ئیڤلین گۆبۆڵد Lady Gobold

ئافرەتەکا خانەدانا ئیگلیزییە ، کو ببوو موسلمان ، دپەرتوکا خو دا “ البحث عن الله “ دا دبێژیت : ژبەری هاتنا محمد ﷺ گەلێ عەرەب گەلەکێ (قوم)بێرێز و کێم بها بوون ، هۆز و قەبیلێن وان چ بها و قیمەتێن خو نە بوون ، بە لێ دەمێ محمد ﷺ هاتی سەروشنی ئەو گەلە زیندیکرن ڤە ، وەسا بوون دشین بێژین ئەو کارە نیزیکی موعجیزەیەکێ بوو .
پاشان دبێژیت : “ محمد ﷺ ل وی دەمی شیا موعجیزە و کارێ سەرسور هێنەر ئەنجامبدەت ، وی دەمێ شیایێ وی گەلێ (قوم) سەرڕەق و پێداگر و وەلێبکەت دەسبەرداری پەرستنا وان صەنەم و بتێن خو بن و  ئێکتاپەرستنێ قەبیل بکەن ….ب ڤێ چەندێ ژی ژ نەفەهمی و تاریاتیا نە زانینێ برن بەرەف زانینێ و روناهیێ و فەهمکرنێ “ .
ل برگەکادی یا خوش ئیڤلین وەسفا پێغەمبەرێ خودێ ﷺ دکەت و دبێژیت : “ وی هزر ل ناسناڤا نە دکر و بزاڤا هندێ ژی نە دکر ببت خودان ناسناڤ و مال و سامان ب دەست خو ڤە بینیت ، بەڵکو بتنێ ب وێ چەندێ رابی و کار کر کو ئەو پێغەمبەرێ خودێ یە سبحانه وتعالى و خزمەتکارێ موسلمانانە ، خودان رەوشتەکێ بەرز بوو وی بخو مالا خو پاقژ دکر و بخو پێلاڤێن خو ددورین و دلوڤان و بەخشەندە بوو و چاکەکار بوو هاریکاریا کە سێن هەژار دکر و وی ب خو ژی زوربەی جارا نە بوو بەلێ هەر یێ ب بەخشین بوو بو خەلکێ .