ژبەر ڤان پێنچ ئەگەرا ئەم ژمرنێ دترسين
ب زانە  چ نە و چارەسەريا وان چيە ؟

الخوف من المجهول
ئانكو تڕسا ژ تشتێ بەرزە و نەديار 

گەلەك ژ خەلكى ژ مرنێ دترسن ژبەر هندێ كو ئەو ب دروستى مرنێ نانياسن، و وان چ تەجربە دگەل نينە و ئەو يێن ل هيڤيێ كو كەسەك ژ مرنێ بزڤريت دا ئەو بچن پرسيارا مرنێ ژێ بكەن و پيچەك ئەڤ ترس و سەهمە ل دەڤ وان كێم ببيت، و چارەسەرى ئەڤەيە كو كەسێ موسلمان نابيت وەكى ڤی بێ باوەرا هزر دمرنێ دا بكەت، و دڤێت گەلەك ئايەت و حەديسا بخوينيت ب رامان ڤە يێن كو بەحس ل مرن و بەهەشت و جەهنەمێ و روژا قيامەتێ دكەن، ژبەر كو خودايێ مەزن ئەڤ ئايەتە يێن بومە گوتين داكو ڤێ ترسا ژ مرنێ نە هێلتە ل دەڤ مە، و مە پتر دحەقيقەتا مرنێ بگەهينيت، و دڤێت ئەم بزانين كو دەستپێكا رێكا چوونا بەهشتێ و خوشيێن وێ مرنە.

الخوف من الفراق الأحبة
ترسا ژ هێلانا خوشتيڤا

ئێك ژ ئەگەرێ ترسا خەلكى ژ مرنێ ديركەفتنا ژخوشتڤيا يە يان ژى ديركەفتنا ژ خوشى و نيعمەتێن دنيايێ يە، و چارەسەريا ڤێ چەندێ بڤێ چەندێ يە كو دڤێت كەسێ موسلمان بزانيت كو ل پشتى مرنێ ژى هەر مروڤ دگەهیتە خوشتڤى و كەس و كارێن خو ل جهەكێ خوشتر ژ دنيايێ كو بەهەشتە، ئەگەر دچاك بن هەروەكى خودايێ مەزن دبێژيت ﴿ وَٱلَّذِينَ ءَامَنُواْ وَٱتَّبَعَتۡهُمۡ ذُرِّيَّتُهُم بِإِيمَٰنٍ أَلۡحَقۡنَا بِهِمۡ ذُرِّيَّتَهُمۡ ﴾ سورەتا طور ئايەتا 21 ، بەلكو يا ژڤێ ژى مەزنتر مروڤ دگەهينتە خوشتڤيێن ژ خوشتڤيێن مە خوشتڤتى تر، ئەو ژى خودايێ پاك و بلند و پێغەمبەرن صلى الله عليە وسلم. هەر وەكى ئێك ژ صەحابا كەتيە بەر مرنێ بكەيف خوشى ڤە گوت: (غدا نلقى الأحبة محمدا و صحبه)، سوباهى دێ گەهينە ديدارا خوشتڤيا موحەمەد و هەڤالێن وى سلاڤێت خودێ لێ بن.

الخوف من ألم الموت نفسه
ترسا ژ وێ ئێشانا دمرنێ ب خو دا

وەكى كێشانا روحێ و نەخوشيێن سەكەراتێن مرنێ ، و چارەسەريا ڤێ چەندێ ئەڤەيە كو دڤێت كەسێ موسلمان  بزانيت دەمێ مروڤێ چاك دمرن ب ئارام ترين شێوە دمرن هەر وەكى د حەديسا دا هاتى روحا وان وەكى ميەكى يە دەمێ ژناڤ هەڤيرى دهێتە كێشان بێ كو ئەو زەحمەتێ ببينيت، و ئەگەر پيچەكا نەخوشيەكێ بينيت ژى د سەكەراتێ دا دێ ئەو ژى بيتە ئەگەرێ پاقژبوونا وى ژ گونەهان هەر وەكى زانا دبێژن. و چەند كەس هەبوينە روحا وان هاتيە كێشان ب دێمێ گرنژين و روهن ڤە، ئەڤە هەمى بەرهەمێ وان كارێن چاك يێن كو وان د ژيانا خو دا كرين، خودايێ مەزن ب زەحمەترين روژ كرە خوشترين روژ بو وان، هەر وەكى پێغەمبەرى ژى صلى الله عليە وسلم ئەڤ دوعايە كرى (وَاجْعَلْ خَيْرَ أَيَّامِي يَوْمَ أَلْقَاكَ) يارەبى تو خوشترين روژامە بكەيە ئەو روژ ياكو ئەز دهێمە دەفتە و ل بەرامبەر تە درواستم.

