چاوا بابەتێن بێپەردە دشێن خرابییێ بگەھیننە تاکە کەسی؟

بەلگەیەکێ ڕۆھن و ئاشکەرا یێ ھەی کو بکارئینانا بابەتێن بێپەردە بۆ دەمەکێ درێژ، وە ل کەسێن بکارئێنەر دکەت، ھەست ب خەموکی و ڤالاھییا ناڤخۆیی بکەن.

ئەگەرێ ڤێ چەندێ ژی ئەوە، کو پشكا خه‌لاتكرنێ د مێشکیدا، ژبەر ھاندانا دەستکرد یا جێگیر ب ڕێکا بێپەردەییێ، شیانێن بەرسڤدان و وەرگرتنا جۆرێن دی یێن خۆشییێ نامینیت.

د گەل بورینا دەمی، ئەو کەسێن بابەتێن بێپەردە بکاردئینن توشی بێھەستییێ دبن، حەز ل سەر چالاکییێن ڕۆژانە نامینیت، ب ڕۆھن و ئاشکەرایی ئەگەر ئەم ب ئاستێن نەسروشتی و درێژاھییا دەمی، بەرەڤ خوشییا دەستکرد و نەسروشتیڤە چووین، ل وی دەمی ژییان دێ یا بێ تام بیت. 

دبیت وە ل بکارئێنەرێن بابەتێن بێپەردە بھێت، کو جورێ بێپەردەییێ یێ کو ئەو بکاردئینن بۆ وان خەم نەبیت، بۆ نموونە: ێەو کەسێن ماددەیێن بێھوشکەر گەلەک بکاردئینن، پشتی دەمەکێ درێژ ژ بکارئینانێ، و ھەستکرنا ب بێزاریێ، دچن و دەست ب بکارئینانا ھندەک بابەتێن دی یێن بێپەردەییێ یێن دژوارتر دکەن.

ھندەک ڕاپورت یێن ھەین وێ چەندێ پشتراست دکەن، کو ڕێزگرتنا خۆیەتییا سێکسی ل دەڤ بکارھێنەرێن بابەتێن بێپەردە کێمترە ژ یا وان کەسێن ڤان بابەتان بکارنەئینن، ھەروەسا نەزوکی یان لاوازییا سێکسی ل دەڤ بکارئێنەرێن ڤان بابەتان پەیدا دبیت.

ب لێبورینڤە بابەتێن بێپەردە ھندەک ئاریشەیێن ژ ئیدمانێ مەزنتر ژی پەیدا دکەن، وەکی پەیدابوونا ھزرێن نەژیواری ل سەر ھەڤژینان د ھەڤژینیێدا، ڤەکولەران یا ئاشکەرا کری کو بەرێخودانا وێنەیێن بێپەردە، ڕازیبوون و دلوڤانییێ د ناڤبەرا ھەڤژیناندا کێمتر لێ دکەت، و ب لایەنێ خۆ یێ ماددی د ڕازی نینن، ھەروەسا توندوتیژییا سێکسی ل دەڤ وان پەیدا دبیت.

ل دوماھییێ دبیت حەزا بەرێخۆدانا شاشەیا کومپیوتەری ل دەڤ بکارھێنەرێ ڤان بابەتان، پتر بیت ژ ئەنجامدانا کریارەکا سێکسی یا راست و دروست.