حالێ تە دگەل بەختەوەریێ دڤێ ژیانێ دا ئێك ژ ڤان چار كەسایە
ڤێجا یا گرنگە تو ب زانی نەفسا تە لكیڤە یە؟
هەر كەسەكێ هزرا خو د خەلكی دا بكەت دێ بینی كو حالێ وی /وێ دگەل بەختەوەریێ دڤێ ژیانێ دا ئێك ژ ڤان چار كەسایە
ئێك:كەسەكێ ب تەقوا و یێ بەختەوەر دڤێ ژیانێ دا
دوو:كەسەكێ ب تەقوا و نەیێ بەختەوەر دڤێ ژیانێ دا 
سێ:كەسەكێ گونەهكار و بەختەوەر دڤێ ژیانێ دا
چار: كەسەكێ گونەهكار ونەیێ بەختەوەر دڤێ ژیانێ دا

                                   كوما ئێكێ  
ئەگەر تو ژ كوما ژمارە ئێك بی ئانكو كەسەكی یان كەسەكا 
ب تەقوا و بەختەوەر دڤێ ژیانێ دا .ئەڤە تشتەكی طبیعییە ژبەر كو خودایێ مەزن د بێژیت :(مَنْ عَمِلَ صَلِحَا مِن ذَكَرٍ أَوْ أُنقَ وَهُوَ مُؤْمِنٌ فَلَنُحْيِيَنَّهُ حَيَوَةً طَيبَةٌ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ )
هەچییێ كارەكێ چاك بكەت نێر بیت یان مێ بیت و وی باوەری ب خودێ و پێغەمبەرێ وی هەبیت،د دنیایێ دا ژیانەكا خوش و بەختەوەر دێ دەینێ ئەگەر خو مالێ وی یێ كێم ژی بیت ،و ل ئاخرەتێ ژی ئەم دێ خێرا وان ب باشترین رەنگ سەرا كارێ وان یێ دنیایێ دەینێ.ڤێجا حەمدا خودێ بكە و خو راگرە.
                                 كوما دووێ
و ئەگەر تو ژ وان كەسێن كوما دووێ بی ئانكو كەسەكێ بتەقوا و نەیێ بەختەوەر د ڤێ ژیانێ دا ئەڤە د بیتە ئێك ژڤان هەردوو حالەتان : 
١-یان خودێ حەژتە دكەت یان و دڤێت تە ب جەربینیت،و دەرەجێت تە بلند بكەت ،ژبەر صەبرا تە سەرا ڤان نەخوشیا ،هەر و وەكی  خودایێ مەزن د بێژیت :(وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصِ مِّنَ الْأَمْوَلِ وَالْأَنفُسِ وَالثَّمَرَاتِ وَبَشِّرِ الصَّبِرِينَ )ئەم دێ هەوە ب ترس و برسێ وكێمكرنا مالی و ب مرنی و بكێمكرنا بەرهەمێ هەوە  جەربینین،و تو مزگینیێ ب كەیفخوشیا دوماهییێ ل دونیایێ و ئاخرەتێ بدە وان یێن بێهن فرەهییێ لسەر ڤێ چەندێ دكەن.
٢-یان ژی كێماسیەك یا د تەقوا یا تەدا هەی و تو هندك گونەهان دكەی و تو یێ ژێ غافلی و هەر تەوبێ ژ ڤان گونەهان تەخیر بكەی،لەوا خودایێ مەزن دێ ڤێ نە بەختەوەریێ داتە تە دا كو تو لێ ب زڤری ،هەر وەكی خودایێ مەزن د بێژیت :(وَلَنُذِيقَنَّهُم مِّنَ الْعَذَابِ الْأَدْنَى دُونَ الْعَذَابِ الْأَكْبَرِ لَعَلَّهُمْ يَرْجِعُونَ )و مسوگەر ئەم ژ عەزابا كێم یا دنیایێ دا هەی ژ نەخوشیا و نە بەختەوەریێ بەری عەزابا مەزنتر یا روژا قیامەتێ هەی دێ ب ڤان دەینە تامكرن دا بەلكی ئەو ل خو ب زڤرن و ژ گونەهێت خو توبە بكەن .
                                      كوما سێییێ 
ئەگەر تو ژ كوما ژمارە سێ بی ئانكو گونەهكارەك بی وتو خو ببینی بەختەوەر د ڤێ ژیانێ دا !هشیار بی هشیار بی چێدبیت ئەڤە (الاستدراج)دیڤبەردانا  خودێ بیت بو تە !و ئەڤە خرابترین كومە كو مروڤ ب كەڤتە تێدا و سزایێ ڤێ گەلەكێ مەزنە و دێ هەر عقوبا خودێ هێت بو ڤی مروڤی ئەگەر مروڤ زیكا ل خو نە زڤریت.(فَلَمَّا نَسُوا مَا ذُكِرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُوا بِمَا أُوتُوا أَخَذْنَهُم بَغْتَةً فَإِذَا هُم مُّبْلِسُونَ )ڤێجا دەمێ وان پشت دا یە پێگیرییا ب فەرمانێن خودێ ،مە دەرگەهێن هەر رزقەكێ هەی ل سەر وان ڤەكرن ،دا پتر وان د سەر دا ببەین ،حەتا دەمێ ئەو هێربووین،و وان كەیف ب ڤێ قەنجییێ هاتی و یا مە دایێ مە ژ نشكەكێ ڤە ئەو ب عەزابێ گرتن ،ئێدی ئەو ژ هەر خێرەكێ بێ هیڤی بون !

بو وان كەسێن ب دروستی نەزانن  دیڤبەردانا خودێ (الاستدراج)چیە ،ئەم دێ بێرا وی ل گوتنەكا خوشتڤیێ خودێ سلاڤ لێبن ئینین دەمێ دبێژیت: (إذا رأيت الله يعطى العبد من الدنيا على معاصيه ما يحب فإنما هو استدراج" )السلسة الصحيحة، للإمام الألباني،
ئەگەر تە دیت خودایێ مەزن هەر تشتەكێ عەبدی ڤیای دایێ وهەر دسەرحالا را ئەو یێ بێ ئەمریا وی دكەت هەما ئەو دیڤ بەردانا خودێ یە.
چەند حەدیثەكا ب ترسە خودێ مە ب پارێزیت 
                               كوما چارێ
و ئەگەر تو ژ كوما  چارێ بی ئانكو گونەهكارەكێ یان گونەهكارەكا نە بەختەوەر  بی د ڤێ ژیانێ دا ئەڤە ژی تشتەكێ طەبیعی یە ژبەر كو خودایێ مەزن د بێژیت :(وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَمَةِ أَعْمَى)
و هەچییێ پشت بدەتە زكرێ من (عیبادەتێ من ) د دنیایێ دا ژیانە كا ب زەحمەت و بەر تەنگ بو وی هەیە ،ئەگەر خو ل بەر چاڤ وەسا یا دیار بیت كو ئەو یێ بەردەست فرەهە ژی و ل روژا قیامەتێ ئەم دێ وی كورە ژ دیتنێ ودەلیلان راكەینەڤە .
ڤێجا پێداچونەكێ د خو دا بكە!