چاوا بابەتێن بێپەردە دەمێن بکارئینەرێن وێ د دزیت و کاریگەریێ ل وەرارا وان د ژیانێدا دکەت؟

دبیت تەماشەکرنا بابەتێن بێپەردە وەک ڕه‌نگه‌ك ژ ڕه‌نگێن خۆشیێ و خەم ڕەڤاندنێ دەستپێبکەت، بەلێ د گەل بۆرینا دەمی دبیت ببیتە چالاکییەکا ڕۆژانە کو د گەل چالاکیێن دی یێن ژیانا ته‌ نەگۆنجیت، ئەڤجا دێ تە لاوازکەت و دێ کارتێکرنێ ل ئارمانجێن تە و بەرپرسیارەتیێن ژیانا تە و ساخلەمییا تە کەت. 

خۆ دەمێ ئەو کەس تەماشەی ڤیدیویا نەکەت ژی ئەو گەلەک دەمێ خو د مەزێخیت دەمێ هزرا خۆ د وان وێنه‌یاندا دکەت یێن وی دیتین و هزرا خۆ دکەت کا دێ پاشی تەماشەی چ کەت و چ بینیت و دابینکرنا بارودوخەکێ گۆنجای داکو ب تنێ بمینیت ل دەمێ تەماشەکرنا ڤیدیویێن بێپەردە دا و ڤەشارتنا شوینوارێن خۆ داکو کەس نەزانیت.

تەماشەکرنا بابەتێن بێپەردە دشێت ببیتە رێگر بەرانبەر چالاکیێن گرنگ وەکی ئەنجامدانا ڕاهێنانا و خوارن و ڤەخوارنەکا ساخلەم و بدەستڤەئینانا خەوەکا خۆش و کافی و سەر شویشتن.
 
ئەو کەسێن تەماشەی بابەتێن بێپەردە دکەن ئاریشێن خەوێ یێن هەین، ئەڤجا ئەگەرێ وێ چییە؟

ئاریشێن خەوێ وەکی وەستیان و کێمبوونا شیانێن نڤستنێ ئێک ژ ئاریشێن تەماشەڤانێن بێپەردەییێنە، ژبەرکو گەلەک ژ وان کەسێن تەماشەی بابەتێن بێپەردە دکەن بەری نڤستنێ یان پشتی نیڤ شەڤ تەماشە دکەن، ئەڤجا ئەڤە کارتێکرنێ ل ساخلەمی و پەیوەندیێن وان یێن خێزانی و کارێن وان دکەت. دبیت بابەتێن بێپەردە خەوێ نەخۆش کەت و وەل تەماشەڤانی بکەت خەوا وی یا ب زەحمەت بیت ژبەرکو ناڤەندێن دیتنێ د مێشکیدا گەلەک زەحمەتێ دبەن د ئارامکرنێ دا پشتی وێ هەمی ئاراندن و خۆشیێ.