ئه‌حكامێت ميێت مروڤى
احكام الشعر الادمي / ئه‌حكامێت ميێت مروڤى
پێغه‌مبه‌رێ خودێ – صلى الله عليه وسلم – دبێژيت: " مَنْ كَانَ لَهُ شَعْرٌ فَلْيُكْرِمْهُ ". سنن ابي داود 4163
(هه‌ر كه‌سه‌كێ موى هه‌بن، بلا خزمه‌تا وان بكه‌ت).
و ب راستى ئه‌ڤه شيره‌ته‌كا پر ب نرخا پێغه‌مبه‌رێ خودێ – صلى الله عليه وسلم – بو گرنگيدان ب ميێت له‌شى وخزمه‌ت كرنا وان،
چونكى ب راستى هه‌بوونا موييا جوانى وتازه‌هى يه، كو خودايێ مه‌زن ژنكێت پێ جوان كرين وزه‌لام ى پێ تازه كرين .
شه‌ريعه‌تێ ئيسلامێ ژى ب وێ گشتگيريا هه‌ى وپێ هاتى، بو مويێت مروڤى ب هه‌مى جورا ڤه كومه‌كا ئه‌حكاما يا بو داناى , ژوان : -
* هنده‌ك جارا تراشينا پرچێ يان كورت كرنا وێ عيباده‌ت ونێزيك بونه ژ خودايێ مه‌زن، وه‌ك تراشينا پرچا زاروكى د حه‌فت روژيێ دا ژ دايك بونا وى.
وتراشينا پرچێ يان كورت كرنا وێ پشتى خلاس بوونێ ژ حه‌جێ يان عومرێ. وهه‌روه‌سا تراشينا پرچێ ژ لايێ كه‌سه‌كێ ڤه كو كافره دێ موسلمان بيت.
وتراشينا مويێت بن كه‌فش وده‌همه‌ن وكورت كرنا سمبێلا، ئه‌نه‌سێ كورێ مالكى – خودێ ژێ رازى بيت – دبێژيت : (ده‌م يێ بو مه هاتى دياركرن بو كورت كرنا سمبێل ونينوك ژێڤه‌كرن وتراشينا مويێت بن كه‌فش وده‌همه‌نا، ب هندێ كو ژ چل شه‌ڤا ده‌رباز نه‌بيت).
* وهه‌روه‌سا هنده‌ك موى تراشينا وان حه‌رامه وه‌ك :- تراشينا پرچێ بو ديندارى وعيباده‌تى ژبلى وان جهێن ديار كرى وبه‌حس كرى، وئه‌ڤه ژى بيدعه‌يه .
وهه‌روه‌سا تراشينا پرچێ دده‌مێ توشى به‌لاو وموصيبه‌تا دبت.
و تراشين وكورت كرنا پرچێ ب شێوه‌كێ كو خوه وه‌ك بێ باوه‌ر وكافرا لێ بكه‌ت.
وتراشين وكورت كرنا پرچێ ب شێوه‌كى ژنك خو وه‌كى زه‌لاما لێ بكه‌ت .
وهه‌روه‌سا تراشينا وژێڤه‌كرنا مويێت ريها (رێدينێ).
وهه‌روه‌سا ئينانه‌ده‌را مويێت ناڤ چاڤ وبریيان .
وهه‌روه‌سا رێك نه‌هاتى يه دان ب تراشين وژێڤه‌كرنا موييا ب شێوه‌كى ده‌مكى د دوو حاله‌تان دا : -
1. كه‌سه‌كێ ئيحرام كربنه به‌رخوه بو حه‌جێ يان عومرێ هه‌تا وى ده‌مێ ته‌مام (خلاس) دبيت .
2. وهه‌روه‌سا ل روژا ئێكێ ژ هه‌يڤا ذوالحجة بو وى كه‌سێ بڤێت قوربانيێ بده‌ت هه‌تا قوربانێ خو سه‌رژێ بكه‌ت .
* وهه‌روه‌سا تراشينا پرچێ ب هنده‌ك شێوه‌يان مه‌كروهه، وه‌ك : -
قه‌زه‌ع : كو پێك هاتى يه ژ تراشينا هنده‌ك ژ پرچێ و هێلانا هنده‌كا دى، به‌لێ هه‌كه ئه‌ڤه چاڤلێكرنا كافرا بيت د وى ده‌مى دا حه‌رامه .
* وهنده‌ك جارا ژى تراشين موباحه ورێك پێداى يه و دروسته، وه‌ك : -
* تراشينا پرچێ ب ئه‌گه‌رێ نه‌خوشيێ و ئێش و ئازارێ .
* تراشين وژێڤه‌كرنا هه‌مى مويێت له‌شى بتنێ ژبلى وان يێت شه‌ريعه‌تى ژێڤه‌كرن وتراشينا وان حه‌رام كرى .
* كورت كرنا پرچا ژنكێ بو جوانيێ وتازه‌هيێ , به‌لێ مه‌رجه‌كێ چاڤلێكرن وخو وه‌كلێكرن تێدا نه‌بيت، چونكى يا هاتى كو (خێزانێت پێغه‌مبه‌رى – صلى الله عليه وسلم – پرچێت خو يێت كورت كرين ب شێوه‌كێ كو دبن نه‌رماتيا گوهێ وان بوو).وەک عائیشا خودێ ژێ ڕازی بت دبێژت: وَكَانَ أَزْوَاجُ النَّبِيِّ صَلَّى اللَّهُ عَلَيْهِ وَسَلَّمَ يَأْخُذْنَ مِنْ رُءُوسِهِنَّ حَتَّى تَكُونَ كَالْوَفْرَةِ) مسلم 320.
وهه‌روه‌سا دروسته پرچ بهێته ره‌نگ كرن ب هه‌ر ره‌نگه‌كێ ژبلى ره‌نگێ ره‌ش , وچ جێوازى نينه ئه‌و كه‌سێ پرچا خو ره‌نگ دكه‌ت گه‌نج بيت يان پير، ژن بيت يان زه‌لام .
وهه‌روه‌سا ئاسایيه كو پرچ بهێته ره‌نگ کرن ژبه‌رى مويێت سپى ژى لێ بێن، هندى چاڤلێكرنا كافرا وخرابكارا نه‌بيت، چونكى هنگى دێ حه‌رام بيت .
ژكيسێ جابرێ كورێ عبدالله ى – خودێ ژێ رازى بيت – دبێژيت : (د روژا فه‌تح كرنا مه‌كه‌هێ دا ئه‌بو قوحافه كو دبيته بابێ ئه‌بو به‌كرى– خودێ ژێ رازى بيت – ئينانه ده‌ڤ پێغه‌مبه‌رێ خودێ – صلى الله عليه وسلم – و مويێت سه‌ر و ره‌هێن وى وه‌ك (ثوغامێ)لێ هاتبون كوگيايه‌كێ ب به‌لگه وگوله وبه‌رهه‌مێ وێ ژى گه‌له‌ك سپى يه، پێغه‌مبه‌رى ژى – صلى الله عليه وسلم – گوت : (ئه‌ڤى ره‌نگێ سپى بگهورن ب ره‌نگه‌كێ دى , به‌لێ خو بپارێزن ژ ره‌نگێ ره‌ش ).
ب کورتی ئەحکامێن موییا دبنە سێ جور:
واجبە ب تڕاشی: وەک بنکەفش ودەهمەنا.
حەڕامە ب تڕاشی: وەک ریهـ و برییا.
درستە(مباحە) درستە ب تڕاشی و درستە بهێلی:وەک میێن پشت و سینگێ مروڤی.
والله اعلم.
عربة الشراء