الخوف من ألم بعد الموت
ترسا ژ ئێشانا ل پشتى مرنێ 

هەر وەكى ترسا ژ عەزابا قەبرى يان عەزابا روژا قيامەتێ، و چارەسەريا ڤێ چەندێ ئەڤەيە كو تماميا وێ خالا بورى يە كو مەگوتى دەمێ كو كەسەكێ چاك مرن ب سەردا دهێت نەبەس ترسا مرنێ ل سەر نينە بەلكو ل دەمێ مرنێ دێ مەلائيكەت سێ خوشى مزگينێن مەزن پێشكێشى وى كەن : 
ئێك: ب خەم نەكەڤە ژ وى تشتێ تە هێلاى ل دونيايێ. 

دوو: نە ترسە ژ وى تشتێ يێ كو دێ پشتى مرنێ بينى ژ ژيانا قەبرى و بەرزەخ و حسابێ. 

سێ: و خالا ژ هەميا مەزنتر ئەڤەيە كو دێ مزگينيا بەهشتێ دەنێ هێشتا ل دەستپێكا حالەتێ مرنێ دا، و دێ جهێ وى يێ بەهشتێ نيشا دەن. مەلائێكەت دێ ڤێ چەندێ كەن  داكو وى ئارام بكەن ژ ترسا قیامەتێ یا کو ل پشتى مرنێ،  هەر وەكى خودايێ مەزن دبێژيت { إِنَّ ٱلَّذِینَ قَالُوا رَبُّنَا ٱللهُ ثُمَّ ٱسْتَقَـٰمُوا۟ تَتَنَزَّلُ عَلَیْهِمُ ٱلۡمَلَـٰۤئِكَةُ أَلَّا تَخَافُوا وَلَا تَحْزَنُوا۟ وَأَبْشِرُوا۟ بِٱلْجَنَّةِ ٱلَّتِی كُنتُمْ تُوعَدُونَ (٣٠) نَحْنُ أَوْلِیَاۤؤُكُمْ فِی ٱلْحَیَوٰةِ ٱلدُّنْیَا وَفِی ٱلآخِرَةِۖ وَلَكُم فِیهَا مَا تَشْتَهِیۤ أَنفُسُكُم وَلَكُم فِیهَا ما تَدَّعُونَ (٣١) نُزُلࣰا مِّن غَفُورࣲ رَّحِیمࣲ (٣٢) } [سُورَةُ فُصِّلَت: ٣٠-٣٢]

الخوف من الفناء
ترسا ژ ناڤچوون و نەمانێ

مروڤ ب طبيعەتێ خو حەژ ژناڤجونێ و نەمانێ ناكەت: بەلێ پا ئەگەر كيژ خال ل دەڤ مروڤێ موسلمان پەيدا ببيت نابيت كو ئەڤ خالە ل دەڤ پەيدا ببيت، و چارەسەريا ڤێ ژ هەميا ب سانەهيترە. ژبەركو چ موسلمان نينن كو باوەريێ ب ژيانا بێ دوماهيك ياكو ل پشتى مرنێ نە ئينيت ، و چ موسلمان هزر ناكەن مرن ئانكو دوماهيك و فەناء و ژناڤچوونا هەمى تشتان، نەخێر مرن ئانكو دەستپك بو وێ ژيانا دروست و يا بێ دوماهيك ياكو ئەم ژبەر وێ ژيانێ هاتينە دروست كرن، و ئەڤ ژيانا ئەم تێدا و ئەو مرنا ئەم هەمى دێ بينين هەمى ژبەر وێ ژيانا بێ دوماهيك يێن هاتينە دروستكرن، مرن ئانكو چونا بەرەڤ دلوڤانيا خودێ و خوشيێن بەهەشتێ يێن هەر و هەر.

و في النهایة
ول دوماهیکێ

ئەگەر تە بڤێت چ ڤان ترسا هەمیا نیزیکێ دل و مێشکێ تە نەبن (فَاسْتَقِمْ كَمَا أُمِرْتَ) خۆ نیزیکێ وێ رێبازێ بکە یاکو خودێ بوتە دڤێ ژیانێ دا دانای و فەرمان ل تە کری کو تو ل دیڤ بچی، وئەگەر تە ئەڤ چەندە کر دێ بیە ئێک ژوان کەسێن خودێ حەژێ دکەت، بێ گومان ئەو کەسێ خودێ حەژێ بکەت دێ پتر حەژ مرنێ کەت ژڤێ ژیانا بەروەخت و هەڤال هێل، ودێ مرنێ بینیت کو مەزنترین نیعمەت کو خودێ دگەل وی بکەت.