بو دەیک و باب و ماموستا و قوتابیا

بو دەیک و بابا 
زاڕوکێن خۆ فێری رەوشتێ جوان بکەن و گرنگیێ ب وان بدەن، هوین نێزیکترن بو زاڕوکێن خۆ ژ ماموستایا، ئەگەر ڕوژێ چارر سەعەتا ل قوتابخانێ بن بیست سەعەتێن ماین ئەو یێن ل بەر دەستێ هەوە، لەوما نابیت هوین بهێلنە هیڤیا قوتابخانێ ڤە، وبزانن کا چەند یا گرنگە هوین وان فێری یاسایێن قوتابخانێ بکەن بونمونە وان ل دەمێن وان یێن دروست فرێکەنە قوتابخانێ، ئەها بڤی رەنگی و گەلەک گرنگتر وان فێری یاسایێن خودێ بکەن کو ئەو نڤێژێن خوژی ل دەمێ وان دا بکەن.

خودایێ مەزن دبێژیت
(يَٰأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ) [التحريم - الآية 6]

ئانکو: ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، هوين خۆ وعه‌يالێ خۆ ب گوهدانا فه‌رمانا خودێ ژ وى ئاگرى بپارێزن يێ ب مرۆڤ وبه‌ران دئێته‌ هلكرن، 

خۆ و زاڕوکێن خۆ ژوی ئاگری بپارێزن یێ کو ب بەر و مروڤان دهێتە خوشکرن، خودایێ مەزن نەگوت خو بتنێ ژێ بپارێزن بەلکو گوت خۆ و زاڕوکێن خۆ و مالا خۆ ژی ژڤی ئاگری پارێزن، ڤێجا کچێن خۆ بێ ستارە نە فرێکەنە قوتابخانە و زانکویان ژبەر کو واجبە لسەر هەوە هوین جلکەکێ ب ستارە بکەنە بەر وان، ودەستێ وان بگرن و نەهێلن بەرەڤ ڤی ئاگرێ بترس ڤە بچن کو جەهنەمە، دا کو هوین ژی گونەها وان نەراکەن. 

ئێک ژ گرنکترین خالێن پەروەردەکرنا زاروکان چاڤدێری کرنا وانە، لەوما دڤێت دەیک و باب بزانن کانێ زاڕوکێن وان هەڤالینییا کێ دکەن، ژبەر کو ل چ سەردەما وەکی ڤی سەردەمی خرابی بساناهی نە کەتی یە، دبیت ب ئێک نامە یان ب ئێک لینک زاڕوکێ تە ببیتە مودمنێ فلمێن کرێت و بێ پەردە!! لەوما گرنگە کو هوین بەردەوام چاڤدێریا وان بکەن، هەروەسا وان فێری ئنیەتەکا پاقژ بکەن و نیشا وان بدەن کو چونا قوتابخانێ بتنێ نە ژبەر دەستڤەئینانا موچەیەکێ یە بەلکو بهایێ زانینێ نیشا وان بدەن. 

بو ماموستایێن بەرێز
ماموستایێ هێژا کارێ خۆ بتنێ نەبینە کو ئەداکرنا وەزیفەکێ یە، و وەرگرتنا پارەیەکێ هەیڤانەیە، نەخێر تۆ خودانێ کارەکێ پیروزی، ڤێجا چجارا خۆ ژ خێرا شیرەت و ئاموژگاریا بێ بارنەکە، ژبەرکو دبیت هندەک دەیک و باب دکەمتر خەم بن ددەرهەقێ زاڕوکێن خۆ دا، لەوما یا گرنگە ژبلی فێربونێ تۆ ببرولێ دەیک و بابێن وی قوتابی راببی و وێ ڤالاهیێ تژی بکەی یا ئەو قوتابی تێدا، وبزانە ئەڤ قوتابیە ئەمانەتن ل ستویێ تە لەوما بەردەوام دگەل بابەتێ خۆ (خو چ بابەت بیت) بیرا وان بینە و بەرێ وان بدە خێر و چاکیێ. 

