دلێ مروڤی یان دڤێت دگەل دلچویێن کافرا بیت یان دگەل شریعەتێ خودێ بیت! 
ئەرێ تێکەل بونا ھەردووکان ھەیە؟!

{مَا جَعَلَ اللَّهُ لِرَجُلٍ مِنْ قَلْبَيْنِ فِي جَوْفِهِ} الأحزاب ٤ ، ئانکو: خودێ دوو دل نەکرینە د سینگێ چ مروڤاندا ، ھەر ئێکی دلەك بتنێ ھەیە.. و ھەر وەکی ئەڤە رەنگەکێ تەعقیبێیە لسەر وێ مەسەلا ئایەتێن بورین دا چوی دەمێ خودێ فەرمان ل پێغەمبەری -سلاڤ لێبن- کری کو ئەو دویفکەفتنا وەحیا خودێ بکەت و گوھداریا کافر و منافقا نەکەت؛ چونکی وی دلەکێ بتنێ ھەیە ، و ئەڤ دلە دڤێت یان دگەل شەریعەتێ خودێ بت ، یان دگەل دلچونێن کافر و منافقا.. (مەنھەج) دڤێت ئێک بت ، و لێ نەگەریێت دو رێکێن ژێک جودا و ھەڤدژ ل نیڤێ بگەھینیتە ئێک ، وەکی گەلەک ژوان کەسێن دبێژن: مە باوەری ب ئیسلامێ ھەیە و دگەل ھندێ ئەو رێبازێن کافران بخو دکەنە قانون و رێباز! ئەڤە نابت ، چونکی ھەر مروڤەکی دلەک ھەیە یان دێ دگەل خودێ و رێکا ویا راست بت یان دێ دگەل کافران و رێکێن وان یێن چەپ و چویر بت.

« تەفسیرا دوسکی ، ٥ / ٥٩٣ »