ئیبن قەییم جەوزی (ابن قيم الجوزية)

١- ناڤێ وی ب تمامی دگەل ناسناڤ وکونیا وی ونەسەبا وی؟
ئەڤ زانايێ بەرێز ناڤێ وی (محمد ابي بكر ايوب سعد كورێ حريز الزرعي الدمشقي يه)، لەقەبێ وی (شمس الدين )ه، كونيا وی (ابو عبدالله )يه، ئەڤ  زانايێ مەزن بەرنیاسە ب (ابن قيم الجوزية).  

٢- سالا ژدایک بوونێ ولکیڤە ژدایک بوویە؟
 ل 7 صفرێ سالا( 691) كوچی ل گوندێ( ازرع) سه ر ب حەورانێ ڤه ل سوريا ژ خێزانەکا پر زانست و پەروەردە ژ دایک بوویە.
 
٣- بناڤ و دەنگترین شێخێن وی:
زانستێ( عەرەبی ) لدەڤ  شێخ (مجدالدين ابي بكر محمد المرسي)، و (محمد بن ابي الفتح البعلي)و (مجدالدين اسماعيل بن محمد المراني ) وەرگرتی یە، زانستێ (اصول و فقه) لدەڤ (شيخ الاسلام ابن تيمية) وەرگرتی یە، زانستێ (حديث) لدەڤ ( زين الدين الشيرازي )،(صدر الدين الدمشقي)و(تقي الدين المقدسي) و( عيسى بن عبدالرحمن الحنبلي)و(فاطمة بنت ابراهيم البطائحي) وەرگرتی یە، و لدەڤ گەلەك  شێخێن دی ژی خاندی یە. 

٤- قوتابیێن وی یێن ب ناڤ و دەنگ:
(ابن رجب الحنبلي و ابن كثير و ابن عبدالهادي و شمس الدين محمد النابلسي و ابراهيم و عبدالله یێ کورێ وی...)

٥- پەسنا زانايا بو ابن قيم:
-القاضي برهان الدين الزرعي دبێژيت : دسەردەمێ  وی دا كەس ژ وی زاناتر نەبوو.
-ابن حجر العسقلاني دبێژيت: ئەڤ شێخە گەلەکێ زانا و چالاك بوو، و زانينەکا باش هەبوو  بو خيلافا و مذهبا.
-ابن رجب دبێژيت: من كەس ژ وی زاناتر نە دیت بوو، و من كەس نەدیت بوو وەکی وی زانا بيت دقورئان و سنەتێ دا، ئەز نابێژم ئەو معصومه بەلێ زەلامێن وەکی وی من نەدیتی نە.

٦- ئەو زانستێ تێدا بناڤو دەنگ:
زانستێ عەرەبی و شەرعی هەتا دوی بواری دا بوو مفتيەكێ پلە بەرز و دراڤەکرنا قورئانێ دا .

٧- ناڤێ هندەك ژ پەرتووکێن وی:
١-زاد الميعاد في هدي خير العباد
٢-تهذيب سنن ابي داود
٣-طريق الهجرتين وباب السعادتين
٤-بدائع الفوائد….)وگەلەکێن دی ژی هەنە.

٨- هندەك ژ گوتنێن وی:
(ئەگەر دل رەق بوو چاڤ کورە دبیت ل بەرامبەر حەقییێ)، (دلێ بێ ئاگەهـ و نەترس ژ خودێ کاڤل دبيت و ب زكر و ترسا ژ خودێ ئاڤەدان دبيت)، (هەر كەسێ مژویل بيت ب نەفسا خو ئاگەهـ ژ خەلكێ نامينیت و هەر كەسێ مژويل بيت ب خوداێ خو ئاگەهـ ژ نەفسا خو نامينیت....) 

٩- مرنا وی:
پێشەوا ( ابن القيم ) رەحمەتا خودێ لێ بيت ل دەمێ عەیشا ل شەڤا پێنچ شەمبێ  13ی رەجەبا سالا 751 مريه ، ل پشتی نيڤرو ل مزگەفتا (الاموي) و پاشی ل مزگەفتا (جراح ) نڤێژ  ل سەر هاتەکرن و ل گورستانا (الباب الصغير ) هاتە ڤەشارتن، خودێ دلوڤانیێ پێ ببەت.