حالێن نڤێژڪەری ئەگەر د تەحیاتا ئێڪێ دا خەلەت بوو:

١_ئەگەر ژ سوجدێ رابوو و هێژ پشتا خو راست نەڪر بیت، هنگێ واجبە ل سەر وی ب زڤریت بو تەحیاتێ، و (مەئموم) ئەوێن ل پشت وی ژی نڤێژێ دڪەن دێ زڤرن خو ئەگەر وان پشتا خو راست ژی ڪربیت.

٢_ئەگەر ژ سوجدێ رابوو و پشتا خو راست ڪر بەلێ هێژ فاتیحە نەخاندییە، هنگێ مەڪروهە ب زڤریتەڤە بەلێ نە حەرامە.
و کەراهییەت ژبەر هندێ یە چونڪی یێ چوویە د روڪنێ رابینێ دا.
و نە حەرامە چونڪی روڪنێ قیامێ (رابوونا ژ پیاڤە) نە ژبەر رابوونێ روڪنە بەلڪو جهێ خاندنێ یە، و ئەگەر ڪەسەڪ نەشییا ژ پیاڤە بڪەت ل سەر نامینیت ژ پیاڤە بڪەت و چ بەدیل بو نینن، بەروڤاژی خاندنێ، ئەگەر ئێڪ نەشیا فاتیحێ بخینیت دێ تەسبیحا دەت و زڪرێ خودێ تعالی ڪەت.

٣_ئەگەر ژ سوجدێ رابوو و پشتا خو راستڪر و دەست ب خاندنا فاتحێ ڪر، هنگێ حەرامە ئەو ب زڤریت، چونڪی خاندنا فاتحێ بخو روڪنە، وەڪی بوری هاتییە دیارڪرن.
و ئەگەر ئێڪ بزانیت و ب قەصدڤە ب زڤریت دێ نڤێژا وی بەطال بیت، چونڪی تشتەڪ لێ زێدەڪر و ئەو دزانیت ڪو حەرامە.
بەلێ ئەگەر ژبیرڪر یان نەزانی هنگێ نڤێژا وی بەطال نابیت.

شرح العمدة في الأحڪام/الشیخ د. صالح العصیمي -حفظه الله-