ئەرێ بوچی پێغەمبەری سلاڤ لێبن گەلەك خێزان هەبون؟ 
ئەرێ ما ئەو كەسەكێ شەهوانی بو وەكی د بێژن؟
دورەیدی گوت من پسیار ژ عومەری كر و گوت: پێغەمبەرێ هەوە هەڤژینی یا دگەل گەلەك ئافرەتا كری؟ و پێغەمبەرێ مە عیسای هەتا مری ژی چ هەڤژین نەبون؟ عومەری گوت: ئەز ل هیڤیا تە بوم كو تو ڤێ پسیارێ ژمن بكەی پاشی دەست ب شلوڤەكرنێ كر: 
ئێك: دا ئەم پسیار بكەین كا ژمارا هەڤژینێن پێغەمبەری  سلاڤ لێ بن چەندن؟
بەرسڤ: ژمارا وان (١٣) بون.
دەمێ پێغەمبەر سلاڤ لێبن مری دەهـ هەڤژین هەبون، ژبەركو پێغەمبەرێ ساخ بوو ل دەمێ كو خەدیجا و زەینەبا كچا خوزەیمەی (رضي الله عنهما) مرین.
باشە دا پرسیار ب كەینە ڤە: چەند ژوان كچ بون و چەند ژ وان د شیكری بوون بەری هینگێ؟
بەرسڤ:  ئێك ب تنێ كچ بۆ ئەو ژی عائیشا و یێن دی ژن بوون (ئانكو د شیكری بوون)، و هەمی عەرەب بوون  ژ بلی ماریایێ (رضي الله عنهما) كو ئەو فەڵە بو ژبەركو نە خەلكا گزیرتا عەرەبی بوو بەلكو خەلكا مصرێ بو، و صەفیا (رضي الله عنها) جوهی بو، رازیبونا خودێ ل سەر هەمییا بیت.
عومەری گوت: پرسیارەك یا هەی یا دیار دبیت ئەو ژی!
ئەرێ ئەگەرێ ئینانا گەلەك خێزانا ژلایێ پێغەمبەری سلاڤ لێبن ڤە شەهوەت بوو (ئانكو ژ بەر حەزێن خو ئینابوون)؟
من گوتێ: ئەم فەڵە دبێژین پێغەمبەرێ هەوە زەلامەكێ شەهوانی بوو، و پاشی من گوتێ ئەز یێ دگەل تە ب ئاشكرایی د ئاخڤم ڤێجا ئەز چ بێژم ژمن توڕە نەبە.
عومەری گوت: ئەز حەز دكەم تو هەر تشتەكێ د سینگێ تەدا دهێت و د چیت بو من بێژی، ئەز دێ نوكە بوتە روهن كەم: ئەگەر ئەم هزرا خو د ژیانا پێغەمبەری سلاڤ لێبن یا هەڤژینیێ دا بكەین دێ بینین كو شەهوەت نە یا دیارە و یا بەرزەیە د ژیانا پێغەمبەری سلاڤ لێبن دا، وڤێ جارێ دێ دەلیلێ عەقلی ئینین.
دا ئەم هزرا خۆ بكەین: پێغەمبەر سلاڤ لێبن ژ بچیكاتیا خو هەتاكو گەهشتیە ژیێ (٢٥) سالیێ زگورد بوو ئانكو خێزان پێك نە ئینابوو.
پێغەمبەر سلاڤ لێبن ژ ژیێ (٢٥)سالیێ هەتا كو (٥٠) سالیێ (كو ئەڤە ژیێ گەرما گەنجاتیێ یە) ئێك هەڤژین ب تنێ هەبوو، ئەوژی (١٥) سالا ژ پێغەمبەری سلاڤ لێبن مەزنتر بوو، و سەر ڤێ چەندێ را بەری بیتە هەڤژینا پێغەمبەری دوو جارێن دی شیكربوو و خودان زاروك ژی بوو!
پێغەمبەری سلاڤ لێبن ژ ژیێ (٥٠) سالیێ هەتا كو (٦٠) سالیێ گەلەك هەڤژین ئینان، و ئەڤ چەندە ژی ژبەر ئەگەرێن دینی و سیاسی و كومەلایەتی بوون كو گەلەك هەڤژین ئیناین، دێ بوتە نوكە ئاشكراكەم:
”ڤێجا مایا بەرعاقلە كو شەهوەتا پێغەمبەری سلاڤ لێبن ژ نیشكەكێ ڤە ل ژیئ (٥٠) سالیێ ب دەركەڤیت”؟!
