هندەک نموونەیان ل سەر خرابی و مەتڕسییێن پاشەروژێ یێن بابەتێن بێپەردە بەحس بکە، ئەوێن کو ترسیا ژ وان مەتڕسییان ببیتە پالدەرەک بۆ هێلانا بەرێخودانا وان.

ژ وان نموونەیێن ل سەر خرابی و مەتڕسییێن پاشەروژێ یێن بابەتێن بێپەردە، ئەوێن کو ترسیا ژ وان مەتڕسییان ببیتە پالدەرەک بۆ هێلانا بەرێخودانا وان ئەڤەیە ئەو کەس دێ ئاشکەرابن کو بەرێ خۆ ددەنە بابەتێن بێپەردە = پێشڤەچوونا هندەک گرنگیپێدانێن سێکسی یێن نەڕێک = ژ دەستدانا کەسەکی کو تو حەزژێدکەی و ئەو ژی حەز ژ تە دکەت = ڕویبڕویبوونا سڤکاتیپێکرنا ئاشکەرا و پێشچاڤ = ژ دەستدانا کاری = ژ دەستدانا ڕێزا هەڤال و کەس و کار و هەڤکاران بۆ وی = ئەنجامدانا هندەک ڕەفتارێن سێکسی یێن حەرام = کەڤتنا د ناڤ کۆمەکا ئاریشەیێن یاساییدا = تووشکرنا زارۆکان ب کارتێکرنێن بابەتێن بێپەردە یێن ب زیان 

ترسێ بێلێ ٣٥ سالی پالدا کو بابەتێن بێپەردە بهێلیت و ژێ دویر بکەڤیت، چونکی ئەو ژ بەر ترسێ وەستیا، بێل دبێژیت: "من حەزا خۆڤەرەساندنێ (دەستپەڕان) هەبوو د ناڤ نڤیسینگەها خۆ دا، و هەر چەندە دەرگەهــ و پەرنجەرە دگرتی ژی بوون بەلێ پا دبیت کەسەک ژ دەرڤە بهێت و بچیت و چاڤێ وی ل پشت پەردارا ل من بکەڤیت، ئەز ژ هەڤژینا خۆ د ترسیام کو ب من بحەسیێت، ژ پولیسان د ترسیام کو ئەو وێنەیێن زارۆکان ئەوێن د تێلەفۆنا مندا هەین ببینن".

ئەلیکسێ ١٩ سالی شیا خۆ ژ بابەتێن بێپەردە دویر بکەت؛ ئەو دبێژیت: "من دڤیا ئەز هەڤژینیێ پێکبینم و من دزانی کو بابەتێن بێپەردە دێ هەستێت من ل شوینا هەڤژینا من بەرەڤ کەسەکا دیڤە بەت، و ئەڤ کارە دێ شیانێن من یێن سێکسی ژی کێمکەت و دێ کارتێکرنێ لێ کەت، و من نەڤێت ئەز خودان هەڤژین بم و خۆ ڤەشێرم بو مانا د گەل بابەتێن بێپەردە، ئەز گەهشتمە خالەکا گرنگ ئەو ژی ئەڤەیە کو ئەو ئاریشێن بەرێخودانا بێپەردەییێ دا پەیدا دبن گەلەک و گەلەک زێدەترن ژ وێ خوشیێ یا ئەم ب بەرێخودانا وێ دبینین.