بو ماموستایین ئافرەت
ماموستایا بەریز: تو پێشەوا وسومبولی بو قوتابيا، فيجا ته ئه مانەت جلكەكى شەرعی بكەبەر خۆ ب تایبەت ئەگەر تو ماموستا بی ل قوتابخانەكا تيكەل يان ژى يا كوران، ژبەركو نەيا بەر عاقله تو کاری په روەردێ بکەی تۆ هیشتا پیتڤی پەروەردێ بی  و رەوشتێن موسلمانا تە نە بن! و یا ژڤێ هەمیێ سەیر تر ڤێجا تو ببیە رێکەک كو مێشك و رەوشتێ قوتابیێن کور بەرەڤ خرابیێ ڤە ببەی، ڤێجا ژخودێ بترسن و وی جلکی بکەنە بەرخۆ یێ خودێ لسەر ژنان فەرز کری و یێ ئەو ژێ رازی، نەیێ مودێل و یێ هوین حەژێ دکەنو خۆ پێ مەزن دکەن، ئەڤ گوتنا من بو قەبر و قیامەتا هەوە باشترە. 

بو رێڤەبەرێن قوتابخانا
رێڤەبەرێ بەرێز: ته ل قوتابخانی یان زانکویی گەلەک صەلاحيات و شيان یێن هەینو تۆ خودان بریاری، و تۆ دشێ گەلەک چاکییان بکەی برێکا ڤان بریارا، فيجا ئەگەر هەر چ نەبيت تو دشی جهەکی تازه و گونجای بو قوتابیا دروست بکەی کو ئەو نڤێژێن خۆ لێ بکەن، و تو دشی شيانا بده یه ماموستايا كو ده ستويريي بدەنە قوتابيا دەمێ کو ئەو دچن نڤێژێن خۆ دکەن، بشێوەیەکێ رێکخستی کو ببیتە تشتەکێ هەرەمەکی بێ کو زیان ب وانێن وان بکەڤیت، و ئەڤ خێرا مەزن یا ڤان قوتابییا هەمیا دێ تو ژی هەڤپشک بی تێدا.

بو قوتابيا
قوتابیی خوشتفی: ئەڤ پروسا هندە مەزن و ئەڤ مەبلەغێن هندە مەزن ژ ئاڤاکرنا قوتابخانا و دابین کرن و چاپکرنا پەرتوک و ماموستایان هەمی ژپێخەمەت تە ژ، یێن دئامادە باشیێ دا لەوما پێتڤی یە لسەر تە تو بچاڤەکێ کێم نەسەحکەیە ڤێ چەندێ و تو بزانە کو تو ژێ بەر پرسی بارامبەر خودێ دەمێ تو سڤکیێ بڤێ چەندێ بکەی. 

ڤێجا رێزێ ل ماموستایێن خۆ بگرە و بەردەوام بلا ئەو ماندیبونا ماموستا و خێزاناتە تەڤە دبەن ل پێش چاڤێت تەبیت، تۆ بزانە کەمتر خەمیاتە ل قوتابخانێ مەزنترین زولمە تۆل خێزانا خۆ وماموستایێن خۆ ونەفسا خۆ دکەی، وبێ گومان خودێ حەژڤێ چەندێ ناکەت ودێ لێپرسینێ بەرانبەر ڤێ چەندێ دگەل تەکەت، ڤێجا خودان مورال و هیممەتەکا بەرز و مەزن بە و بنمرێن کێم رازی نە بە، و کەیفا خێزان و ماموستا ومللەتێ خۆ ب خۆ بینە، و سەرێ خۆ ویێ مە ب خۆ بلند بکە. 

دوماهیک
ژخودێ دخوازم کو ئەو هاریکار و پشتەڤانێ مە هەمیان بیت و سالەکا تژی خێر و بەرەکەت و زانین و مفابیت.