✏️ ئەڤ نڤێژا هەنێ ژ بەر هندێ د ئێتە کرن دەمێ رۆژ یان هەیڤ د غەیریت و سوننەتە : دەمێ غەیری ئێکسەر خەلک ب لەز بەرەڤ نڤێژێ ڤە بچن.

✏️ دەمێ وێ : ل دەمێ رۆژ دەست ب غەیرینێ دکەت حەتا جارەکا دی دەردکەڤیتەڤە.

✏️ نڤێژا رۆژ غەیرینێ بانگ بۆ نا ئێتە دان و قامەت ژی بۆ نائێتە گرتن ، بەلکی دێ ئێتە گوتن : کومببن بۆ نڤێژێ .
✏️  چەوانیا وێ : دێ بێژیت اللە ٲکبر دا بچیتە دنڤێژێ دا پاشی دێ فاتحێ خوینیت و پاشی دێ قورئانێ خوینیت و دێ گەلەک درێژ کەت ، پاشی دێ چیتە رکوعێ و دێ رکوعا خوژی گەلەک درێژ کەت، و پاشی دێ ژ رکوعێ رابیت و بێژیت : سمع الله لمن حمده ، ربنا ولك الحمد ، پاشی جارەکا دی دێ فاتحێ خوینیت ، پاشی دێ قورئانێ خوینیت و دێ گەلەک درێژ کەت بەس دێ پیچەک ژ یا ئێکێ کورتتر بیت ، پاشی جارەکادی دێ چیتە رکوعێ و دێ رکوعا خو گەلەک درێژ کەت بەس دێ پیچەک ژ رکوعا ئێکێ کورتتر بیت، پاشی دێ ژ رکوعێ رابیت و دێ بێژیت : سمع الله لمن حمده ، ربنا ولك الحمد و دێ راوەستیت راوەستیانەکا درێژ ، پاشی دێ چیتە سوجدێ و دێ گەلەک درێژ کەت و پاشی دێ ژ سوجدا ئێکێ رابیت دێ روینیتە خوار بەری بچیتە سوجدا دووێ و دێ وێ روینشتنێ ژی گەلەک درێژ کەت و پاشی دێ چیتە سوجدا دووێ و دێ گەلەک درێژ کەت، پاشی دێ رابیتە رکاعەتا دووێ و دێ رکاعەتا دووێ ژی وەکی یا ئێکێ کەت ، بەلێ دێ ئەو پیچەک کورتتر بیت ژ یا ئێکێ ، پاشی دێ تەحیاتێ خوینیت و دێ سلاڤا ملا ڤەدەت.
" البخاري (1059) ،  (1041) ، ومسلم (912) ،  (911) "