شێخ ابن عثیمین رحمه الله دبێژیت: 

هەتا عبادە دورست بیت ولدەف خودێ بهێتە قەبولڪرن دڤێت موافقی شەریعەتێ بیت ژلایێ شەش تشتانڤه: 
(ئەگەر ، جنس ، چەوانی، چەنداتی، جھ و دەم) 

١- ئەگەر: ئانڪو دڤێت ئەگەرەڪ بۆ ڪرنا وێ عبادەتێ هەبیت.
بۆ نموونە: هەردوو رڪاعەتێن تحیة المسجد هەردەمێ چوو دەمێ مروڤ بچیتە مزگەفتێ دێ ڪەت. 
بەلێ ئێڪ رابیت هندی چوو مالا خو دوو رڪاعەتا بڪەت ئەڤە دورست نینە دشەریعەتێ دا نەهاتیە و دبیتە بدعە. 

۲- جنس: وەڪی قوربانی دانێ ل چەژنا قوربانی، چونڪی ئەو حەیوانێن پێغەمەری(سلاڤ لێ بن) فەرمانێ پێڪری بۆ قوربانیێ سێێ نە -حێشتر و چیل و پەز) غەیری ڤان حسێب نابیت ژ قوربانیێ، بەلڪو هەروەڪی تو خوارنەڪێ بدەیە خەلڪێ، و ب قوربانیێ حسێب نابیت. 

۳- چەوانی: ئانڪو وێ عیبادەتێ چەوانیەڪ دیارڪری هەبیت.
وەڪی نڤێژێ چەوانیەڪا دیارڪریی هەیە ڪو بۆ مە هاتیە ڤەگوهاستن ژ پێغەمبەری(سلاڤ لێ بن) ژ تەڪبیر و رڪوع و سجود...هتد
هەر ڪەسێ مخالفی هندێ نڤێژ بڪەت دورست نینە، یان ژنڪێ بڪەنە ئیمام ل پێش نڤێژێ ئەڤە ژی دورست نینە. 

٤- چەنداتی: وەڪ ژمارا رڪاعەتێن نڤێژێ یان ژمارا نڤێژێن دروژەڪێ دا دهێنەڪرن. 

٥- جھ: هەروەڪی پێغەمبەر(سلاڤ لێ بن) دبێژیت ئیعتڪاف ل سێێ جهان تنێ هەیە، بۆ نموونە نابیت مروڤ ل مالا خو ئیعتڪافێ بڪەت و بێژیت من ئیعتڪاف ڪر. 

٦- دەم: ئانڪو هەتا دەمێ وان نەهێت دورست نینە عبادەت بهێتنە ڪرن، وەڪ داخلبوونا دەمێ نڤێژێ، چونڪی دورست نینە نڤێژ بهێنەڪرن بەرێ بانگدانێ . 

شيخ عثمان الخميس حفظه الله 
مفتاح الطلب/شرح الابعون النویة ١٤٤٤