتَابَ إِلَّا لِتُبَيِّنَ لَهُمُ الَّذِي اخْتَلَفُوا فِيهِ ۙ وَهُدًى وَرَحْمَةً لِقَوْمٍ يُؤْمِنُونَ (النحل :٦٤)
إِنَّا أَنْزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّهُ ۚ وَلَا تَكُنْ لِلْخَائِنِينَ خَصِيمًا (النساء :١٠٥)
.
بو زانين ناڤێن گه‌له‌ك گيانه‌وه‌ر و فێقى و خارن و جهێن جه‌زيرا عه‌ره‌بى بخو ژى نه هاتيه كرن !
له‌وا نه‌هاتنا ناڤێن گه‌له‌ك تشتا تشته‌كه نابيته جهێ ڕه‌خنێ چونكى قورئان په‌يامه ، نه مه‌وسوعا ناڤێن تشتا يه.
ژ نمونێن وانا:
دبێژن چونكى ل جه‌زيرا عه‌ره‌بى به‌فر نه‌بو پێغه‌مبه‌رى نه‌دزانى به‌فر چيه له‌وا دقورئانێ دا به‌خس نه‌كريه؟
پێغه‌مبه‌رى ﷺ بەفر ديتيه و خه‌لكێ وێ ده‌ڤه‌رێ هه‌ميێ دزانى چيه وه‌كى د حه‌ديسێ دا هاتى هه‌مى ده‌ما لده‌سپێكا هه‌ر نڤێژه‌كێ دگوت : اللهم اغسل خطاياي بماء الثلج والبرد. (متفق عليه)
ئانكو: يا خودێ تو گونه‌هێت من بشوى ب ئاڤا به‌فر و گژلوكێ
هه‌روسا د حه‌ديسا : إن حوضى أبعد من أيلة من عدن لهو أشد بياضا من الثلج. (رواه مسلم)
و هه‌روسا: نزل الحجر الأسود من الجنة أشد بياضا من الثلج فسودته خطايا بني آدم (سلسلة الصحيحه 2618)
له‌وا ئه‌گه‌ر قورئان په‌رتوكا ناڤێت تشتا با دا ناڤێ ڤان تشتا ژى نڤيست و دا ناڤێ به‌فرێ ژى نڤيست به‌لێ چنكى قورئانا پيروز نه ئاخفتنا پيغه‌مبه‌رى ﷺ يه و نه په‌رتوكا ناڤێن تشتا يه! ناڤێن وان تشتا نه‌هاتيه خو ئه‌وێن پێغه‌مبه‌رى ﷺ دزانى ژى.
------------ نڤيسين: -----------
📝 علي عبدالله هسنياني
:::: 9 شوال 1439 كوچى ::::
عربة الشراء