ئەرێ گوتنا لا إلە إلا اللە بتنێ بەسە؟

عبد العزیز ابن باز رحمە اللە دبێژیت : زور فەرموودە ژ پێغەمبەریﷺ یێت هاتێن کو بەڵگەنە لسەر هندێ کو یێ بێژیت : (( لا اله الا الله و براست بدانیت د دلێ خودا دێ چیتە بەهشتێ ))، و دهندەکێ دا : (( ب خالصی د دلیدا ))، و دهندەکێ دا : (( فەرمان یا لمن هاتیە کرن کو شەری خەلکی بکەم حەتا دبێژن : لا الە الا اللە و ئەگەر گوت دێ مال و خوینا وی لسەر من حەرام بیت ئیلا ب حەقێ ئیسلامێ نەبیت و حسابا وی لدەف خودێ یە ))، و دهندەکێ دا دبێژیت ﷺ : (( فەرمان یا لمن هاتیە کرن کو شەری خەلکی بکەم، حەتا شاهدەیێ ددەن ب لا الە الا اللە ، و محمد پێغەمبەرێ ویە ، و نڤێژان بکەن و زەکاتێ بدەن ، و ئەگەر ئەڤە ئەنجام دا مال و خوینا وی دێ لسەر من حەرام بیت ئیلا ب حەقێ ئیسلامێ نەبیت و حسابا وی لدەف خودێ یە )). 
و ئەف هەمی فەرموودەیە هندەک تەفسیرا هندەکان دکەن - ئانکو هەمی تەفسرا ئێک دکەن - ، ڕامانا هندێ یە هەرکەسێ بێژیت : لا الە الا اللە ب ڕاستگوی د دلێ خودا و بخالصی بو خودێ تعالی بتنێ و بجھ ئینانا مافێن وێ بوان کریاران یێت خودێ فەرمان کری ، و هێلانا وان گونەهان یێت خودێ حەرامکرین ، و بمریت لسەر ڤێ ؛ دێ چیته بەهشتێ ، ڤێجا مال و خوینا وی دێ یا پاراستی بیت هندی یێ ساخ ژبلی ماف و حەقێ ئیسلامێ .

ژێدەر : ماڵپەرێ شێخی ل ئنترنێتێ