دەهـ شیرەت بۆ وان کچێن هەست ب تنێ بوون وبێ تاقەتیێ دکەن:

د راستی دا گازندەیێن کچێ یێن بوینە گەلەک وشکایەتا حالێ خو دکەن وهندەک ژ وان هەست ب بەتالیێ وتنێ بونێ دکەن، وب ڤی ئەگەری خەمبار ودلتەنگ دبن و توشی خەلەتی گونەهان دبن و پشت دەنە مەسەلێن شەرعی. 

ئەڤ حالەتە ل دەف کچێ چەند ئەگەر وپالدەر ێن هەین، یاژ هەمییا گرنگتر نەبوونا هەست وگرنگییا خێزانێ یە، وهەروەسا داب ونەریتێن چڤاکی ئەوێن ب چاڤەکێ سلبی بەرێ خو دەنە کچێ، 
خێزان کو پێکدهێت ژ دایک وباب وبرا، بەرپرساتییەکا مەزن یا ل سەر ملێن وان دڤی حالەتی دا، ژبەر هندێ دڤێت گرنگیێ ب کچ وخوشکێن خو بدەن وپشت گوهنە ئێخین وهەست ب نەخوشی ونە رحەتییا وان بکەن وپێدڤیێت وان بۆ دابین بکەن  ئەوێن شەریعەتی رێ پێداین .
کچ یا هەستیارە حەژ گرنگی پێدانێ دکەت و چەند داخازیێت تایبەت یێت هەین وپێدڤی ب کەسەکێ یە دگەل دا بیت وهەست ب کێشەیێت وێ بکەت ، ئەڤ کارە ژی هند یێ ب زەحمەت وگران نینە بۆ خێزانێ، وپێدڤی ب دەمەکێ درێژ ژی نینە، بتنێ پێکدهێت ژ چەند گوتنێت کاریگەر وهزرێن جوان وشیرەتێن باش، وگەلەک جارا کچ پێدڤی ب هندێ هەیە هندەک کەس هەبن گوهێ خو بدەنە خەم وهەستێت وێ خو هەکە ب زمانێ چاڤی ولەشی ژی بیت،
یا گرنگ ئەڤەیە ل دوماهیێ ئەو کچە ژ دەست دەرنەچیت، هەست ب هندێ بکەت دناڤ خێزانێ دا هندەک کەس یێت هەین گوهێ خو دەنێ وگرنگیێ پێ دەن ،
ب راستی پشت گوهئێخستنا کچێ خەلەتییە وکاریگەرییەکا نەرێنی دێ ب سەر کچێ دا هێلیت، خرابتر ژڤێ ئیهانە کرنا وێ یە ونەدانا شی یە یان ژی بدەتە زەلامەکێ نە بدلێ وێ، ودەیک وباب دڤی بواری دا بەرپرساتییەکا مەزن یال سەر ملان، 
دەمێ کچ بهێتە پشت گوه هاڤێتن ودایک وباب گرنگیێ پێ نە دەن وئەو کچ دێ رابیت وێ بوشایێ تژی کەت ب هندەک پەیوەندیێت  نە شەرعی، وەختا باب یان برا خو نەکەتە هەڤال د گەل کچێ
هنگێ کچ بخو سەحدکەتە هەڤالەکی ژ دەرڤەی مال.

- چارەسەریا ڤێ کێشێ دێ دڤان خالان دە بەرچاڤ کەین: 

١. چ جار بێ هیڤی نەبە وبزانە ئەڤە تاقیکرنەکە(جەرباندنەکە) ژ دەف خودێ بۆ هندێ کا تو دێ یاب سەبر بی ودێ خول بەر گری یان ژی نە، ژبەر هندێ یاب سەبر بە وچاڤەرێ پاداشتی بە ژ دەف خودێ.

٢. ئەگەر تو یا بێ بەهری ژ هەڤالینیێ، بلا چاڤێ تە ل سەر وان نیعمەتا بیت یێت خودێ داینە تە کو تو یا ساخلەمی وجوانی وزیرەکی وچەندین سیفەتێن دی یێن ل دەف تە هەین، وچاڤێ تە نەمینتە ل سەر وی تشتێ تە نەبیتن وتە ژ دەست داین.

٣. هزرا باش ژ خودێ بکە وب چاڤێ بێ هیڤی بونێ نە سەحکە وان کێشەیان، بەلکو بخو سەربۆرا ژێ وەرگرە.

٤. پەیوەندییا خو ب هێز بکە دگەل خودێ، ئەو ژی ب گەلەک گوتنا زیکری وبیرئینانا خودێ وخواندنا قورئانێ ودوعا کرنێ، ودلێ خو تژی بکە ژ حەژێکرنا پێغەمبەرێ خودێ سلاڤ لێ بن و مرۆڤێت باش، داخازا هاریکاریێ ژ خودێ بکە وخو بهێلە ب هیڤیا خودێ ڤە.

٥. ئەڤە قەدەرەکە یا بۆتە هاتییە نڤێسین بۆ حیکمەتەکێ وواجبە ل سەر تە ب حیکمەتی سەرەدەریێ دگەل بکەی یان تو بخو چارەسەر بکە، ول چارەسەرییا وێ بگەرە.

٦. خو مژیل بکە ب تشتێت مفاڤە وخو فێری زانستێ شەرعی بکە وداهێنانا بکە وشیانێت خو تاقی بکە وهەول بدە دلخوشیێ بێخییە دلێ کەسێن دی، ئەڤە مەزنترین ئەگەرێ دلخوشی بۆنێ یە.

٧. گرنگیێ ب جوانییا دەروون وجەستەیێ خو بدە ل دەم وجهێت دروست، ورێزێ ل خو بگرە وهیڤی وئومێدیت ب مفا بخو چێکە وکار بۆ بکە دا بگەھیێ.

٨. یا گەشبین بە وب چاڤێ چارەسەریێ هەرە ژیانێ، وبزانە ئەڤ مەرحەلە دێ ل سەر تە دەرباز بیتن ل ڤان نێزیکان ب ئیزنا خودێ.

٩. هشیار بە وهەول نەدە ببیە پالدەر وهەڤالا کارێت نەشەرعی وپشت راست بە ئەو رێکە چەند دەستپێکا وێ یا جوان بیت دێ دوماهیکا وێ ب پەشێمانی وحەسرەت وخوزیا ب دوماهیک هێت ودویر نینە د وێ رێکێ دا ژناڤ بچی وسەربەردای ببی.

١٠. بلا تە پەیوندییەکا ب هێز هەبیت دگەل دەیک وباب وخوشک وبرا یێن خو دا چجارا هەست ب تنێ بوونێ نەکەی .

ئەگەر تە ئەڤ دەھ خالە بەرچاڤ وەرگرتن وکار پێ کر، پشت ب خودێ دێ کێشا تە چارەسەربیت ودێ دلخوش وئارام بی.

أسأل الله أن يفرج هم كل فتاة ويكشف كربها ويسعدها في الدارين ويحفظها من كل سوء.