3 جورێن مروڤان دەربارەی زانست و کرداران دە

ئێک/ ئەوێن زانست هەین و کار پێ دکن 
دوو / ئەوێن زانست هەین و کار پێ ناکن
سێ / ئەوێن بێ زانست بەس کارکرن یێ هەی

جورێ ئێکێ:
ئەوێن زانست هەین و کار پێ دکن 
ئەون یێن زانستەکێ پاک و کاروکریارێن باش پێکڤە کومکرین، ئەڤێن هە خودێ دبێژت ئەون یێن مە نعمەت لگەل کرین
و لسەر مە کرییە ئەرک ئەم ڕوژانە 17 جاران داخوازێ ژێ بکن مە ڕاستەڕێ بکت و رێکێ نیشا مەبدت و تەوفیقا مە لسەر وێ رێکێ بدت.

هەر وەک د سورەتا فاتیحەدا ئایەتا شەشێ و حەفتێ 
(ٱهْدِنَا ٱلصِّرَٰطَ ٱلْمُسْتَقِيمَ)

 اهدنا / هەردووک جورێن هیدایەتێ ب خوەڤە دگرت ئانکو ڕێکێ نیشامەبدە و مە ڕاستەڕێ بکە و تەوفیقا مە بدە لسەر رێکا خوە. 
الصراط / ئەو ڕێکە یا مە پێ دگەهینتە خودێ ئەوژی سێ نە 
ئیسلام و قورئان و پێغەمبەر سلاڤ لێ بن. 
المستقيم / ئەو ڕێکە یە یا خوەهری و نە ڕوهنی و تاریاتی ناڤدە نەبت.
ئانکو   یا خودێ تو مە ڕاستەڕێ بکە وبەرێ مە بدە ڕێکا ڕاست و بێ خوەهری و چق ژێ بچن

(صِرَٰطَ ٱلَّذِينَ أَنْعَمْتَ عَلَيْهِمْ)
 ڕێکا ئەوان یێن تە نعمەت ل گەل کرین 
 باشە ئەو کینە یێن خودێ نعمەت لگەل کرین؟
د سورەتا النساء دە ئایەتا 69 دە دبێژت 

ٱلَّذِينَ أَنْعَمَ ٱللَّهُ عَلَيْهِم
 مِّنَ ٱلنَّبِيِّنَ
 وَٱلصِّدِّيقِينَ
 وَٱلشُّهَدَآءِ
 وَٱلصَّلِحِينَ
     

ئەوێن خودێ نعمەت لگەل وان کرین ژ ژمارە ئێک 
پێغەمبەران و پاشی ڕاستگۆویان و پاشی شەهیدێن ڕێکا خودێ و پاشی چاکێن خودان باوەران.

جورێ دووێ:
ئەوێن دزانن و زانست ل دەف وان هەی بەس کار ب وێ زانینێ ناکن. 
ئەڤ جورێ مروڤان خودێ ژ وان گەلەک توڕە یە و ب غەزەبە ل سەر وان چنکو سەرپێچییا فەرمانێت خودێ د کن و دزانن ژی ئەو نە لسەر هەقیێ نە ژ ئەگەرێ دیڤچوون و زانیارییێن وان هەین بەلێ دانپێدانێ ب پەیاما ڕاست ناکن.
ئەڤە هەرکەسەکێ ڤەدگرت کو ئەڤ سالوخەتە لدەڤ بن بەلێ سەرکێشێن وان جوهی نە ئەو خودان کیتاب بین و ڕاستییا پێغەمبەری دزانین بەلێ کار ب وێ زانینێ نەدکرن. 

لەوڕا لسەر مە پێدڤییە ئەم ڕوژانە 17 جاران ب تێگەهشتن و ب خشوع داخوازێ ژ خودێ بکن کو مە نەبن ژ وان جورە مروڤان 

دەمێ ئەم دبێژن 

غَيْرِ ٱلْمَغْضُوبِ عَلَيْهِمْ 

نە ڕێکا وان یێن یێن ڕاستی زانی و کار پێ نەکرین

جورێ سیێ:
ئەوێن بێ زانین هەما بەس کریارە دبێژنێ سەرداچووی و ڕێ ل وان بەرزە بی و ب ڕێکێ نەکەتین و پەرستنا بێ زانین و چاڤ گرتی ژی ژ ڤان جورە کەسان دهێن هژمارتن و هەروەسا  سەرکێشێن ڤان جورە مروڤان( گاورن / النصارى )  نە
 و ئەوێن خوڕافییاتا و بیدعا ژی ل دینی زێدە دکن ئەوژی ژ سەرداچوویان دهێن هژمارتن 

لەوڕا لسەر مە پێدڤییە ئەم ڕوژانە 17 جاران ب تێگەهشتن و ب خشوع داخوازێ ژ خودێ بکن کو مە نەبن ژ وان جورە مروڤان 
ل دەمێ ئەم دبێژن 

وَلَا ٱلضَّآلِّينَ
نە رێیا وان یێن ڕێ لوان بەرزەبی و لسەر وێ رێکێ دچن یاکو چوو ژ دوماهییا رێکێ نزانن. 

و سوننەتە ل دیڤ دا بێژین ئامین ئانکو 
( اللهم استجب ) یا خودێ تو دوعایا من وەربگرە و  بەرسڤا من بدە. 
 

نڤێسین: نورالله سامي

23-10-2021