ئاریشێن بێشیانییا سێکسی

ئەگەرەکێ دی کو وە ل من دکەت گرنگییێ ب ئەنجامێن تاقیکرنا (چارەسەریێ) بدەم ئەوە کو پشکدارێن ڤێ تاقیکرنێ - خۆ ئەگەر ب شێوەکێ نە ئەکادیمی هاتبیتە ئەنجامدان - یێن ڕابووین ب ژێبرنا کارێکتەرێ (تەماشەکرنا دیمەنێن سێکسی)، ژبلی ڤەکولینەکا ئەکادیمی کو ب تنێ بو ماوێ سێ حەفتیان یا بەردەوام بوو ، ل ژێر ناڤونیشانێ (ئەو حەزژێکرنا گەلەک نەڤەکێشیت، بێپەردەییا سێکسی و لاوازییا وەفاداریێ بەرانبەر هەڤپشکێ ژیانێ)* ، چ تاقیکرنێن دی یێن ئەکادیمی بسەرنەکەڤتن د ژێبرنا کارێکتەرێ (تەماشەکرنا دیمەنێن سێکسی).

ڤەکولینێن ئەکادیمی د بابەتێ بێپەردەییا سێکسیدا پترییا جاران تەکەزیێ دکەنە سەر لێگەریانا ل پێکڤەگرێدانا پێدڤی د نافبەرا کارێکتەرێن جودا جودا دا، و ئەڤ جورە ڤەکولینە هندەک زانیاریێن گرنگ ددەتە دیارکڕن دەربارەی وان نیشان و كاودانێن کو هەبوونا وان یا گرێدایە ب هەبوونا نەریتێ تەماشەکرنا دیەنێن سێکسیڤە، بەلێ ئەو بۆمە دیارناکەت کا چ رویددەت دەمێ پشکدار تەماشەکرنا وان دهێلن، و ئەڤەیە مەرەما مە ژ ژێبرنا کارێکتەرێ (تەمشەکرنا دیمەنێن سێکسی)، ئەنجامدانا هندەک تاقیکرنا ئەوێن پشت بەستنێ ل سەر ژێبرنا کارێکتەرێ ئەگەر دکەن ئێکە ژ وان ڕێکێن ڤەکولینا زانستی یا باوەریپێکری کو ب ڕێکا وێ زانا ئەگەر و ئەو تشتێن دبنە ئەگەر دیار دکەن.

ڤەکولینێن ئەکادیمی پێکڤەگرێدانەکا پێدڤی دیت د نافبەرا راددێ تەماشەکرنا دیمەنێن سێکسی د گەل هەبوونا نیشانێن خەموکیێ و پەستانا نەفسی و خۆ ڤەدەرکرن و نەبوونا پەیوەندیێن جڤاکی*. هەروەسا ڤان ڤەکولینان پێکڤەگرێدانەکا مەزن دیت د ناڤبەرا ڕاددەیێ تەماشەکرنا بەرهەمێن بێپەردە د گەل بێشییانیێ د پەیوەندیێن سێکسیدا و گوهۆڕینا حەزا  سێکسی* و هەروەسا خرابییا ساخلەمیێ ب شێوەکێ گشتی* و  پاشکەڤتن د پەیوەندییا هەڤژینیێدا*. بەلێ ڤەکولەرێن ئەکادیمی کێم جاران ل هندەک نیشانێن دی دگەرن ئەوێن کو ئەم گەلەک ل سەر ئنترنێتێ دبینین و دخوینین وەک لاوازبوونا هیممەتێ و نەبوونا باوەری بخۆ بوونێ و هزرکرنەکا شێلی و نەبوونا تەرکیزێ و ژدەست دانا هێزا راکێشانا ئافرەتان بۆ خۆ و بێشییانییا سێکسی، و هەروەسا ئەوا تەماشەڤانێن بابەتێن بێپەردە بەحسدکەن کو ب بورینا دەمی ئەو بەرەڤ تەماشەکرنا دیمەنێن پتر بێسەروبەر و شاز ڤە دچن ... و گەلەک خالێن دی.

ژێدەر:
 
[*] Nathaniel M. Lambert, et al., "A Love That Doesn't Last: Pornography Consumption and Weakened Commitment to One's Romantic Partner," Journal of Social and Clinical Psychology 31/4 (2012): 410-438

[*] Michael E. Levin, Jason Lillis, Steven C. Hayes, "When is Online Pornography Viewing Problematic Among College Males? Examining the Moderating Role of Experiential Avoidance," Sexual Addiction & Compulsivity 19/3 (2012): 168-180, doi: 10.1080/10720162.2012.657150.

[*] E.M. Morgan, "Associations between young adults' use of sexually explicit materials and their sexual preferences, behaviors, and satisfaction," J Sex Res 48/6 (2011): 520-530, doi: 10.1080/00224499.2010.543960.

[*] J.B. Weaver 3rd, et. al., " Mental- and physical-health indicators and sexually explicit media use behavior by adults," J SexMed. 8/3 (2011): 764-72, doi: 10.1111/j.1743-6109.2010.02030.x