ڤەکولینەکا گەلەک باش ل چینێ هاتە ئەنجامدان، کو مەحالە ل رۆژئاڤای دووبارە بیتەڤە، و تێدا زانا رابوون ب پشکنینکرنا ساخلەمییا مێشکی و دروونی بۆ 143 قوتابیێن کو ژنوی هاتینە زانکویێ، و هندەک قوتابی دانە لایەکی کو بەری زانکویێ وان چجاران ئینتەرنێت بکارنەئینابیت. پشتی 12 هەیڤان زانایان پشکنینا خۆ بۆ وان قوتابییان دووبارە کرە ڤە، وان دیت کو 59% ئیدمانا بکارئینانا ئنترنێتێ یا لدەف پەیدابووی ، ڤەکولەر دبێژن: (پشتی گەهشتینە قوناغا ئیدمانێ ئەنجامێن پشکنینێن وان دیاڕکر کو رێژا خەموکیێ و توندرەوی و هەستیاری د سەرەدەریکرنا دگەل کەسێن دی د ل دەڤ وان یا زێدەبووی، و ئەڤە ئاماژە ب هندێ ددەت کو ئەڤ نیشانە یێ ل دەڤ پەیدابووین ژ ئەنجامێ ئیدمانا بکارئینانا ئینتەرنێتێ).

پاشی زانایان ئەو قوتابیێن گەهشتینە راددێ ئیدمانێ جودا کرن و ئەنجامێن پشکنینێن وان بەری و پشتی ئیدمانێ هەڤبرکرن ، وان دیت کو ئیدمانا بکارئینانا ئینتەرنێتێ یا بویە ئەگەرێ ئاریشەکا مەزن د ساخلەمییا وان یا مێشکی و دەروونی دا، و ڤەکولینێ دیارکر کو:

١- بەری ببنە مودمنێن بکارئینانا ئینتەرنێتێ خەموکی و توندرەوی ل دەڤ ڤان کەسان کێمتربوو ژ رێژا نورمال.

٢- پشتی بووینە مودمنێن تەماشەکرنا بابەتێن بێپەردە و سەرەدانکڕنا ماڵپەڕێن پیس د ماوێ وێ ساڵێدا ئەوا  زانکویێ بوراندی رێژا ڤان تشتێن هە (خەموکی و توندرەوی و ..) گەلەک بلندبوو، ئەڤە وە ل مە دکەت بێژین کو خەموکی و توندرەوی و هەستیاری هندەک نەخوشی و نیشانن کو ئەگەرێ وان ئیدمانا بکارئینانا ئینتەرنێتێیە.

ڤەکولەر دبێژن: (ئەم نەشیاین کارێکتەرەکێ ب تنێ یێ دیارکری جوداکەین کو پێشبینییا هندێ بکەت زێدە بکارئینانا ئینتەرنێتێ دبیتە ئەگەرێ ئیدمانێ، بەلێ هەرچەوابیت ئیدمانا بکارئینانا ئنترنێتێ نەخۆشییە و دبیتە ئەگەرێ زیانێن ساخلەمی یێن گەلەک ب مەترسی).

کوڕتییا ڤەکولینێ دیارکر کو ڕەفتارا قوتابییا د بکارئینانا ئینتەرنێتێدا ئەوە بوویە ئەگەرێ پەیدابوونا ئاریشێن دەرونی ل دەڤ وان.

ژێدەر:

Guangheng Dong, Qilin Lu, Hui Zhou and Xuan Zhao, "Precursor or Sequela: Pathological Disorders in People with Internet Addiction Disorder," (2011) DOI: 10.1371/journal.pone.0014703