1. ئیخلاصا د ئنیەتێ دا، ب هندێ کۆ تۆ خۆ فێری زانینێ بکەی ژبەر خودێ، دا کۆ نەزانین لسەرتە و ئومەتا تە رابیت.

2. تۆ نەفسا خۆ سەربەردای نەکەی د ڤیانا ناڤودەنگیێ و خو دەرئێخستنێ دا.

3. خۆ خەملاندن ب ئادابێت داخازکەرێت زانینێ (وەک بێ دەنگیێ، وروینشتنێ، وپرسیارکرنا جوان) چنکی بەرەکەتا علمی دگەل ئەدەبی جێگیر دبیت، ونامینیت ب کێمێبوون و نەمانا وێ وێ.

4. تەدەروجێ (پلە پلە) بکە د داخازکرنا زانینێدا، دەست پێ بکەت ب یێت ساناهی وگرنگ.. پاشی بسەرکەڤە.

5. گرنگیدان وپارێزگاریکرن لسەر دەرسا ل حەلەقێن علمی، وصەبرکێشان لسەر ڤێ چەندێ، چنکی ئاتافا علمی: نە پارێزگاریکرن ونە بەردەوامیە .

6. بیرئینان دگەل هەڤالا، وئەڤە رێکەکە بو جێگیرکرنا زانینێ ، ودرست تێگەهشتنێ.

7. پویتەپێنەدانا ب ئاخفتنێت هەڤالا لسەر هەڤالا، بلا دلێ تە پاقژ بیت بەرامبەر هەمیا ، هندی نە بیدعەکا ئاشکرا بت کۆ تە بەلگەکێ دیار وئاشکرا پێ هەبت.

8. خۆشکاندن دگەل هەڤالا د داخازکرنا زانینێدا، وخو مەزن نەکرن ل سەر وان ، وبتایبەت یێن تێگەهشنتنا وان کێم ، چنکی تێگەهشتن و ژیری نە ژکارێ مروڤیە.

9. وەرگرتن ژ هەڤالا، چنکی وەرگرتنا مفای نە بتنێ ل نک زانایێت مەزن هەیە، خۆ هەکە تو چ مفای نەوەرگری ژی ، بتنێ روینشتنا تە دگەل هەڤکویفێن تە شکاندنا نەفسێ تێدا بیت، ئەڤە بەسە!

10.  لێگەریان ودیڤچۆنا یێ ژ هەمیا زاناتر وژخودێ ترستر ژ خەلکێ باژێرێ وی ، وداخازکرنا زانینێ ل نک وی.

11.ژ هەر زانستەکێ بنەما و ئەساسیاتێن وێ وەرگرت، پاشی ب بەرفرەهی دناڤ تایبەتمەندیا خودا بچیت یا کۆ ئەو خو تێدا دبینت.

12. گەشتکرن بۆ داخازکرنا زانینێ، خو هەکە ب دویراتیێن کێم ژی بیت، چنکی خۆ وەستاندن د قەستکرنا زانینێدا پتر زانینێ جێگیر و مۆکم دکەت.

13. نڤێسینا وان مفایێن ژ دەڤێ شێخی دەردکەڤن، ونەکرنا پشتبەستنێ لسەر بیردانکی بتنێ.

14. بەردەوام کەل و پەلێن تە یێن زانینێ دگەل تە بن و حازربن(قەلەم ، و وەرەقە ..هتد)خۆ هەکە چ دەرسێت علمی نە بن ژی، ئەڤە ژی بۆ نڤێسینا وان مفایێن د هێنە سەر هزرا تە یان تۆ گۆهـ لێ دبی ژ غەیری خۆ (یان نڤێسینا وان پرسیارێن بوتە دهێن) 

گەلی هەڤالا ل نک خو ژی بەلاڤ بکەن
چنکی تشتەک نینە بخێرتربیت ژ بەڵاڤکرنا زانینێ وەک ئبن موبارەك دبێژت( ئەز نزانم پشتی پێغەمبەراتیێ پلەیەك هەبت باشتر بت ژ بەلاڤکرنا علمی)

📚 تهذيب الكمال ١٦ / ٢٠

نڤێسین: د. أبو بكر شهال
وەرگێران: شیڤان شێخەمیری