کۆمەکا گۆتنێت زانایایە پشتی دەمەکێ درێژ وخزمەتەکا مەزن بو ئیسلامێ ومۆسلمانا ، دبێژن خوزی مە خۆ ب چ تشتی ڤە مژیل نەکربا ژ قورئانێ پێڤەتر ، بومە ژی دیار دبیت کۆ زانین ورەوشت هەمی یا دقوڕئانێدا، وهەر قورئانە ژ هەژی مروڤ ژیێ خۆ بۆ بمەزێخت بۆ خاندن و ژبەرکرن وتێگەهشتن و کارپێکرنا وێڤە.

 سفيان الثوري، دبێژت: " خوزی بتنێ من قورئان خاندبا ". 
                     
ابن تيمية: "وئەز پەشیمانم بو ژدەست دانا پتریا دەمێ خۆ ئەوێن نە رامان وتێگەهشتنا قورئانێدا چوی ". 
                      
سفيان بن عيينة: " ب خودێ هوین نا گەهنە گۆپیتکا ئیسلامێ هەتا تشتەک لنک هەوە خوشتڤیتر نەبت ژ خۆدێ، ڤێجا چیێ حەش قورئانێ بکەت بێ گۆمان ئەوی حەش خودێ کر، تێبگەهن یا بو هەوە دهێتە گوتنێ". 
                     
ابن مسعود: " هەکە وە زانین دڤێت قورئانێ بخوینن ،زانینا پێشی و پاشییا یا تێدا( الأولين والآخرين)". 
                       
أبو هريرة:"ئەو مالا قورئان قورئان تێدا دهێتە خاندن دێ فرەهـ بت بۆ ئەهلێ خو ودێ خێرا وێ زێدە بت ودێ مەلائیکەت تێدا حازربن وشەیتان دێ ژێ دەرکەڤن، ئەو مالا قورئان قورئان تێدا نەهێتە خاندن دێ تەنگ بت بۆ ئەهلێ خو ودێ خێرا وێ کێم بت ودێ مەلائیکەت ژێ دەرکەڤن وشەیتان دێ تێدا حازربن ". 

ئێک ژ سەلەفا دبێژت: هندی بەهرا من ژ قورئانێ پتر بت ، پتر بەرەکەت دکەڤیتە دەمێ من، وئەز بەردەوام زێدە دکەم هەتا ویردێ من گەهشتیە دەهـ جوزئا. 

الحسن بن علي: "یێن ژبەری هەوە قورئان ددیتن وەک پەیام ژ دەف خودایێ خۆ ڤێجا بشەڤ هزرا خۆ تێدا دکرن ، و بروژ کار پێ دکرن". 
                              
زەلامەکێ گۆتە أبي بن كعب: "وەسیەتەکێ لمن بکە"؛ گۆتێ: "پەرتوکا خودێ بکە پێشەوا، و قەزا و حۆکمێ وێ رازیبە، ئەڤەیە یا پێغەمبەرێ وە بو هەوە ل پشت خۆ هێلای، شفاعەتکارە، وگۆهدارە ، ودیدەڤانەکێ نە گۆنەهبارە، بەحسێ وە یێ تێدا ، وبەحسێ یێ ژبەری هەوەژی یێ تێدا، وحۆکمێ دناڤبەرا هەوەدا ، ودەنگوباسێ وە ویێن پشتی هەوەژی یێ تێدا". 
             
الحسن البصري: "ل شرناهیێ بگەریێن د سێ جهاندا : د نڤێژێدا ، و دقورئانێدا ، و د زکریدا ؛ هەکە وە دیت ، پێشڤە هەرن ومزگینی ل وەبت ، وهەکە وە نەدیت بزانە دەرگەهێ تە گرتیە". 

عثمان بن عفان: "هەکە دل پاقژ بان ، تێر نەدبوون ژ خاندنا قورئانێ ". 
                   
ابن مسعود: "هندی ئەڤ دلەنە ئامانن ، بقورئانێ بدەنە کاری ، و ب چ تشتێ دی مژیل نەکەن ". 
              
عبدالله بن عمر: "ئەمانەت هەوە ب قورئانێ خو فێربکەن وزارۆکێن خو ژی فێرکەن، چنکی دێ پرسیاڕا وێ ژوە هێتە کرن، ودێ ب وێ هین هێنە پاداشت کرن، وئەو بەسی ببیتە شیرەتکار بو وی یێ عەقل هەبت".

 
قتادة: "دلێن خۆ پێ ئاڤاکەن ومالێن خۆ پێ ئاڤا کەن، ئانکۆ ب قورئانێ ". 
                 
ابن القيم: " هەکە تە دڤێت بزانی کا تە چەند حەژێکرنا خۆدێ هەی وغەیری تە ژی چەند هەیە تو بەرێخو بدە حەژێکرنا قورئانێ ددلێ خودا ".

شیڤان شێخەمیری