و ئەرێ یا بەر عاقلە بو كەسەكی كو حەز ژ هەڤژینیێ بكەت، و دگەنجاتیا خو دا هەڤژینەكێ بو خو بینیت كو بەری وی وێ ئافرەتێ هەڤژینی دگەل دوو زەلامێن دی پێك ئینابیت؟ و (٢٥) سالا بمینتە دگەل وێ ب تنێ وپشتی مرنا وێ ژی ب دوو سالا ژی چ هەڤژینێت دی نەئینیت وەك رێزگرتنەك و وەفاداریەك بۆ وێ؟
پاشی پێغەمبەری سلاڤ لێبن پشتی خەدیجا مری بوخو سەودەت ئینا (رضي الله عنها) و ژیێ وێ  (٨٠) سال بوون! و ئەو ئێكەم بیژن (ئەو ژنا زەلامێ وێ د مریت) بو د ئیسلامێ دا، ڤێجا پێغەمبەری سلاڤ لێبن دڤیا قەدرێ وێ ویێن وەكی وێ بگریت، و پێغەمبەری سلاڤ لێبن دڤیا ژ نەفسا خو دەست پێ بكەت و فەرمانا چ صەحابا (رضي الله عنها) نەكر كو ئەو بو خو وێ بینن بولكو ئەو ب خو ب ڤێ چەندێ رابوو، داكو ئەڤ كارێ مروڤایەتی بمینیت پشتی وی، و خەلك چاڤلێبكەن....
و دێ نوكە بو تە وان ئەگەرێن دینی وسیاسی و كومەلایەتی بژێژم یێن بوینە ئەگەر كو پێغەمبەر سلاڤ لێبن گەلەك هەڤژینا بینیت:-
ئێك: میراتگریا ئیسلامێ و بانگەوازیێ ب هویربینی و تایبەتمەندیێت وێ وەك نڤێژ و لڤینێن نڤێژێ، گەلەكا پێدڤی بو كو هندەك كەس بچنە دمالا پێغەمبەری ڤە سلاڤ لێبن بو ڤەگوهاستنا هندەك زانیاریێن تێروتەسەل بو فێركرنا ئەممەتێ.
خودایێ مەزن ب پێك ئینانا هەڤژینیا پێغەمبەری سلاڤ لێبن و عائیشایێ (رضي الله عنها) دڤیا گەلەك فێر ببیت ژ پێغەمبەری سلاڤ لێبن ژ بەر ژیێ وێ یێ كێم (و زانینا ل ژیێ بچیكیێ وەكی نەخشێن سەر بەرانە) و هوسا و هوسا چێبو عائیشا (٤٢) سالا پشتی مرنا پێغەمبەری سلاڤ لێبن ژیا و زانین بەلاڤ دكر، و ئاخڤتن لسەر زانینا عائیشایێ یا درێژە ژبەركو ئەو شاهرەزاترین كەس بو ب تشتێن فەرز (الفرائض) وتشتێن سوننەت، ژمارا وان حەدیثێن وێ ژ پێغەمبەری سلاڤ لێبن ڤەگوهاستین نێزیكی (٣٠٠٠) حەدیسانە.
و گومانا ئینانا عائیشایێ كو هێش ئەو زاروك! (هوسا نینە) بەلكو سروشتێ ژینگەها وان یێ بیابانی بوو و كچ زیكا د گەهشت (ئانكو بالغ دبو) و نە بەس ل دەڤ عەرەبا ب تنێ ل ڤی تەمەنی كچ ددانە شی بەلكو ل دەڤ فارسا و روما ژی و ئەڤ چەندە هەبوو ل وی دەمی.

دوو: موكمكرنا پەیوەندیا دناڤبەرا صەحابا دا (رضي الله عنهم) و گرێدانا وان ب ئێك و دوو ڤە، ئەڤ چەندە ژی د بیتە ئەگەرێ هندێ كو ئومەت پێكڤە بهێتە گرێدان، لەوا پێغەمبەری  سلاڤ لێبن كچا ئەبوبەكری ئینا و كچا عومەرێ كورێ خەطابی ئینا و پێغەمبەری سلاڤ لێبن دوو كچێن خو دانە عوثمانێ كورێ عەفانی، و كچا خو یا سیێ دا عەلیێ كورێ ئەبو طالبی (رضي الله عنهم). 
سێ:دلوڤانی برن ب بیژنا، لەوا پێغەمبەری سلاڤ لێبن  سەودەت، و دەیكا سەلەمەی، و دەیكا حەبیبەی بو خو ئینان ئەڤە هەرسێ بیژن بون(رضي الله عنهم)
چار: تمام بوونا شەریعەتێ ئیسلامێ ژبەر كو پێغەمبەر سلاڤ لێبن ب خو رادبو بڤی كاری داكو ببیتە چاڤلێكەر بو موسلمانا پشتی وی، ڤێجا ب رێزگرتنا بیژنا بیت یان ژی دلوڤانی برنا ب نەموسلمانان بیت هەر وەكی پێغەمبەری سلاڤ لێبن صەفیا بوخو ئینا پشتی كو بابێ وێ موسلمان بوی و دا قەدرێ بابێ وێ مەزن بیت ل دەڤ وان یێن حەسیدی پێ دبر ژ جوهیا.”
پێنج: حەژكرنا پێغەمبەری سلاڤ لێبن بو گرێدانا پەیوەندیان ل سەر گەلەك جهێن عەردی، هەر وەكی پێغەمبەری سلاڤ لێبن دڤیا ب ئینانا ماریایا مصری كو وەلاتەكی نێزیكی خو بكەت، و پێغەمبەری سلاڤ لێبن بو خو جوەیرا ئینا دا بنەمالا وێ ب هیدایەت بكەڤن ئەوا دگوتنێ (بني المصطلق) موسلمان بیت، و ئەو ئێخسیر بوون ل شەرێ (بني المصطلق) و چیروكا ڤێ چەندێ یا ئاشكرایە.