صەلەواتا و سلاڤێ زێدە کەن سەر پێغمبەرێ خودێ ﷺ
صەلەواتا و سلاڤێ زێدە کەن سەر پێغمبەرێ خودێ ﷺ :
ئیبن عوثیمین خودێ دلوڤانیێ پێ ببەت گوت :
ئەی برایێ من صەلەوات و سلاڤێ زێدە بکە بو سەر پێغمبەری ﷺ دا کو ئیمانا تە زێدە بیت ، و کارێن تە بو تە ساناهی بن ، پاشی بزانە کو پێغمبەرێ خودێ ﷺ مروڤە نە شێت نە مفایێ ل تە بکەت و نە زیانێ بگەهینت تە ئەڤجا پسیارێ ژێ نەکە و نەبێژە ڤێ تشتێ بکە ، ئەی پێغمبەرێ خودێ داخازا لێبورینێ بکە بو من ، ئەی پێغمبەرێ خودێ هاریکاریا من بکە و من رزگار بکە ، ئەی پێغمبەر کارێن من بو من ساناهی بکە ، ئەڤ چەندە حەرامە و هەڤپشکا مەزنە ، چونکی نە دروستە تو دگەل خودایێ مەزن دوعا ژ ئێکێ دی بکەی ، دوعا تایبەتە ب کێ ڤە ؟ ب خودێ ڤە ، خودایێ مەزن دبێژیت : { وَقَالَ رَبُّكُمُ ٱدۡعُونِیۤ أَسۡتَجِبۡ لَكُمۡۚ إِنَّ ٱلَّذِینَ یَسۡتَكۡبِرُونَ عَنۡ عِبَادَتِی سَیَدۡخُلُونَ جَهَنَّمَ دَاخِرِینَ } ، [سُورَةُ غَافِرٍ: ٦٠]
ڕامان : وخودايێ هه‌وه -گه‌لی عيباده‌تكه‌ران- گۆت: هوين دوعايان ژ من ب تنێ بكه‌ن وعيباده‌تێ من بكه‌ن ئه‌ز دێ د به‌رسڤا هه‌وه ئێم، هندى ئه‌ون يێن خۆ ژ باوه‌رى ئينانا ب په‌رستنا من ب تنێ مه‌زنتر لێ دكه‌ن، ئه‌و ب ڕه‌زيلی وشه‌رمزارى ڤه دێ چنه جه‌هنه‌مێ .
و ئەگەر ئێکێ گوت : کیشك مەزنترە حەقێ دەی بابان یان ژی پێغمبەرێ خودێ ﷺ ؟
پێغمبەرێ خودێ ﷺ مەزنترە ژ حەقێ نەڤسا تە و ژبەر ڤێ چەندێ واجبە ل سەر مروڤی خو گوری پێغمبەری ﷺ بکەت ، و پێتڤیە ل سەر هەمی مروڤان حەژێکرنا پێغمبەرێ خودێ ﷺ بەری یا نەڤسا وی و زاروکێن و و دەی بابێ وی و هەمی خەلکێ بیت .
و ئەگەر ئێکێ گوت ئەرێ مانە خودایێ مەزن مافێ دەی بابا پشتی مافێ خو گوتیە ، دێ بێژین بەلێ { ۞ وَقَضَىٰ رَبُّكَ أَلَّا تَعۡبُدُوۤا۟ إِلَّاۤ إِیَّاهُ وَبِٱلۡوَ ٰلِدَیۡنِ إِحۡسَـٰنًاۚ } ، [سُورَةُ الإِسۡرَاءِ: ٢٣]
ڕامان : وخودايێ ته -ئه‌ى مرۆڤ- فه‌رمان دايه كو په‌رستنا وى ب تنێ بێته‌كرن، وفه‌رمان ب قه‌نجییا د گه‌ل باب ودايكێ كرییه .
بەلێ مافێ پێغمبەرێ خودێ ﷺ دیڤ مافێ خودێ دایە چونکی پەرستنا خودێ درست نابیت ئیلا ب نیەتەکا خالص بو خودێ نەبیت و دیڤ چونا پێغمبەرێ خودێ ﷺ نەبیت .
خودایێ مەزن دبێژیت : { إِنَّ ٱللَّهَ وَمَلَـٰۤىِٕكَتَهُۥ یُصَلُّونَ عَلَى ٱلنَّبِیِّ یَـٰۤأَیُّهَا ٱلَّذِینَ ءَامَنُوا۟ صَلُّوا۟ عَلَیۡهِ وَسَلِّمُوا۟ تَسۡلِیمًا } ، [سُورَةُ الأَحۡزَابِ: ٥٦]
رامان : هندى خودێ‌یه ل نك ملياكه‌تێن نێزيك مه‌دحێن پێغه‌مبه‌رى -سلاڤ لێ بن- دكه‌ت، وفريشته‌يێن وى ژى مه‌دحێن پێغه‌مبه‌رى دكه‌ن ودوعايان بۆ دكه‌ن، ئه‌ى گه‌لی ئه‌وێن باوه‌رى ب خودێ وپێغه‌مبه‌رێ وى ئيناى وكار ب شريعه‌تێ وى كرى، هوين -بۆ قه‌درگرتن- سلاڤان بده‌نه سه‌ر پێغه‌مبه‌رێ خودێ ودوعايان بۆ وى بكه‌ن، وسلاڤدانا ل سه‌ر پێغه‌مبه‌رى وه‌كى د سوننه‌تێ دا هاتى ب ڤى ڕه‌نگییه: (اللهم صل علی محمد وعلی آل محمد، كما صليت علی آل إبراهيم، إنك حميد مجيد، اللهم بارك علی محمد وعلی آل محمد، كما باركت علی آل إبراهيم إنك حميد مجيد) .
شرح ریاض الصالحین ( ٥/ ٤٧٢) .
عربة الشراء