1.هەکە زەلامی خیانەت ل " ژنکا" خو کر دێ هێتە رەجماندن هەتا بمرت.
2- هەکە ژنا دووێ بینت ودادپەروەریێ دناڤبەرا وان دا نەکەت دێ روژا قیامەتێ هێت ورەخەکێ وی یێ خوارە.
3- وهەکە مەهرەک بو نڤێسیبت ونەدەتێ هنگی ئەو کەسەکێ زالمە.
4- وهەکە بەردا (طلاقدا) وی ماف نینە وی تشتی ژێ بستینت یێ بەری هنگی داییێ.
5- وهەکە مەنعا مافێ وێ کر ژ میراتی ، هنگی وی تەعددا ل سنورێن خودێ کرن، وهەر کەسێ سنورێن خودێ ببەزینت بێگومان وی زولم ل نەفسا خۆکر.
6- یێ وێ بێ رومەت بکەت(اهانە) مروڤەکێ لەئیمە(خرابە) ، ویێ رێزێ لێ بگرت ئەو بەرێزە.

7- هەکە خۆ ژ نڤینا بدەت پاش ب مەرەما هندێ کۆ زیان ب وێ بکەڤیت، دادوەر دێ وی نەچارکەت کۆ تێکەلیا وێ بکەت، یان وێ بەردەت وبدانا هەمی مافێت وێ.
8- هەکە نەخوشی بو چێکر بگۆتنا (تو بو من وەکی دەیکا منی)شەریعەت دێ وی سزا دەت بدانا کەفارەتێ ئەوژی ئازاکرنا بەندەیەکێ یە، یان دڤێت دوو هەیڤا لسەر بروژی بت.
9- وهەکە نەڤیا بلا سەبر و هەدارێ بکێشت، چنکی دبیت وە تشتەک نەڤێت وخودێ خێرەکا مەزن بکەتە تێدا.

10- وهەکە بەردا دڤێت چ جارا قەنجی وباشیێن وێ ژبیرنەکەت.
11- وهەکە ژێکڤەبین وێ بێ بار نەکەت ژ زاروکێن وێ ، ونەفەقە ومەسرەف ژی ل سەر وینە.
12- و ژن یا ئازادە د مالێ خودا ، هەکە بدەتە زەلامێ خو خێرە بو وێ ، وهەکە نەدایێ وی ماف نینە زورداریێ لێ بکەت.
13- چ جورێ زولم وتەعداییێ لێ بهێتە کرنێ ، دێ ئەو ژی ب چەندێ هێتە سزادان.

14. وئەو بەرپرسە ژ وێ د خارن وڤەخارن وخانی وجلکێن وێ لدیڤ شیانێت خو یێن مادی
15- سەرداریا وی لسەر وێ تەکلیفە ، وگوهداریا وێ بو وی جیهادە د رێکا خودێ دا.
16-هەکە فەرمان لێکر ب چاکیێ دێ گۆهێ خو دەتێ، وهەکە فەرمان ب خرابیێ لێکر چ گوهداری بۆ چ چێکرییا نینە د سەرپێچیکرنا خودێدا.

17- وژبەر وێ پێغەمبەری سڵاڤ لێبن جەنگ ل دژی(بني قينقاع) راگەهاند.
18- ژبەر بەرگری ودیفاع کرنا ژوێ مرن شەهادەتە درێکا خودێدا.
19- وژبەر وێ خەلیفە(المعتصم) بەرێ لەشکەری دا عەمورییێ.
20- وژبەر سومعەتا وێ خودێ حەددێ قەذفێ هەشتێ جەلدە یێن داناین (قذف: ئانکۆ تۆ ژنەکا پاقژ توهمەتبار بکەی ب زینایێ).
21- و ئەو پەرژانە بو بابێ خۆ ژ ئاگری، هەر کەسێ خودێ سێ کچا برزقی بکەت دێ خودێ بۆ کەتە پەرژان ژ ئاگری ، هەکە بدروستی بحەقێ وان رابت ،وخودێ مزگینیەکا هوسا نەدایە وی یێ سێ کور هەبن.

ڤێجا خوشکا هێژا:
گۆهێ خو نەدە وان یێن مێشکێن وێ پویچ دکەن، لدیڤ وان نەچن یێن کەربێن وە ژ دینێ وە ڤەدکن ، و ب وان کەسان نەهێنه خاپاندن یێن کەربێن وە ژ زەلاما ڤەدکن ، لدیڤ وان نەخۆشا نەچن.