ژیانناما ئیمامێ ئەبو حەنیفە (أبو حنیفة) خودێ ژێ رازی بیت

زانا و فەقیهێ ناڤدار و پێشەوایێ مەزهەبێ حەنەفی

ئیمامێ مەزن أبو حنیفە نعمان کۆرێ ثابتى كورێ مرزوبانێ کوفی
ل سالا ٨٠ کوچی بەرمبەر ٦٩٩ زاینی ل کوفە ل عیراقێ ژ دایك بوویە .

ئێکەم جار ل دەف ماموستایێ خو حەممادێ کورێ أبو سلیمان (خودێ ژێ رازی بیت )فێری فقهێ ببوو
و ژ ماموستایین وی ئەنەسێ کورێ مالکی و عطايێ کورێ رەباحی و ئیمامێ شەعبی  و عەمرو کوڕێ دیناری (خودێ ژ هەمیان  رازی بیت)
و ژ قوتابیێن وی یێت بناڤ و دەنگ ئەبو یوسفێ یەعقوب کورێ ئیبراهیم، محمدێ کورێ حەسەنێ شەیبانی، و زوفرێ کورێ هەذيلى كورێ قەیسی ( خودێ ژ هەمیان ڕازی بیت).

ئیمامێ شافعی ﴿خودێ ژێ ڕازی بیت﴾ دبێژیت: (چ کەس نینه دیف فێربوونا زانستێ فقهێ بگەڕیێت ئیلا دێ پێدڤی ب ئیمامێ أبو حنیفه بیت).

و هەروەسا ئیمامێ أحمد ﴿خودێ ژێ ڕازی بیت﴾ دبێژیت: ( أبو حنیفه ل علم و زوهدێ و وەرەعێ و نەڤیانا دونیایێ و هەلبژارتنا ئاخرەتێ ل پلەیا ئێکێ دهێت و کەس ناگەهیتێ.

ژ گوتێن وی دگوت: (حەڕامه لسەر هەر کەسەکێ نەزانیت بەڵگێ من چیه و فەتوایێ ب گوتنێت من بدەت) و هەروەسا 
دبێژیت :( ئەم مروڤین ئەڤروو دێ تشتەکی بێژین و دێ سپێدێ لێ پەشیمان بین)
و هەر ژ گوتێنێن ئیمامێ أبو حنیفه ﴿ خودێ ژێ ڕازی بیت﴾ دبێژیت: (بو چ کەسان دروست نینه گوتنەکێ  ژ مه وەرگریت و نەزانیت  کا مه ژ کێ وەرگرتیه)

ژ پەرتووکێن ئیمامێ رازیبوونا خودێ لێ بیت 
( العلم و التعلم ) ( الرد علی القدریة) (فقه الاکبر)

و ئیمام ﴿ خودێ ژێ ڕازی بیت﴾ ب زانستێ فقهێ یێ بەرنیاس بوو و خودان مەزهەبەکێ فقهی یێ مەزنه 

ل هەیڤا رەجەبێ یان شەعبانێ یان جەمادی الاول ، سالا ١٥٠ کوچی بەرامبەر ٧٦٧ زاینی ل بەغداد ل عیراقێ چویه بەردلوڤانیا خودێ

إمام الحرمين

① ناڤێ شێخێ ب تمامی دگەل ناسناڤ وکونیا وی ونەسەبا وی؟
 ئەبو مەعالی، عبدالملك ئبن ئیمام ئەبی موحەممەد عبدالله بن یوسف بن عبدالله بن یوسف بن موحەممەد بن حیویە جوەینی، نیسابوری.

②سالا ژدایک بوون و مرنێ ولکیڤە ژدایک بوویە؟
١٨ محرم  ٤١٩ مشەختی

③ بناڤ و دەنگترین شێخێت وی؟
الفوراني، ابو القاسم الاسفراييني، ابو محمد الجويني.

④ بناڤ و دەنگترین قوتابیێت وی؟
ئەبو عبدالله الفراوی، زاهر الشحامي، أحمد بن سهل المسجدي و هندەکێن دی ژ وی ریوایەت کرینە.
ابو حامد الغزالي، ابو بكر البيهقي.

⑤ پەسنا زانایا بۆ وی 
ابو سعد السمعانی د گوت: ابو المعالي ئیمامێ ئیمامان بوو، چاڤا یێن وەکی وی نەدیتینە.

⑥ژ گۆتنێت وی؟
ل دەمێ نەساخییا خودا د گوت: هوین شاهد بن ئەز ژ وان هەمی گوتنێن خو زڤریم یێن پێچەوانەی سوننەتێ، و ئەز دێ مرم ل سەر وێ یا کو دانعەمرێن نیسابور ل سەر مرین.

⑦ ناڤێ هندەک ژ پەرتوکێن وی 
 _الورقات.
_الارشاد في اصول الدین.
_البرهان في اصول الفقه.

⑧ ب چ زانستی یێ بناڤ و دەنگە؟
د فقهێ دا.

⑨ کەنگی و لکیڤە چوویە بەر دلوڤانیا خودێ؟
٢٥ ربیع الآخر ٤٧٨ مشەختی